اميمه قالت لي ابوها
:لالا مافي حاجه ياابوي خالده شويه مضغوطه في الجامعه معا برنامج التخرج
:انا سمعت اسم احمد
:في مراجع وصت ليها احمد لكن مالقاها ليها عشان كدا هي متضايقه وزعلانه
:ماتتضايقي ياخالده يابتي كلو بتسهل وان شاءالله تلقيهم
:مامشكله ياابوي اخد راحتك انت انا بتكلم معاها
:الله يكملك بي عقلك يابتي انتي اخته الكبيره وقريبه منها ومابتقصري معاها ابدا
:تسلم ابوي
ابوهم طلع وخالده قالت لي اميمه
:ماكان تكلمي ليه ماوريتيهو انك لاقيتي احمد ووريتي البينكم
:انتي ماكان تكلمي ليه سكتي موش انتي بتقولي اني كعبه وانو في حاجه بيني وبين احمد وانتي شفتينا معا بعض
:حاكلمو اكيد وحاكلم كل الناس بالخدعه العملتوها انتي واحمد
:خالده عايز اقول ليك حاجه واحده انا سمعت كلامك كلو واتحملت كل القلتي معا انو مابتبلع ابدا انا عمري ماعملت حاجه اندم عليها ولا حااعمل ابدا واي حاجه بعملها قدام الناس ماعندي حاجه بدسها من زول ابدا اذا لاقيت احمد او غير احمد ابوي وامي بكونو عارفين انا ماشه وين وماشه الاقي منو عشان اذا في زول شافني وجا اتكلم معاهم يكونو عارفين انا كتت وين ومعا منو
انا مطلقه واقل حاجه الناس حتمسكها لي ودا بخليني اعمل حسابي اكتر
:كلامك دا تقولي لي زول تاني مالي انا. انا ماجا زول قال لي الكلام انا شفتكم بي عيني معا بعض
:طيب وكت شفتينا معا بعض ليه ماجيتي وسألتينا قاعد معا بعض ليه. ليه جيتي تتهميني اتهامات باطله ماليها اي علاقه بالحقيقه
:لا دي مااتهامات باطله دي الحقيقه ودا الحاصل ومن الليله انتي لااختي ولا بعرفك ولا بتشرف بيك ابدا ام هو فاانا مرقتو من قلبي وللابد لانو مابشرفني ارتبط بي واحد ببني سعادتو علي خراب البيوت
:انتي ظالمه احمد وظالمني انا
:لا والله انتو الاتنين ظلمتوني شديييد وماعافيه ليكم ابدا ابدا ابدا
:لا ياخالده ارجوك ماتقولي كدا ارجوووك
:خلاص الموضوع انتهي انا حاسكت وماحاكلم اي زول بس انا تعاملي معاكم الاتنين حدو السلام بس معا انو السلام زاتو كتير عليكم
:لا ماتقولي كدا ياخالده نحنا اخوات
:نحنا اخوات!!وين كانت الكلمه دي وانتي قاعده معاهو ومتفقه معاهو علي كل شي انتي الوحيده الحكيت ليك الجوه قلبي وصارحتك انا لو في مكانك حارفض احمد لانو عارفه الجواي ليهو بس انتي ماعملتي كدا انتي فكرتي في نفسك وبس انتي انانيه شدييييد يااميمه انانيه جدا جدا
