اسكريبتات بقلمي روني محمد (مكتملة )

وحش الداخلية في مهمة كوميدية

وحش الداخلية في مهمة كوميدية
روني  محمد
( اللهم صل وسلم وبارك علي سيدنا محمد وعلى اله وصحبه وسلم)

بتبدأ حكايتنا مع الظابط أدهم ومعاه الظابطة رنا بس هي مش ظابطة اوي يعني ... المهم الاتنين أتكلفوا بمهمة أنهم يهجموا على مبنى بتاع واحد من كبار تجار المخدرات ، المبنى ده كان فيه المصنع الي بيصنعوا فيه المخدرات وبردو كان يعتبر المخزن الي بيخزنوا فيه السم الي بيبعوه للناس...
أدهم ورنا قدروا انهم ينزلوا المبنى ده عن طريق هليكوبتر وكمان قدروا انهم يزرعوا قنابل وديناميت في كل مكان بالمبنى ده ، بعد طبعا ما عطلوا كاميرات المراقبة ، بس للأسف الهليكوبتر مش هتنفع ترجع تاخدهم تاني فالمفروض انهم هينطوا من الدور الأول في حمام السباحة وبعديها هيكون باقي القوات منتظراهم ويبعدوهم عن المبنى قبل ما ينفجر...

أدهم : نطي..... نطي بسرعة

رنا : أنط ايه بس مش واخدة بالي !!!

-: نطي من الشباك خلصي المبنى هينفجر..

-: طب ما ينفجر ولا يولع حتى ، انت عارف انا لو نطيت المسافة دي ممكن رجلي تتكسر ولا رقبتي تتقطم هستفاد انا ايه دلوقتي..

أدهم لنفسه : أستغفر الله العظيم ده ايه المصيبة الي ربنا بلاني بيها دي...

أدهم بصوت عالي : لو منطتيش دلوقتي انا هشيلك واحدفك بأيدي..

رنا : لا بقولك ايه انا مبخفش انت عشان عندك عضلات بقى ومسمينك الوحش ، هتخوفني ، لا بقولك ايه انت وحش على نفسك مش عليه...

أدهم بيضغط على اسنانه بغيظ : هو أنتي دخلتي كلية الشرطة ازاي ؟

رنا : بص بصراحة مخبيش عليك انا كان نفسي ادخل فنون جميلة وبعدين بابا الى هو اللوا طارق الدمنهوري اكيد عارفه طبعا هو الي دخلني شرطة غصب عني...

أدهم : يا مصبر الوحش عالجحش طلعتلي من أهني بلوة دي يا بنتي انتي هتحكيلي قصة حياتك ، نطي عشان مينفعش انط وأسيبك..

رنا : لأ عندك..... كلو الا الغلط مسمحلكش تقول عليه جحش..

أدهم لنفسه : أعمل ايه بس يا ربي انا لو قتلتها وخلصت من غباءها ابوها مش بعيد يقتلني فيها ، ولو مشيت وسبتها هتموت والعملية كده فشلت.. اعمل ايه بس

حاول ادهم انه يتكلم معاها بهدوء

أدهم : بصي المسافة مش عالية أوي نطي بقى

رنا : أنسى انا متجننتش عشان انط المسافة دي كلها ..

أدهم : بصي كده في تحت بسين فيه ميه..... الله حلو شوفي ده فيه كمان عوامة بطة ...نطي بقى مش هتموتي ولا هيجرالك حاجة..

رنا : هو أنا مقولتلكش...

أدهم بغيظ : ياااارب صبرني قولي..