ထွန်းသစ်စထိုသို့တွေးမိတော့ ရယ်ချင်လာသည်။ တော်တော်တုံးလွန်းတဲ့ ငါပါလားဟု တွေးမိသောကြောင့်ဖြစ်မည်။ ဒါမှမဟုတ် ပိရိပြီး သရုပ်ဆောင်ကောင်းလွန်တဲ့သံသာ့ကို ချီးကျူးတာဖြစ်မည်။
"Zett ဘာတွေရယ်နေတာလဲ...သံသာ့ကိုလည်းပြောပါဦး"
"ပြောမှာပါ သံသာ...အကုန်လုံးပြောပြမှာ...ငါမပြောခင် မင်းကိုအရင်မေးစရာရှိတယ်...အမှန်တိုင်းဖြေပေးဖို့မျှော်လင့်ပါတယ်"
သံသာက လက်ပိုက်လိုက်ကာ မေးငေါ့ပြသည်။
"ငါ့မိဘအရင်းတွေအကြောင်း ဘယ်လိုသိတာလဲ...အမှန်တိုင်းဖြေပါ"
ထွန်းသစ်စအမေးကို သံသာကချက်ချင်းမဖြေဘဲ စဉ်းစားဟန် ခေါင်းစောင်း၍မျက်နှာကြက်ကိုမော့ကြည့်သည်။
"အင်း...Zett သိရင် အရမ်းအံ့ဩသွားလိမ့်မယ်...ဒါကြောင့် မသိချင်ပါနဲ့...အဲဒီအစား ကြိုပြင်ဆင်စမ်းပါ"
ထွန်းသစ်စ သံသာ့ကိုကြည့်ပြီးအားရပါးရရယ်လိုက်ကာ...
"ဘာလို့လဲ အရမ်းအံ့ဩသွားရအောင် ဘယ်သူမို့လို့လဲ...ဒေါ်နွယ်နွယ်လား"
မွှေးသံသာမျက်လုံးများ ပြူးကျယ်သွားပြီး ပိုက်ထားသည့်လက်ကိုပြန်ဖြုတ်ချကာ ထွန်းသစ်စကို မယုံနိုင်သလိုစိုက်ကြည့်သည်။
"Bingo??"
သံသာမှာပြန်မဖြေနိုင်သေးဘဲ ကြောင်တောင်တောင်နှင့်သာ။
"ငါသိချင်တာတစ်ခုရှိတယ် သံသာ...ဒေါ်နွယ်နွယ်က မင်းကိုဘယ်လိုမက်လုံးတွေပေးလိုက်လို့ ဒီလိုလုပ်ရတာလဲ...ဒါကိုတော့ မင်းဖြေကိုဖြေရမယ်...မင်းအဖြေပေါ်မူတည်ပြီး ငါခွင့်လွှတ်ပေးမယ်...မဟုတ်ရင်တော့ မင်းငါ့ကိုသွေးဆောင်လှည့်ဖြားပါတယ်ဆိုပြီး လိုင်းပေါ်မှာလည်းတင်မယ် ငါ့မိဘအရင်းတွေလို့ မင်းပြောတဲ့ လင်မယားနှစ်ယောက်ကိုလည်း ငါကိုယ်တိုင်သွားပြောမယ်"
မွှေးသံသာ အသက်ကိုဖြည်းဖြည်းချင်းရှူထုတ်ကာ လွယ်ထားသောအိတ်ကိုဖြည်လိုက်သည်။ အိတ်ထဲကဖုန်းကိုထုတ်ပြီးနောက် ဘေးလွယ်အိတ်ကို ကြမ်းပြင်ပေါ်ပစ်ချလိုက်၏။ ထို့နောက် ဖုန်းကိုဖွင့်ကာ...
YOU ARE READING
ကောက်ညှင်းထုပ်လေးရဲ့ နှလုံးသားသံစဉ် | ေကာက္ညွင္းထုပ္ေလးရဲ႕ ႏွလုံးသားသံစဥ္
General Fictionသီချင်းတစ်ပုဒ်အတွက် ဘယ်အရာတွေ ပေါင်းစပ်ကာမှ ပြည့်စုံသလဲ...။ ကျွန်တော့်အတွက် အစ်ကိုဟာ ပြည့်စုံခြင်းတစ်ခုပဲ...။ သီခ်င္းတစ္ပုဒ္အတြက္ ဘယ္အရာေတြ ေပါင္းစပ္ကာမွ ျပည့္စုံသလဲ...။ ကြၽန္ေတာ့္အတြက္ အစ္ကိုဟာ ျပည့္စုံျခင္းတစ္ခုပဲ...။ 📘 Cover art by Hawk F...
Extra-7
Start from the beginning