အတိတ်မေ့နေသောကျောင်းလူဆိုးလေးနှင့်ဟန်ဆောင်တွဲခြင်း[မြန်မာဘာသာပြန်](Completed)

//Chapter 7//

“အမ်း...” ကျန်းယွမ်ပိုင်စိတ်ပျက်အားလျော့စွာပြောလိုက်သည်။
“ ငါဘာအမှားလုပ်ခဲ့မှန်း ငါမသိဘူး ”

သူဘာအမှားလုပ်ခဲ့မိလို့လဲ? သူဘာမှတောင် မသိဘူးလေ။ လင်ခွမ်းက ရန်ပွဲကိုစတင်ခဲ့သူဖြစ်ပြီးတော့ ရှီပုဖန်ကတော့ လင်ခွမ်းကိုရိုက်ခဲ့တယ်လေ။ သူကသာ အနိုင်ကျင့်ခံရတဲ့သူလေ။ သူခွန်းတုံ့ပြန်ပြီးလည်းမပြောခဲ့သလို ပြန်ပြီးလည်းမချခဲ့ဘူးလေ...အဲ့ဒါကို သူက ဘာလို့ခံဝန်သုံးသပ်စာရေးဖို့ လိုရတာလဲ?

ရှီပုဖန်က မေးစေ့ကိုလက်နဲ့ထောက်၍ လက်ချောင်းတွေကိုကွေးလိုက်ကာ ကျန်းယွမ်ပိုင်ကို လာဖို့ လက်ဟန်အမူအရာပြလိုက်သည်။

“ ငါ့ကိုပေး။ ငါ မင်းအတွက် ရေးပေးမယ် ”

“ ငါတို့လက်ရေးတွေကမတူဘူးလေ ”

“ ငါမင်းအတွက်တစ်ခုရေးပေးပြီးတော့ မင်းက အဲ့ဒါကိုပြန်ကူးလိုက်မယ်ဆိုရင်ရော? ”
ရှီပုဖန်က စာရွက်တစ်ရွက်ကို ဆွဲယူလိုက်တော့ ကျန်းယွမ်ပိုင် တစ်မုဟုတ်ချင်းပင် ဘောပင်ထိပ်ဖျားအား ကြည့်လိုက်၏။

ဘောပင်ထိပ်ဖျားက စာရွက်နဲ့ထိသွားပြီးတော့ အလျင်အမြန်ပဲ စာလုံးအနည်းငယ်ပေါ်ထွက်လာသည်:

ကျွန်တော်က ခံဝန်သုံးသပ်စာကိုရေးနေတာပါ။ ကျွန်တော်က အရမ်းမတော်သင့်တဲ့အပြင် အဆင့်တွေလဲ မကောင်းသင့်ပါဘူး။ အခြားအတန်းက လောင်ရှီးတွေက ကျွန်တော့်ကိုစံပြကျောင်းသားအနေနဲ့ အသုံးပြုတာကိုလဲ ကျွန်တော်တားဆီးသင့်ပါတယ်။ ကျွန်တော့်အနေနဲ့ လောင်ရှီးကို ကျွန်တော်ဘယ်လောက်တော်ကြောင်း ဒါမှမဟုတ် ကျွန်တော့်အဆင့်တွေ ဘယ်လောက်ကောင်းကြောင်း ကြွားခွင့်မပေးထားသင့်ပါဘူး။ ဒါပေမဲ့ ကျွန်တော်အဓိကမှားတဲ့အရာကတော့ ဒီကျောင်းကိုလျှောက်ခဲ့ပြီး ဝင်ခွင့်ရခဲ့တာပါပဲ။ ကျောင်းက အခြားကျောင်းသားတွေကို လာတက်အောင် ဆွဲဆောင်ဖို့ ကျွန်တော့်နာမည်သုံးတာကို ကျွန်တော်ခွင့်မပြုထားသင့်ပါဘူး။

ကျွန်တော်က အရမ်းထူးချွန်ပြီး အဆင့်ကောင်းတွေရှိတာကြောင့်သာ မဟုတ်ရင် ကျွန်တော်ကဘာလို့ အခြားသူတွေရဲ့ရည်ရွယ်ချက်ရှိရှိ ပစ်မှတ်ထားခြင်းကို ခံရမှာလဲ? ဘာလို့ သူတို့က ကျွန်တော့်ကို ရိုင်းပျတဲ့နာမည်ပြောင် ပေးမှာလဲ? ဒါမှမဟုတ် ဒီလိုပရမ်းပတာရှုပ်ထွေးမှုတွေကြားမှာ ပါဝင်တာကို ကျွန်တော်အဆုံးသတ်လိုက်ရင်ရော ဘယ်လိုပါလဲခင်ဗျ။