Unicode...
"ကိုသရက်သီး...ကိုသရက်သီး...အီးဟီးးး"
ခန့်ပိုင် ကိုသရက်သီးကိုတွေ့တာနှင့် အားကိုးတကြီး အပြေးသွားကာ ဖက်လိုက်သည်။ ခန့်ပိုင်ကို ဂြိုကြည့်ကြည့်နေကြသော ဝိတ်တာလေးများပင် ဆက်ဉာဏ်ရောက်လာတာကြောင့် အကြည့်တွေကို ပြင်လိုက်ရသည်။
"ဘယ်လိုဖြစ်တာလဲကွာ...ဒါနဲ့ ဘေလ်ကဘယ်လောက်ကျလဲ"
ဘယ်လိုကနေဘယ်လိုသူ့ရင်ခွင်ထဲရောက်နေတယ်မသိသော နှာတိုမျက်မှေးကိုမေးနေရာမှ သူနှင့်မျက်နှာချင်းဆိုင်ရပ်နေကြသော ဝိတ်တာနှစ်ယောက်ကို ကျသင့်ငွေမေးလိုက်ခြင်းဖြစ်သည်။
"32000 ပါခင်ဗျ...ဒီမှာ ဘောက်ချာပါ"
ဆက်ဉာဏ် ကမ်းပေးလာသောဘောက်ချာစာရွက်ကိုတစ်ချက်ကြည့်ပြီး ခါးကြားထဲက ပိုက်ဆံအိတ်ကိုထုတ်လိုက်ကာ 32000ပေးလိုက်သည်။ ထို့နောက် အခုထိ သူ့ကိုတောက်တဲ့လိုကပ်နေပါသော နှာတိုမျက်မှေးကို ခွာပြီး Barထဲကနေထွက်လာခဲ့သည်။
"ဘယ်လိုဖြစ်ပြီး ပိုက်ဆံအိတ်ပျောက်သွားရတာလဲ"
အငိုမတိတ်သေးသော ချာတိတ်က နှာတရှုံ့ရှုံ့နှင့် ဖြေဖို့ရာအားယူနေသည်။
"မသိဘူး...ကျွန်တော်လည်း ထိုင်နေတာပဲ...ဘယ်တုန်းကအနှိုက်ခံလိုက်ရလဲမသိဘူး"
"မင်းက ပိုက်ဆံအိတ်ကို ဘယ်နားထားလို့လဲ"
မူးနေပြီဟုဆိုနိုင်သော ရီဝေဝေယိုင်တိုင်တိုင်ချာတိတ်က ဆက်ဉာဏ်နှင့်မျက်နှာချင်းဆိုင်နေရာမှ အနောက်ကိုလှည့်ပြီး သူ့တင်ပါးကို သုံးလေးချက် ဆက်တိုက်ပုတ်ပြသည်။
"ဟဲ့...ဟဲ့ကောင်လေး...ဘာတွေလုပ်နေတာလဲ"
ဆက်ဉာဏ် အလန့်တကြားဝင်တားရ၏။ ဘေးနားက ဖြတ်သွားဖြတ်လာများကိုလည်း ဝေ့ဝဲကြည့်ရသေးသည်။
"ဟမ်...ကိုသရက်သီးပဲ ဘယ်နားထားလဲဆို...ကျွန်တော် ဒီထဲပဲ ထည့်ထားတာဗျ"
နောက်တစ်ကြိမ် တင်ပါးကိုပုတ်ပြန်သည်။ သူပြချင်သည့်နေရာက ဘောင်းဘီအနောက်ဘက်က အိတ်ထောင်ဖြစ်မည်။ သို့သော် သူ့ပုံစံကတော့ အိတ်ထောင်ကိုပြနေတာနှင့်မတူ။
YOU ARE READING
ကောက်ညှင်းထုပ်လေးရဲ့ နှလုံးသားသံစဉ် | ေကာက္ညွင္းထုပ္ေလးရဲ႕ ႏွလုံးသားသံစဥ္
General Fictionသီချင်းတစ်ပုဒ်အတွက် ဘယ်အရာတွေ ပေါင်းစပ်ကာမှ ပြည့်စုံသလဲ...။ ကျွန်တော့်အတွက် အစ်ကိုဟာ ပြည့်စုံခြင်းတစ်ခုပဲ...။ သီခ်င္းတစ္ပုဒ္အတြက္ ဘယ္အရာေတြ ေပါင္းစပ္ကာမွ ျပည့္စုံသလဲ...။ ကြၽန္ေတာ့္အတြက္ အစ္ကိုဟာ ျပည့္စုံျခင္းတစ္ခုပဲ...။ 📘 Cover art by Hawk F...
