اسكريبت...... قسوة أب
روني محمد
الجزء الرابع
رامي
بعد ما فتحت الباب واتفاجأت بالبوليس ولما دخل فتش الشقة ، اتصدمنا لما لقينا العسكري مطلع الدهب من اوضة سارة ، سارة كانت نفسيتها تعبانه من ساعه ما طلعنا من المستشفى مكنتش بتروح في حتة مستحيل تكون الدهب ده تكون سرقته يوم المستشفي لما رجعت معانا البيت مكنش معاها اي حاجه ، انا كنت شاكك في الموضوع ، الظابط مد ايده عشان يشدها من حضن ماما وقبل ما ايده تلمسها كانت ايدي سبقاه وقفت قدامه ومنعته يلمسها قولتله
_: الحاجه دي بتاعتي ، ساره ملهاش دعوه بالحاجات دي....
الام : راااامي انت بتقول ايه...
رامي : اهدي يا امي انا هروح مع الظابط واشوف الحكايه ايه ؟
الغريبه بقى ان الظابط وشه جاب 100 لون واتوتر ومكنش راضي يتحرك غير وساره معاه ، قولتله ماشي بس مش هتكون لوحدها ، وبما اني معترف يبقى المفروض تاخدني كمتهم مش هي...
الظابط كان رافض ان حد يجي معاه غير ساره ، بصراحه مع اصراره وشكله حسيت ان فيه حاجه سألته
-: فين اذن النيابه..
اتلجلج فالكلام ومكنش عارف ينطق ورجع خطوه لورا وهو بيهرش في رقبته ، وشكي كان في محله مكنش فيه اذن نيابه....
الصدمه بقى الاكبر لما مع اصرارنا لقينا الظابط ده اتراجع وهرب وكان وراه واحد من العساكر ومشوا ، انا اتاكدت كده انهم مش شرطه لحقت واحد من العساكر وكتفته وضربته لغايه لما قالي ان في واحده اتفقت معاهم نعمل كده وانهم يخطفوا سارة ، بلغنا الشرطه والبوليس جه قبض عليه ولما اتعرض عليه صور ومن ضمنهم زوجه عمي الثانية العسكري اتعرف عليها وقال ان هي الي اتفقت معاه يعمل كده ، عمي الي مفروض ابو سارة عرف بالي حصل وانكر صله مراته بالي حصل ، وطبعا متقبضش عليها لعدم ثبوت الادلة. .....
ساره عاشت معانا ونفسيتها اتحسنت وبدأنا نقرب من بعض ،فاتت سنه والحمد لله لقيت شغل في شركه محترمة ، سارة كملت تعليمها ودخلت الجامعه وكانت مبسوطة اوي والنهارده انا عملها مفاجأه وهعرض عليها الجواز.......
*سارة*
كنت سعيده وانا عايشه في بيت عمي الي شفت معاه حنيه وحب مشفتهومش من ابويا ، وكلهم كانو بيعاملوني واحده منهم لا دول كمان كانو بيفضلوني على علا بنت عمي ، رامي قدملي فالجامعه وبقى بيوصلني كل يوم وهو رايح شغلو والنهارده قالي متروحيش لوحدك عشان هيجي ياخدني ، بصراحة ساعات مش ببقى عوزاه يجي الجامعه او يوصلني اصحابي البنات بيعدو يهزروا معاه وانا بضايق بس من النهارده انا هطلب منه ميجيش او يوصلني ومينزلش من العربية......
خلصت محضراتي وهربت بسرعه قبل ما اي واحده من صحباتي تشبط فيه وتصر ان رامي يوصلها معانا فقررت اخرج استناه قدام باب الجامعة لما خرجت لقيت عربيه نقل كبيره مليانه ورد الورد كان على شكل قلب وجواه كلمه بحبك ، مفتش دقايق وانا واقفه بتفرج عالورد لقيت حد بيخبط على كتفي لفيت لقيت رامي ماسك بوكيه ورد حلو أوي عطهولي ولقيته حط ايده في جيبه وطلع علبه وفتحها وكان فيها خاتم ، مسك ايدي وقالي تتجوزيني ؟
من كتر الفرحه كنت بضحك وبدمع وبعيط كنت غريبه بصراحة.....
اتخطبنا واتجوزنا بعد سنة وفاتت كمان سنة والنهاردة عيد جوازنا عاوزه اقولكم اني لو مكنتش اتجوزت رامي كنت هكون اتعس انسانة فالدنيا....
رامي : وانا عمري ما كنت هسيب سارة تكون لحد غير ليه بحبك.......
تمت
بتمنى تكون عجبتكم روني محمد
