البنات

الجزء 05

عبدالسلام واقف وبعاين في خالده وهو زعلان شديد وشايف نظرات خالده لي احمد

ابوه ضربو من كتفو وقال ليهو بي نهره

:بتعمل في شنو ياولد هنا

رد لي ابوه بدون مايتلفت عليهو

:جيت اشوف لو في حاجه ناقصه اعملها

:والله سبحان الله من بتين دا جاك ياتو يوم انت قاعد تخدم مابتقعد زي الضيوف ومابتشتغل بي اي حاجه في شنو جديد

:دي بت عمي واول مناسبه ليهم ياابوي لازم اقيف واساعد

:والله.. لا اقنعتني تب انا ابوك ياولد انت كلامك دا تقول لي اهل العريس لي ضيف لي اعمامك لي عماتك لكن ماتقولو لي انا. انا اكتر واحد بعرفك

:ياابوي والله جيت عشان اساعد والله العظيم

:موش كان حلفت مره كان قعدت تحلف مائه سنه مابصدقك

:الله عالم بالفي قلبي ياابوي :هو انت عندك قلب بالله اول مره اعرف الكلام دا

:معليش ياابوي حتشوف بي عينك

:كويس نشوف

خلي ابوه واقف ودخل جوه محل تجهيز الحاجات لقي احمد واقف وبراجع الحاجات كلها احمد من شافو جا عليهو وسلم عليهو شديد

:ودالخال الغالي كييفك وكيف اخبارك

رد ليهو رد جاف

:اهلا يادكتور تمام انا بخير

:وينك يازول ماظاهر ساي مابتقول النمشي ازور عمتي دي اسلم عليها واتفقدا ولا بتجي لمه العائله يوم الجمعه

:مشغول والله ومدروش معا الجامعه

:بالتوفيق ليك ياغالي ابقي ظاهر

:ان شاءالله

جات نهي داخله ومن شافت احمد جات عليهو جاريه وسلمت عليهو احمد قال ليها

:وينك ياعروسي من قبيل انا افتش ليك

:قاعده ياعريسي وفردتي

احمد قعد يضحك شديد

طبعا نهي بتتكيف لي احمد شديد وهو كمان بتكيف ليها جدا وطوالي بقول ليها عروسي عروسي ولو ماهي صغيره كانت خالده غارت منها

سلمت علي عبدالسلام وقالت ليهو

:انت عبدالسلام ودعمي صاح

سلم عليها ورد ليها

:ايوه انا عبدالسلام

احمد قال ليهو

:اسي ماحرام عليك ياودالخال نهي بقي عمرها8سنه وانت مابتعرفه ولا هي بتعرفك

عبدالسلام اتغاظ منو شديد وطلع خلاهم يضحكو ويتونسو وهو طالع لاقي خالده جايه حسي بي دقات قلبو زايده شديد واتربك والزعل وكل شي انتهي وابتسم ابتسامه كبييره جدا ومد يدو سلم علي خالده

:اهليين بت عمي الغاليه

:اهلييين ودعمي الاغلي

الاغلي دي خلت دقات قلبو تزيد اضعاف اضعاف

:مبروووك لي اميمه وعقبالك :الله يبارك فيك اميين وجمعا يارب

:بالمناسبه انتي الليله قمر واحلي من القمر كمان

:وانت كمان ياودعمي الليله ماشاءالله عليك مبالغه الليله غايتو بتسرق ليك قلب واحده من بنات العائله

:شكرا للمجامله

:لا والله مامجامله بالجد الليله شيك جدا جدا

الفاتح كان بتكلم بي تلفون ودخل جوه البيت عشان التلفون كان مهم شديد وهو ماشي ويتكلم شاف عبدالسلام واقف ويتكلم معا خالده والابتسامه ماليه وشو استرجع كل الحصل وفهم الحاصل واصل في تلفونو وهو ماشي بدون مايجي قريب منهم

خالده قالت لي عبدالسلام

:ودعمي استأذنك عندي حاجه جوه عايزه اشوفه ونتلاقي تاني

:جدا اتفضلي يابت العم

خالده جات جوه ولقت احمد ونهي قاعدين ويتونسو البشوفم يقول بحبو بعض نهرت نهي

:انتي قاعده هنا بتعملي شنو دي محل شغل قومي امشي العبي بره ماتشغلي الناس

احمد قال ليها

:ليه كدا ياخالده نهي جات تساعدنا وجات تسلم علي ياخي

نهي قالت ليها

:جيت لي عريسي اشوفو وجيت اشتغل انا احسن منك بشتغل وبساعد

خالده حمرت ليها شديد واحمد دا يموت من الضحك

خالده قالت لي احمد

:وانت كمان بتضحك

:ياخي نهي دي عسل بس دي فردتي ياخي خلاص يانهي قومي انتي امشي ونتلاقي بعد تخلص الخطوبه ونتونس بي راحتنا

:عشانك بس حامشي ماعشان اي زول تاني

:هههههه خلاص تمام

طلعت وخالده مغيوظه منها

احمد قال لي خالده

:براحه عليها يابت خالي

:ماشفتها لميضه كيف هي وبعدين انا ..انا

:انتي شنو

بكره بنعرف انا شنو سلام عليكم