#سلالة العنفوان...ذنب عينيك

الذنب 15

الذنب..الخامس عشر
رواية...ذنب عينيك..سلالة العنفوان
بقلمي...نور سمو العراق

💔💔💔💔💔💔💔💔💔

من يحبك بصدق سيتنازل عن أشياء كثيره كي لا يخسرك ❤

........................

من نطقت اسم قربى حسيته ارتبك بس حاول يثبت موقفه وباوعلي بحده كال...ومنو هاااي بلا زحمه؟

ابتسمت...قربى قربى شبيك السجينه العندك تذكرها لعجبتني من زمان

هجم عليه ولزمني من ياخة قميصي بغضب عارم كال...شووف لك فااروق انه سكتت عنك چثير بس الضاهر انت مو مال احترامات...

رفعت حاجب باستغراب مصطنع...ههه شبيك تخبلت لهل درجه تهمك هل لبنيه

غمزتله... ليكون متزوجها بالسر مثل ابوك وتحبلها وتاليها تطردها وتخليها بالضيم مثل امي..

ما حسيت اله بأصابع يده اخترقت عنقي

لزمت ايده وصكيت علئ اسناني دفعته بغضب عارم..

رجع رفع اصبعه بتهديد...شوف فاروق كلامك هذا الي يسم البدن بطلو لان انه مو فاضيلك...والبنيه لا اعرفها ولا عندي شئ وياها...

جاوبته..ههه صدكتك

رد عليه بغضب...لا تصدك صدكت والضليت ما تهمني..

تركني وراح راد يركب سيارته لكن استوقفه كلامي جاوبته بحقد...ولا انت تهمني بس البنيه هامتني..

دار وجهه عليه وهو لازم باب السياره يريد يصعد كال...اييي وبشنو تهمك

ضحكت بضحكة جانبية مستهزئة...تهمني هواي لان احس مصيرها مثل مصير امي

رد عليه بتنهيده...بس انه مو مثل ابووك وبعدين البنيه ما اعرفها انت ليش تلح وتبين لنفسك ان بينه شئ ؟

سحبت نفس...يعني تقنعني انت ما جاي الخاطرها اليوم...

جاوبني...مو مهم اقنعك وانه اجيت لخاطر وئام

نزلت راسي بخبث وبعدها باوعتله...اهااا تمام مدام ما جاي الخاطرها انطيني عنوان بيتهم عندي صديق يريدله مره واريد اخطبها اله...

رفع حاجب بغرور وركب سيارته سد الباب وساق وصل عندي كال...ما اعرف وين بيتهم وهي متزوجه

جاوبته بضحكه...متزوجتك ؟

رد عليه بثقه...انت ناوي تضل تجادل وتناقش وانه ما الي خلك لذلك راح التجئ للسلام النفسي وراح اسكت عنك لان هذا السكوت يحسسني بلذة الإنتصار وانت ضل احرك بدمك...

ضحكت بقهر...مو اريد اباركلك

رد عليه بغرور...مو هسه من اتزوج