---------------------------------------------------
إنها مسؤليتي،أن أجعل أيامي عظيمة.
---------------------------------------------------
راح غيث لقبر أمه و جلس عنده لنص ساعه تقريبا بدون أي كلمه.. قام و طلع مشى حتى البقاله قريبه من بيتهم و دخل يشتري أغراض ناقصه في المطبخ و جا يحاسب
المُحاسب بعصبيه :
غيث تدري كم وصل دينكم عندي؟!
غيث يناظره
المحاسب صرخ :
1500 ريال!!!
غيث يعطيه ثمن الأغراض الي معه :
راح اكلم ابوي بخصوص الدين ما كنت ادري عنه
المحاسب ياخذ منه الفلوس بعنف و يحاسب :
الله ياخذك انت و ابوك اف اف!
غيث ساكت و أخذ الأكياس
صاحب بيت غيث يمسكه :
وين الإيجار؟ حق الثمان شهور الماضيه!!
غيث ناظره :
راح اقول لابوي
المحاسب بعصبيه :
راح اقول لأبوي راح اقول لأبوي كل شيء على رأس ابوك ساعده شوي ما منك فايده انت؟!
صاحب البيت :
ما يهمني مين يدفع ابغى الإيجار يوصلني هذا الشهر أو اطردكم!!
غيث يناظر الأرض :
راح ادفعه قريب
تدخل واحد من الرجال و دخل بنقاش معهم لأنهم يصرخون عليه
غيث انسحب من الهوشه بهدوء و مشى للبيت.. لقى بسه جالسه جنب بيتهم، انخفض و فتح لها علبه تونه و مسح على راسها.. قام و دخل البيت شاف ملابس مرميه على الأرض و دخل شاف البيت شوي مكركب و تنهد ثم راح للمطبخ و يرفع اكمام قميصه و يطبخ ثم يجلس يطلع دفتر من شنطته و يحسب الديون الي عليهم لأن ابوه مو جالس يدفع شيء :
صاحب البيت يبغى 8000 ريال..
صاحب البقالة 1500 ريال
صاحب مغسلة الملابس 700 ريال
صاحب أقساط السيارة 1245 ريال
الكهرباء و المويه 600 ريال
هذه كلها تساوي 12,045 ريال
راتب وظيفة الكوفي 2000 ريال
لو قسمنا 12,045 على 12 شهر بالسنه راح تساوي 1300..
بس ما معي غير شهر ادفع 12,045 ريال..
تنهد و يقفل الدفتر ويدرس حتى خلص الغدا و يحضره في صحنين و يروح فيه لغرفة ابوه و يدخل.. كان المكان كله ريحة دخان و زوجة ابوه جالسه بحضن ابوه
فاتن كانت تبوس عبد الله و هي جالسه على حقه، تلف تناظر غيث ببرود
عبد الله :
وين كنت و ليش تأخرت يا رِمّه؟
