المشرملة والمافيوزي(أسير عينيها) مكتملة

PART47

كلثوم: نجلاء فارس اجيو تغداو طيبت ليكم بيدي
نجلاء: بصح وشنو السر
كلثوم(مبغاتش تقول ليها أنها فرحانة منين تهنات من ماجدة شكرات رياض واخا كتبغضوا حيث فارقها عن فلذة كبدها ولكن هو بطريقة غير مباشرة نقذ ولدها عماد من دجالات...):بغيت نفرح برجوعك متبقايش...تهربي ...وتخلينا خايفين عليك
نجلاء: هه مغنهرب إلا مع راجلي...
كلثوم: دخلوا قبل ماتصب..راه الجو في المغرب مخربق..صباح شمس وفي ليل الشتاء...
نجلاء:فارس يلاه دخل معانا مرة جاية نكملوا قصتك......
.....

جميلة: مصطفى شكون دوك بنات لهبطوا قبيلة قبل من رياض...
مصطفى: معرفتش رياض مقال ليا والوا
جميلة:بلاتي نسول ايناس (خدامة) ايناس..
ايناس: نعم امدام الشمليخي
جميلة:شكون دوك البنات لهبطوا قبيلة من غرفة غيثة كنظن...
ايناس: هادوك يمكن على ماسمعت هما متكلفين بإزالة الوشم...
مصطفى:واش غيثة حيدوا ليها الوشم
ايناس:اه سيدي
جميلة: مسكينة غتكون تقصحات وأنا نفهم علاش رياض بقا شحال معاها من بعد مامشاو..يمكن كان كيصبرها باش تحمل داك الألم انا غنطلع عندها
ايناس: ولكن هي مكايناش في غرفتها
جميلة: وفين ؟؟ واش في المكتب
ايناس: لا تقريبا مدة اسبوع وكانت كتنام في..
مصطفى(باستفهام): فين؟؟
ايناس(بخجل): برفقة مسيو ارذوجان..
جميلة(جلسات بصدمة وشافت في مصطفى لبادلها نفس النظرة غير هو نظرتو كانت في حالة ذهول اقل منها): واش غيثة في غرفة رياض..متأكدة
ايناس: اه مدام
جميلة: ولكن هو عمر خلا شي حد يدخل لغرفة حتى منك نتا امصطفى....
مصطفى: هذا هو عشق ارذوجان شنو غديري بما أنه بغاها فخصوصياتو هي خصوصياتها...على الأقل قدر يحيد هاد طبع...

جميلة: هي دارت داكشي لمقدرتش عليه أنا كأم بعد المرات كنحس بهاد كلمة ثقيلة عليا وكنلوم راسي حيق مقدرتش نغيرو ولانريحو...
مصطفى(ربت على يدها ورمقها بحب وحنان):نتي لطالما كنتي أم بالنسبة ليه فين مرض كنتي نتي كتسعفيه واخا كان كيرفض الأمر وفي الأخير استسلم(تذكرات جميلة منين كان رياض في عمرو ١٧ عام مرض بالحمى ولمدة ٣ ايام حرارتو كانت مرتافعة رفض المساعدة وفي الأخير قرر يخلي جميلة تقابلو برغم انفو) هو أصلا معقد من كلمة النساء وداكشي لوقع ليه ماشي ساهل راه شاف ديك المرأة لولداتو كتخون باه قدام عينيه تخيلي المنظر شحال غيكون قاسي عليه ...
جميلة:انا مابغيتوش يتقبلني غير على غيثة ويدير خاطرها وهو ممرتاحش... انا بغيتو يتقبلني بإرادتو
مصطفى(عنقها كيربت على كتفها ): كلشي غيجي بوقتو..اجميلة متعذبيش راسك وصحتك على قد الحال بلاما تخلني نهز فردي نهنيك منو ديما كتمرضي بسبابو زعما مديهاش في راجلك الشارف
ابتاسمت لراجلها بحب مفاقو من دلعهم إلا على تحنحينة ندى...
ندى: احم جميلة مصطفى كنت بغيت نقتارح عليكم واحد الفكرة...بخصوص رياض
مصطفى: شناهيا
ندى:نتوما عارفين *********
جميلة:ولكن رياض غيرفض
مصطفى: مغيجيش
ندى: ولكن حنا مغنعلموش غنديروا مفاجأة على الأقل غير مرة وحدة في حياتو كيفما لاحظتو احم احم (نطقات بحنق ) هو تغير في هاد الآونة الأخيرة والبرهان منين ولا كيدخل غريب لبيتو..