#سلالة العنفوان...ذنب عينيك

الذنب 19

الذنب التاسع عشر
رواية...ذنب عينيك...سلالة العنفوان
وبقلمي...نور سمو العراق

💔💔💔💔💔💔💔💔💔💔💔

لا أحد يعرفها؛تستيقظ فقط عندما تنكسر؛
حين تؤمن ان لا أحد في هذا العالم سيكون معها...
فجأة تصبح اقوى....

...............................

تشابكت عندي خيوط الواقع بالخيال و امتزجت الحقيقة بالوهم...

فقدت القدرة علئ انو اميز وين الصح و وين الخطأ

الامور تشابكت عندي وما ضل بس الجنون دا احس مجنونه...

فزيت مرعوبة من حلمي المهووس ما اعرف وين الحقيقه صرخت باسمه ذيااب

باوعتله فتحت عيونه ببطا علئ اثر ضرختي ورجع غلقهن بهدوء ودخل بسبات عميق...

رجفت شفايفي وبلعت ريكي للحظات خفت منه رغم هدوءة بنومته و وكفت امشي بصعوبة طلعت برا لكيت لحد الان الشمس غالبتها الغيوم...

ارتجيت علئ الشجره ورفعت راسي لعنان السماء همست بصوت خافت...
ربي أسألك باسمك الأعظم الحسيب الكافي، أن تغنني عمن سواك، وأن تكفني كل أمري، وأن لا تحوجني لحقير أو ظالم، وأن لا تجعل حاجتي في يد من يشوش خاطري أو يقهرني.

احب هل كلمات حفظهن اليه بابا من جنت اصلي وراه وهو يدير وجهه اليه ويكول ...بويه قربى ادعي بهذا الكلام حتئ ما يضلج عدو

واني جنت ادعي وحفظت كلامه نصا...الله يحفظة ويطول بعمرة وين ما يكون...

شخبطت علئ التراب الموجود علئ الارض كتبت وشخطت عليه مجرد ما اكتب الكلام الي بذاكرتي ناحيته اخاف لذلك اضطر امحي هل كلام من بالي...

ح

سيت بصوته الناعس...قربان شعندج كاعده هينا الوحدج

باوعتله ونزلت راسي جريت نفس حزين...ماكو شئ بس تضايقت شويه

مد ايده اليه كال...كومي خلينه نتمشه علئ هل جوء اليوم اهاجس حلو الجوو..

باوعتله ورجعت باوعت لايده وبعدها اطلقت نظراتي اله ضحكت باستهزاء...هاي الايد للعون لو للغدر

رفع حاجب رافض لكلامي...ليش تبسمرين خليج واضحة ؟ شتقصدين بكلامج ؟

نزلت راسي ...ما اقصد شئ

رد عليه بجمود...ما راح ابرر تا اطمنج لان بررت چثير وما فاد...

اردف بغضب واضح علئ ملامحه...انه ما اعتقد الي مصلحه وياج ولا الي غايه اصلا انه مورط روحي ومجازف بوظيفتي بس تا تكوني بخير