فلتات ضحكة من رياض وتبعوا مصطفى وزوجتو وجواد من غير ندى لغطرطق بالعصبية....
غيثة: براكة من ضحك اصلا شكون قال ليك انا غنتزوج بك او أو
جواد(كيعيبها)؛ أو او
غيثة:سكت الحمار واصلا نتا ماشي من ذوقي
ندى(بغضب): رياض عندي ليك واحد كادو ماشي ليك لكلشي...
جميلة:هه شنو هو ابنتي ندى...
ندى: سمعوا بوذنيكم انا مغنقول والوا..
جبدات هاتفها نظرات لغيثة نظرة أخيرة وسعات الأخيرة عينيها بصدمة وهي كلتمح نظرة شر في الاولى لوحات ليها بالنفي ولكن ندى مسمعاتش ليها وطلقات تسجيل الصوتي..لكتكلم فيه غيثة
توحشتكم توحشتكم بلا قياس....مكرهتش كون كنتو معايا...ولكن القدر..مبغانيش معاكم...كنت غنعرفكم على أول صحاب درتهم....صحاب اوفياء بحالكم نتوما مع عمي مصطفى وماما جميلة...انا متأكدة منين غتسمعني كنقول ليها ماما غتفرح كيفما غتفرحي نتي..ونتا ابابا انا عارفة من صغري...وانا كنصدعك تجيب ليا امير( ..وتشوفني عروسة واخا أنا متأكدة عمر شي حد ماغيبغي يتزوج بوحدة بحالي...( هه لقيت الأمير لمن صغري كنتمناه بحالك ابابا تماما كيحتارمني ويقدرني واخا معارفاش واش كيبغني ولا معجب بيا ..😭 كيعجبني بزاف منكرش أول واحد غيعجبني ونحس بالفرحة منين نكون معاه ولكن منقدرش نبغيه منقدرش لبغيتو غيوقع ليه بحالكم ولا وقعات ليه شي حاجة غنموووت غننمووت 😭 منقدرش نصبر...منقدرش على فراقو..
عم صمت حول دائرة لفيها هما...رياض كيشوف في غيثة بصدمة ماشي غير هو وانما الكل من مصطفى وجواد...اما غيثة فتمنات الارض تشق وتبلعها ولا هاد الموقف لتحطات فيه
ندى: هي معجبة بك سمعتيها وكتكذب انا عارفة هي باغاك على قبل فلو...
غيثة(جراتها من شعرها بعصبية): غنقتلك غنقتلك..
مصطفى(جر غيثة وجواد مسك ندى ): غيثة تهدني...
غيثة(هزات قرعة شراب...بغات تلوحها على وجه ندى وهو يخطفها ليها مصطفى ): بعد مني خلني نضربها هاد العاهرات كنسكت ليهم في الآخر كيبغيوا يركبوا فوق ظهري..
مصطفى(بحدة طفيفة): غيثة تهدني..ابنتي...متحتاجيش تعصبي...وراه صحافة كاينة...باغين غير الفرصة...يشوفوا شي حاجة..
ندى: مصطفى...
مصطفى(بحدة): تجاوزتي حدك اندى معندكش الحق تقولي ديك الهدرة ولا تصنتي عليها وتسجلي هدرتها غيثة راه بنتي...
ندى(حنات راسها): سمح ليا ..
بدات اغنية رومانسية على مسمعها تنهدات غيثة بعصبية
غيثة: باغا نرجع بحالي ندمت علاش جيت هاد الحفلة....
جميلة:صافي اغيثة دابا لوقع وقع..ابنتي.
غيثة(بهمس لجميلة ومصطفى) : رياض سمعوا وغيبقى يشد فيا يحشمني
مصطفى(عنق غيثة وغمز رياض): تفرق على بنتي وبراكة ماتشد فيها
رياض: بغيت ناخد الاذن من أميرتي ترقص مع أميرها
مد ليها يدو بطريقة راقية...ومحترمة شافت فيه غيثة بتفاجؤ..لمحات ليها جميلة ترافقو....نظرات لعينيه لمبتاسمين بالفرحة...وسعات ابتسامتو منين حطات كفها على باطن يدو..مسك بحب...وتقدم برفقتها لمنتصف القاعة....
