မြက်ခင်းစိမ်းစိမ်းပေါ်တွင် အဝါရောင် ပန်းရိုင်းပင်ကလေးများ ရောနှောနေသည်။ သစ်ရိပ်ကျသော အပိုင်းတွင် ပန်းများက ဝါရင့်ရောင် တောက်ပကာ စုရုံး ပွင့်လန်းနေ၏။ အနည်းငယ် အဖြူရောင် သန်းသော ပန်းများကမူ နေရောင် ရသော အပိုင်းတွင် ကျိုးတိုးကျဲတဲ ရှိနေကြသည်။
ခရမ်းရောင် ပန်းချုံပင် ခြေရင်းတွင် မေ Scarlett တိတ်ဆိတ်စွာ မတ်တတ်ရပ်လျက် မျက်လွှာ ချထားမိသည်။ သူမ ရပ်နေခဲ့တာ အတော် ကြာပြီ ဖြစ်သည်။
အချိန် ဘယ်လောက် ကြာခဲ့ပြီလဲ။
ဘယ်နှနာရီ ရှိနေပြီလဲ။ သေချာ မသိတော့။
သူမ ငုံ့ကြည့်ရာ မြက်ခင်းပြင်တွင် အဝါရောင် ပန်းရိုင်းပင်များနှင့် အတူ ခရမ်းပြာရောင် ပန်းချုံ ပွင့်လွှာတို့ ကြွေကျနေ၏။
မေ Scarlett နှင့် လက်တစ်ကမ်း အကွာတွင် အာကာဟိန်းထက် ရှိနေသည်။ အစ်ကိုဖြစ်သူဘက်မှ စကား စလာမလား ဟု သူမ စောင့်နေသော်လည်း ယခုအချိန်အထိ စကား စမလာသေး။ အားယူနေဆဲ ဖြစ်သည်။ သူမ မော့ကြည့်မိတော့ အစ်ကိုဖြစ်သူက သူမကို မကြည့်။ သစ်သား လက်ရန်းတွင် နွယ်ရစ် ပေါက်ရောက်နေသော ပန်းချုံပင်၏ သစ်ရွက်များကိုသာ စိုက်ကြည့်နေခဲ့သည်။ပန်းချုံပင်သည် အထက်သို့ မြင့်တက်ရင်း ဘေးသို့ ဖြာထွက်ကာ ဝန်းဝန်းဝိုင်းဝိုင်း အုပ်ဆောင်းသဏ္ဌာန် အရိပ် မိုးပေးထားသည်။ အရိပ် ကောင်းမွန်စွာ ရသဖြင့် အပင် ခြေရင်း၌ လဲအိပ်မိလျှင်တောင် နှစ်နှစ်ခြိုက်ခြိုက် အိပ်ပျော်နိုင်အာင်အထိ အေးမြ ငြိမ်းချမ်းလှသည်။
သူမတို့ ငြိမ်သက်စွာ ရပ်နေမိဆဲ။ ခရမ်းပြာရောင် ပွင့်လွှာတို့ အကြိမ်များစွာ ကြွေကျလာသည့်တိုင် စကား တစ်ခွန်းမှ မပြောဖြစ်သေး။ အာကာဟိန်းထက် စကား စဖို့ ခက်နေတာ မေ Scarlett ရိပ်မိသည်။ သူမဘက်မှ အလိုက်တသိ စကား စပေးဖို့ လိုအပ်မလား။ သေချာ မပြောတတ်။
"မေလေး ကိုယ်ဝန် ဆောင်တဲ့အခါ အစ်ကို့ဆီက အကူအညီတွေ အများကြီး လိုအပ်မှာပဲနော်"
အာကာဟိန်းထက် အတွေးစကို တစ်ခုခုမှ ဝင်ရောက် နှောက်ယှက်လိုက်သလို သတိဝင်လာမှုမျိုးဖြင့် သူမကို ဆတ်ခနဲ စိုက်ကြည့်သည်။ ထိုအကြည့်တွင် ဘဝင်မကျမှုများ ပါနေသည်။
YOU ARE READING
SUN { Season 1 }
RomanceChoose me or Lose me ? I don't want to be your second CHOICE ! Start Date : 4th Feb 2022 End Date : 4th Nov 2022