သူမတို့တွေခြံ၀င်းထဲကို၀င်လိုက်တာနဲ့ ရှီရှန်းကမသက်မသာခံစားလိုက်ရတယ် သူမကို တစ်ယောက်ယောက်က အမှောင်ရိပ်တွေထဲကနေစောင့်ကြည့်နေသလိုမျိုးပဲ...
အိမ်တော်၀င်းထဲမှာလည်း အလင်းရောင်လုံလုံလောက်လောက်မရတဲ့အပြင် ထူးဆန်းတဲ့မြူခိုးတစ်ထပ်ကလည်းအုပ်ဆိုင်းနေသေးတယ်
အဘိုးအိုက သူတို့ကို ဒုတိယထပ်ကိုခေါ်သွားတယ် လှေကားတစ်ထစ်လှမ်းတက်လိုက်တိုင်းမှာ သူတို့ရဲ့နှလုံးကို လေးလံတဲ့စိတ်ခံစားချက်ကပိုပိုဖိစီးလာတယ်'အခြေအနေကသိပ်တော့မကောင်းဘူး..'
ရှီရှန်းကစိတ်အနှောင့်အယှက်ဖြစ်လွန်းလို့ ပုန်းပြီးစောင့်ကြည့်နေတဲ့ဟာတွေကို ဆွဲထုတ်ပစ်ချင်စိတ်ပေါက်နေတယ်
ရှီရှန်းရဲ့စိတ်လှုပ်ရှားမှုကို ဖုန်းကျင်းကသတိထားမိသွားပုံပေါ်တယ်"သူတို့ ငါ့အနားမကပ်နိုင်ပါဘူး..စိတ်ကိုလျှော့ထား.." ဖုန်းကျင်းရဲ့တည်ငြိမ်တဲ့အသံကရှီရှန်းရဲ့နားထဲကို၀င်သွားတယ်
ရှီရှန်းကအေးစက်စက်ပြုံးပြလိုက်တယ်
"ကျွန်မကိုကြောက်နေတယ်လို့ထင်နေတာလား.."
သူမရဲ့အသံထဲမှာလှောင်ပြောင်တဲ့အငွေ့အသက်တွေပါနေတယ် သူမရဲ့မျက်လုံးတွေကအေးစက်နေပေမယ့် သေချာစိုက်ကြည့်မယ်ဆိုရင် ပုံမှန်မဟုတ်တဲ့တည်ငြိမ်မှုကိုလည်းတွေ့နိုင်တယ်
ဖုန်းကျင်းကအကြည့်အမြန်လွှဲလိုက်ရတယ်
အတွင်းထဲမှာတော့ သူ့နှလုံးကပရမ်းပတာခုန်နေတယ် အသက်ရှူသံတွေတောင်သိပ်မမှန်ချင်တော့ဘူး..
နဥ်ရင်းရဲ့ဒီလိုဘက်ခြမ်းကို သူတစ်ခါမှမမြင်ဖူးဘူး..သူမရဲ့မျက်လုံးကိုစိုက်ကြည့်မိလိုက်တဲ့အချိန်မှာ အသက်ရှူတောင်ကြပ်လာသလိုပဲ..အန္တရာယ်တွေနဲ့ပြည့်နေတဲ့အခန်းကျဥ်းတစ်ခန်းထဲမှာအပိတ်ခံထားရသလိုမျိုးခံစားရစေတယ်"မစ္စတာဖုန်း?" အဘိုးကြီးရဲ့အသံကိုကြားလိုက်ရတယ်
ဖုန်းကျင်းကသူ့အသိစိတ်ကိုပြန်ဆွဲခေါ်ပြီး လက်ရှိအခြေအနေကိုအာရုံစိုက်ကာ အဘိုးကြီးနောက်ကိုလိုက်သွားလိုက်တယ်
YOU ARE READING
ရှီရှန်း (႐ွီ႐ွန္း) Book 2 Arc 5 to Arc 10
Teen FictionThis is not my own story just for offline reading and Myanmar transalation . full crd to original uploder and english transatator.
Arc 8.7
Start from the beginning