رياض(مد يدو لها جديد ): مزال حافظة خطوات الرقص....حضرة الأميرة
غيثة: راه كيسيروا في دمي من صغري أكيد غنعقل عليهم... احضرة الأمير...
جرها بسرعة من خصرها تفاجأت من سرعتو...لكيف ديما.. كيرقصوا بتناغم مع الموسيقى وباحترافية......جميع من في الحفلة...متقدموش يرقصوا من غير يلاحظوا الانسجام القوي لبينهم..ارتافعات الهمسات والكلام حولهم والكل كيتساءل شكون صاحبة هاد الحظ...لجعلات من رياض ارذوجان يرقص معاها..يهمس ليها تارة.في وذنها وتارة كيحملها في رقصتهم....من خصرها...خلل يدو في شعرها...
رياض:شكون لمشط شعرك
غيثة(بعدات عليه ولكن مزال ماسكة يدو): ماما جميلة...
رياض(جرها عندو من بعد مالفها حول نفسها مرتين): متخلي حد يمس شعرك من غيري
غيثة: شكون غيظفر ليا في نظرك
رياض؛انا
غيثة:كتعرف
رياض: غنعرف...متخلي حد يقرب لعشعرك..
غيثة:علاش؟؟
رياض:حيث ريحتهم كتلصق فيهم وانا كتعجبني ريحتو..
ابتاسمت ليه غيثة...
رياض:كنتي كتجاهلني حيث خايفة لتوقع ليا شي حاجة
غيثة؛ رياض شوف راه كنتمنى الارض تبلعني ولاتجبد ليا هاد الموضوع دابا...
رياض: نأجلوه أميرتي يلاه نديروا لفة الأخيرة....حضرتك
غيثة(بنبرة مماثلة): حسنا جلالتك..
هزها..من خصرها..ولفها تلاثة المرات حول نفسها.. من بعد جرها..نحو الخلف تراجعت بفعل الجاذبية ولكن يد رياض كانت اقرب...منين...مسكها....انحنى...لمستوى فمها وهمس...
رياض: كنعتاذر على لفات...
غيثة(رمقاتو بدهشة..كبيرة. ولكن سرعان ما تعالت التصفيقات...): واش خاصني ضروري نبقا لابسة لافيسط جابت ليا الصهد ياك قلتي حتى حد مغيشوف فيا...خلني نرقص معاك على راحتي...
رياض(خدا من عندها لافيسط لبسها)
..تقدموا الثنائيات حول القاعة...كيرقصوا على نغمة الثانية
رياض(حاوط خصرها بيدو ووضع جبهتو على جبهتها): اجي نرقصوا .... نختموا هاد لانيف دزمر ...لهو أفضل نهار عشتو معاك
غيثة: انا افضل ايامي كلها معاك...من نهار رجعتي من سفر وحياتي شرقات بسبابك شكرا
رياض: شكرا ليك نتي...وشكرا..لبعثك ليا...بحال شي شمعة ضوات حياتي... غمضي عينيك وخلينا نساو هاد الصخب...
غمضات عينيها متشبثة برقبتو تخيلات حياتها من هنا لقدام وهي في عالم لشيداتو برفقتو عالم غيثة ورياض
أنت تقرأ
المشرملة والمافيوزي(أسير عينيها) مكتملة
Romanceقبل من بداو ممنوع نشر الا بالاذن ديالي انا: MaNal PariTa بطلتنا عاشت سنين من الحرمان والعذاب في سن صغير وخصوصا بعد مقتل ابوها واغتصاب امها هادشي ترقباتو بعينيها الزرقاوتين وهي في عمرها 8 سنين هادشي لخلاها تعيش صدمة مؤقتة ورباها عمها وتحولات من صاح...
