ရှီရှန်းက ကြမ်းပြင်တွေကိုဖြတ်ပြီး စတုတ္ထအထပ်ကိုသွားလိုက်တယ် တစ်ထပ်လုံးကိုဟောခန်းကျယ်ကြီးတစ်ခန်းနဲ့ဖွဲ့စည်းထားတယ်
သူမအထဲကို၀င်လိုက်တာနဲ့ ကျောချမ်းစရာအငွေ့အသက်ကိုခံစားမိတယ် ဒါပေမယ့် အဲ့ဒါက အိမ်ရဲ့အခြားနေရာတွေမှာခံစားရတဲ့အေးစက်မှုနဲ့တော့မတူဘူး..ကျောစိမ့်စရာအငွေ့အသက်အပြင် ပြတင်းပေါက်တွေကိုလည်း လိုက်ကာအနက်ရောင်တွေနဲ့ကာထားပြီး အလင်းရောင်တစ်စက်မှမ၀င်အောင်လုပ်ထားတယ်
ရှီရှန်းက အခန်းကိုပတ်ကြည့်လိုက်ပေမယ့် သခင်မချီနဲ့တစ်ပုံစံတည်းတူတဲ့အမျိုးသမီးရဲ့ပန်းချီကားတစ်ချပ်ကိုပဲတွေ့ရတယ်
ဟင့်အင်း...သူတို့မှာကွာခြားမှုတွေရှိတယ်..
"ငါတို့တွေတူကြတယ်မလား.."
သူမရဲ့နောက်ကနေ အသံတစ်သံရုတ်တရပ်ထွက်ပေါ်လာတယ်
ရှီရှန်းကချက်ချင်းလှည့်ကြည့်လိုက်တယ်
အနီရောင်၀တ်ထားတဲ့အမျိုးသမီးတစ်ယောက်က လိုက်ကာအနက်ရောင်ဘေးမှာရပ်နေတယ် သူမက ပန်းချီကားထဲကအမျိုးသမီးပဲ..အနီရောင်နဲ့အဖြူရောင်တစ္ဆေနှစ်ယောက်က အခန်းထဲမှာ လိုက်ဖက်စွာရှိနေကြတယ်
အမျိုးသမီးကရှီရှန်းကိုပြုံးပြတယ်
''မင်းဘယ်လိုသေသွားတာလဲ''"မမှတ်မိဘူး.."
"ငါ့အမြင်မှာတော့မင်းကကံကောင်းတဲ့သူဘဲ...အသက်ရှင်တုန်းကအကြောင်းတွေကိုစဥ်းစားနေစရာမလိုတော့ဘူး..ပြသနာနည်းတာပေါ့.."
ရှီရှန်းကသူမကိုတိတ်ဆိတ်စွာစိုက်ကြည့်နေတယ် သူမရဲ့စိတ်ထဲမှာတော့ ဒီမိန်းမကို သေအောင်ဘယ်လိုရိုက်သတ်ရမလဲတွေးပြီးတော့ပေါ့
အမျိုးသမီးကစကားဆက်ပြောတယ်
"ငါက ငါ့အသက် ၂၅နှစ်ပြည့်မွေးနေ့မှာသေသွားတာလေ....အဲ့ဒီအချိန်တုန်းက ငါ့ရဲ့နျန်နျန်လေးကိုမွေးပြီးခါစလေး...ဒါပေမယ့် သူမကြီးပြင်းလာတာကိုငါမမြင်လိုက်ရပါဘူး.."...............
ပန်းချီကားထဲကအမျိုးသမီးရဲ့နာမည်ကို စုယွင် လို့ခေါ်တယ် သူမနဲ့ချီမိုက တက္ကသိုလ်မှာ ဘွဲ့မရခင်ကတည်းက ချစ်သူတွေဖြစ်ခဲ့ကြတာ..စုယွင်ရဲ့မိဘတွေနဲ့ ချီမိုရဲ့မိဘတွေက အရင်ကတည်းက ခင်မင်ခဲ့ကြတဲ့ မိတ်ဆွေတွေဖြစ်ကြတာမို့ သူမတို့နှစ်ယောက်လက်ထပ်ဖို့ကလည်း ချောချောမွေ့မွေ့ပဲပြီးဆုံးသွားတယ်.. လက်ထပ်ပြီးတော့ သူတို့နှစ်ယောက်ရဲ့ သံယောဇဥ်တွေက ပိုလို့တောင်ခိုင်မာလာတယ် အဲ့ဒီနောက်မှာ စုယွင်က ကျန်းမာတဲ့သမီးလေးတသ်ယောက်ကိုမွေးပေးခဲ့တယ်..ပုံမှန်အားဖြင့်တော့စုယွင်ကသက်တောင့်သက်သာနဲ့ပျော်ရွှင်စရာမိသားစုဘ၀ကိုပိုင်ဆိုင်ရတော့မလိုပေါ့.....
YOU ARE READING
ရှီရှန်း (႐ွီ႐ွန္း) Book 2 Arc 5 to Arc 10
Teen FictionThis is not my own story just for offline reading and Myanmar transalation . full crd to original uploder and english transatator.
Arc 8.12
Start from the beginning