#أبي_لم_يكن_إنساناً
البارت السابع والثلاثون
للكاتبة لبنى الموسوي
تمشينا مسافة بسيطة اشترينا موطتين ورجعنا
بعدنا بالطريق ناكل ونسولف
منشـوف إلا سيارة سودة شخطـت گدامنا ونزلوا منها اثنين ملثمين
واحد سحب الجنطة مني شمرها لبعيد
والثاني حط وصلة على وجه بتول ودفعها هو وصديقة بسرعة رهيبة الداخل السيارة
صدمة صدمة صدمة بمعنى الكلمة
بمثل هالموقف الواحد شلون لازم يتصرف شلووون
اصيح
لو احاول أخلصها منهم
لو اشمر روحي بنصهم عسى ولعل ياخذوني وياها بعد مچانت تتوسل بية بـ عيونها حتى اساعدها
الشباب كلها صارت تركض ورى السيارة
ما لحگوا عليهم كلش سريعين
والمصيبة السيارة كل شي ما مبين منها حتى جاماتها حاطيلها بردات
ظليت واگفة اباوع بـ صدمة
لو اگول واحد وضاربني على راسي هم ما ابالغ
فصلت عن الدنيا اصلاً محسيت إلا والعاملة تخض بية يمة شصار صدگ خطفوا صديقتچ
بـ هالجملة رجعتني للواقع
ركضت بـ الشارع مثل المخبلة لا ولچ بتووووول
يا عالم خطفووووها خطفوا أختي سووا شي عفيةةةة
ع السريع شلت جنطتي من الگاع ودخلت للأدارة
الكل واگفين مخبوصين
شافتني المديرة اجت تركض شنو السالفة صدگ خطفوا زميلتچ
- اي ست واريد أخابر عمي ضروري بلكي يلحگ عليهم
- هاچ حافظة الرقم
- اي اي حافظتة... حچيتها ودگيت الرقم انطيت أتصال
ويا كل دگة گلبي يوگف ويرجع ينبض
موقف كبرني عشر سنين ليگدام خاف اني عايزة يعني
بس ميخالف فدوة وكلة يهون بس خلي ترجعلنا بتول بالسلامة
همام.. گاعد اشتغل باوعت للساعة لازم اگوم للبنات
سديت الملف وسحبت موبايلي
داطلع دخل مخلد للمكتب هاااا يول خيرك وين دتروح
- للبنات غير
- هااا اي صدگ نسيت اذا مشغول اني ارجعهن عادي
- ليش وشغلك لو التعب بس على راسي
- لا وداعتك الشغل ميخلص بـس علمودك اخاف تعبان
- لا عادي تعودت ع التعب
كمل شغلتك انتَ ليش تضيع زمنيتك تفيدك بغير وقت
- يمعود فدوة الكم... ها صدگ نسيت اسمع قبل لتروح
- خير ان شاء الله
راد يحچي دگ جهازي لحظة بس اشوف منو
باوعت هذا رقم غريب فتحت الخط بعدني ما گلت الو اجاني صوت طيبة تفرفح من البچي
- شكوووو طيبة شصار احچي
- عمو ااااالحگ
- اهدي شوية بالگوة گاعد اسمع صوتچ شكو بيكم شي
- اي عمو بتوول... شهگت بصوت عالي وگطعت كلامها
- شبيها بتول احچي عاد گلبي وگف
- خطفوها عمو من يم المدرسة گدام الطالبات والعالم
رخت إيدي حتى الموبايل وگع گبل نزلت بالگاع
- همام شصار شبيها بتول يمعووود احچي وگفت گلبي
KAMU SEDANG MEMBACA
أبي لم يكن إنسانًا
Fiksi Umumالأثار التي على جسدي هيَّ من أوصلتني إلى ما أنا عليهِ الآن أنا تلكَ الطفلة التي كبرت قبلَ أن تكبر أنا تلكَ الطفلة التي أصبحت امًا لِـ طفلين وهيَّ في السابعة من العمرِ فقط أنا من قالَ عنهُ الله في محكمِ كتابهِ العزيز ( فأما اليتيم فلا تقهر )....
