#نور _حياتي
بقلم روني محمد
في يوم كنت راجعه من شغلي باليل ، وقفت في محطه الاتوبيس وبعد 5 دقايق الاتوبيس جه ، وطبعا كالعاده الاتوبيس كان فاضي عشان كنا باليل ، الا من بعض الاشخاص ، طلعت واعدت علي اقرب كرسي فاضي كان تاني كرسي بعد السواق ....
اه نسيت اعرفكم بنفسي ، انا اسمي نور وعندي 30 سنه ، بشتغل ممرضه ، حياتي روتينيه وممله ، عايشه لوحدي اخواتي كلهم اتجوزو وانا لسه ، نفسي احب واتحب ، نفسي ألاقي حد يعجب بيه، انا مش وحشه ، بس نصيبي كده ....
نرجع تاني للأتوبيس ، كنت حاطه السماعات في وداني ، اهي تسليني عقبال ماوصل البيت ، الطريق بياخد ساعه تقريبا ، ببص بالصدفه عالكرسي الي قدامي لقيت مرسوم قلب وطالع منه سهم الطرف الأول مكتوب نور واخر السهم مكتوب خالد وتحت القلب ، مكتوب نور حياتي بحبك، كنت فرحانه اوي حسيت ان الكلام ده مكتوب ليه ، بعد شويه وصلت البيت ، طبعا كنت هلكانه يادوب غيرت هدومي ونمت ، انا ديما بحاول اشغل نفسي بالشغل ، واعد ساعات عمل اكتر عشان مفكرش وارجع البيت مهلوكه وأنام ...
تاني يوم صحيت ولبست ورحت الشغل ، وركبت الاتوبيس كالعاده ، لقيتني ركبت في نفس الاتوبيس ، الغريبه بقي اني غيرت الكرسي ولقيت نفس الكلام قدامي ، قلب وطالع منه سهم ونور وخالد وبحبك يا نور حياتي ، غيرت الكرسي ، لقيت نفس الكلام ، فضلت اتنقل من كرسي لكرسي لقيت الاتوبيس كلو كده ، بس الصدمه اني اتفاجأت اكتر لما رن تليفوني بصوت رساله ، ولقيت مكتوب فيها بالنص "مدوريش كتير انتي المقصوده " بحبك يا نور حياتي ..... بصيت حوليا ملقتش حد في الاتوبيس غير واحد في اخر كرسي ، وشكله مكنش واضح ، لابس كاب ونص وشه متغطي اعدت في مكاني ، وكل شويه ألتفت ابصله ، وفجأه وقف الاتوبيس وناس ركبت ، وفي وسط الزحمه اختفا ....
رحت شغلي وطول اليوم بفكر ده ممكن يكون مين ، واستنيت خروجي من الشغل بفارغ الصبر ، ورحت ركبت الاتوبيس ، لقيت مكتوب عالكراسي نفس الكلام ، يعني نفس الاتوبيس ، بس الي زعلني اني ملقتش الشاب بتاع الصبح ، مكنش فيه غير راجل كبير ،ست وبنتها ،وواحد وحبيبته ...
اعدت عالكرسي بتاعي .. لقيت صوت رساله عالموبيل فتحتها ولقيت مكتوب بالنص " مدوريش عليه كتير مسيرك هتلاقيني "
انا الفضول كان هيموتني ، اتصلت بالرقم ولكن الصدمه انه غير موجود بالخدمه ....
بعد شويه وصلت البيت لقيت قدام الباب ورد ومعاه جواب ، استغربت ، اخدت الورد والجواب ودخلت وفتحت الجواب بسرعه ، لقيت مرسوم القلب ، والسهم واسمي واسمه وتحته بحبك يا نور ، حضنت الجواب واعدت اتنطط من الفرحه ، بس الي الي لقيته خلاني اترعبت ، لقيت الصاله مرسوم فيها قلب كبير ومكتوب فيه بحبك يا نور ، طب ده دخل شقتي ازاي ؟
فضلت ادور فالشقه واشوف الباب يمكن حد كسره ، ملقتش ، كلمت اخواتي سألتهم ، حد جه وانا مش موجوده قالولي لأ... منمتش طول الليل كنت خايفه صحيت الصبح ،ونزلت الشغل ، وكالعاده نفس الاتوبيس ، دورت فالناس حوليا ملقتش حد يلفت نظري انه يكون هو .....
اعدت علي الكرسي ، وفكرت اتصل تاني عالرقم الغريبه بقى انه رن وسمعت صوت الرنه في الاتوبيس ، قمت زي المجنونه ، ادور بس مش قادره احدد الصوت جاي منين لغايه لما حددت مكان الصوت وفعلا وصلتله ،الصوت كان جاي من شنطتي فتحت الشنطه لقيت التليفون ،كنت هتجنن ، طب ده حصل ازاي ، معقول يكون حد حطهولي ومشى ...يارب بقى عطرني فيه ...
وصلت المستشفي وكان كل تفكيري مين خالد ده ، وقررت ادور بقي عليه بنفسي ولازم ألاقيه ، فات يوم والتاني من غير اي جديد ، بس بقيت بحس بحاجه غريبه ، في نفس علي طول ملازمني ، حد قريب مني ، لقيت حاجات كتير فالشقه بيتغير مكانها ، واكلم اخواتي يقولولي مجوش ، والصدمه الي وقفت قلبي ان فيوم كنت باخد شور لقيت مرايه الحمام المبخره مرسوم عليها قلب واسمي واسمه وتحت بحبك يا نور حياتي ، محستش بنفسي غير اني وقعت واغمى عليه ...
الغريبه بقى اني صحيت بعد وقت ولقيتني في سريري ولابسه هدومي ، هنا بقى انا كده اتاكدت ان الي بيحصل ده مش طبيعي ، طب انا عاوزه اشوفه اعرف هو مين ، طب عاوز ايه ،فكرت وجبت فني ركبت كاميرات فالشقه كلها ، وبدأت اتابع تسجيل الكاميرات كل يوم ، لغايه اليوم الموعود الي غير حياتي كلها ....
رجعت من الشغل كالعاده ، بس المره دي فتحت الباب لقيت ورد كتير وقلوب مرسومه واسمي واسمه وبحبك يانور حياتي ، جريت عالكاميرات ، اراجع التسجيل ،وكانت الصدمه الكبيره الي خيبت أملي ان الي بيرسم القلوب وبيحط الورد كان انا ...
انا عندي شيزوفرينيا ، مرض انفصام فالشخصيه ، طبعا بما اني ممرضه في مصحه نفسيه ، فمكنش صعب عليه احدد حالتي ..
رحت اتعالجت والامور استقرت مره تانيه ورجعت لحياتي الاولي لوحدتي ، بس الغريب ان لقيت كل يوم ورد بيتبعتلي قدام باب الشقه ، شكيت في نفسي تاني ، رجعت ركبت الكاميرات ،جوا و برا الشقه ، والمفاجأه اني لقيت الي بيبعتلي ورد طلع حقيقي خالد جارنا ، واجهته وعرفت انه حاول يلمحلي اكتر من مره وانا مفهمتش ، بصراحه كنت مفكراه طمعان فيه عشان
كنت لوحدي ، بعدها بكام شهر اتجوزنا واديني حامل اهوه وخلاص كلها شهر وأولد ياريت حكايتي تعجبكم ........
#نور _حياتي
روني محمد
