- وطزززز بي شنو عود دتخوفيني احد گلچ خايف منة
بتول.. ما اسمح الك تغلط على عمي تفتهم لو لا
سلام.. شنو هذا لسانچ ليش تخلينا نخرب مو اني احبچ
بتول.. ان خربت أو ما خربت واگفة عليك قابل
بعدين عيب استحي
هم موگف النسوان بـ نص الشارع
وهم دتتجاوز على عمو همام بيك خير احچي هالحچي گدامة وشوف شيصير بيك ساعتها ي السبع
سلام.. بت أبوچ والله بس مو علية يشاطرة انتبهي زين
بتول.. عليك وعلى أمثالك يلا فارقنا بريحة طيبة
ولو منيلك شو الوسخ كاتلك من السم التشربة كل يوم
خديجة.. اسكتي بتول كافي
اني موجودة واني الأحچي عيـب تلاسنيـن الأكبر منچ
يلا امشن خل نرجع للبيت تأخر الوقت كلش
سلام.. ويـن مو داحچي وياچ ليش تتجاهلين وجودي
خديجة.. ماكو كلام بيناتنا
ويلا وخر من طريقي لا الم عليك أمة لا اله إلا الله كلها
- انتِ ليش صايرة هيچ ؟
شدعوة هالگد قسيتي گلبچ علية وعلى شنو !!!
مصدوم والله أول تالي تعاملني هالشكل
شنو عيني مبين بعتيها خلص ومالچ نية ترجعين البيتچ
- باوعتلة صفح ودارت وجها علينا
- شنو خديجة نسيتي سلام احچيلچ شي ليش ساكتة
- لا ما نسيتك بس الظاهر انتَ النسيت اني مرتك
صارلك كم شهر شامرني يم أهلي
بـ الچذب ما اجيت وسألت بس فالح تتصل من بعيد لا تگول أمر اشوفها مرتاحة تعبانة محتاجة شي اابد
بس على شنو اعتب وليش اعتب
رجلي واعرفك كلش زين ما صدگت تخلص مني علمود تتفرغ السوالفك التعبانة وتلعب براحتك
- اني ما شمرتچ انتِ الـ رحتيلهم برجلچ اذا تذكرين
وبعدين اني اجيت لأخوچ مرتين
وبالمرتين رفض يسمعني وسد الموضوع قبل لا ينفتح اصلاً
- صدگ اجيت شوكت شو ما گلي همام ؟!!
- ما اعرف ليش ما گلچ بس والله العظيم اجيتة
مرة بالفاتحة مال أرشد الله يرحمه
والمرة الثانية قبل أسبوع تقريباً وبالمرتين رفض يسمع
حتى گال انسى وحدة اسمها خديجة ما ظل شي أيام واخليك تطلگها غصباً عليك
- ماشي سلام بس هسة روح
مو صرنا فرجة للعالم كلها واگفة تباوع علينا
يعني مااظن صح مثل هالموضوع ينحچي بنص الشارع
- ارجعيلي الله يخليچ
والله حياتي صايرة ظلمة بدونچ كافي عاد اشتاقيتلچ
- الله كريم عود اني أتصل بيك بس وخر مـن طريقـي
- خوش راح اظل انتظر المكالمة
بس اذا ما اتصلتي قسماً بالله اجيكم من الصبح واخذچ غصباً على راسچ وراس أكبر واحد فهمتي
- اي يمعود بس روح منا الخاطر ربك ترى حيل زودتها
- هههه رايح حبيبتي وباچر نتشاوف ببيتنا ان شاء الله
YOU ARE READING
أبي لم يكن إنسانًا
General Fictionالأثار التي على جسدي هيَّ من أوصلتني إلى ما أنا عليهِ الآن أنا تلكَ الطفلة التي كبرت قبلَ أن تكبر أنا تلكَ الطفلة التي أصبحت امًا لِـ طفلين وهيَّ في السابعة من العمرِ فقط أنا من قالَ عنهُ الله في محكمِ كتابهِ العزيز ( فأما اليتيم فلا تقهر )....
البارت 27
Start from the beginning
