#سلالة العنفوان...ذنب عينيك

الذنب 15

وأردف بخبث...اي صدك مبروك خطوبتك من سوزان ان شاء الله اجيبلك هديه

دنكت وحطيت اديه علئ باب السياره...لا تباركلي هسه من اتزوج ..وبعدين فريال شنو مصيرها وياك اريد اتطمن علئ بنت عمي

ضحك بطرف شفته وساق بسرعه اجيت انسحل بالسياره ربك ما اندعمت مشه مسافه واني مذهول من هول الصدمه...

لا يا كلب شلون اجه يمرغلني ويدعمني صحت وراه بغضب...يا ابن الكلب يا ابن الزمال بسيطه والله اذا ما ندمتك ما اطلع فاروق

تنهدت واني متعصب باوعت السيارتي ضربتها برجلي بغضب...انتي الثانية شبيج واكفه وتتفرجين

استغفرت ربي ...استغفر الله ربي واتوب اليه ضليت اعارك حتئ سيارتي الله ينتقم منكم بيت شمخي راح تسودنوني..

ركبت بالسياره ورجعت للبيت بس ما صدكته هذا التردد علئ البصره مو طبيعي معقوله متزوجها

والله اذا طلع متزوجها العب لعب والله اذا وكع بيدي لاخلي شمخي يترحم عليه...

رجعت بذاكرتي لايام زمان....

جنت صغير والكلام ياذي حيييل ...

جانوا كلهم كاعدين كالت مرة ابوي ...عندي ملابس هوواي لذيب ابني مليت الكنتور يخص ويبلع ماكو ناس محتاجه ياخذونهن...

ردت صبيحه...ليش تنطيهن للمجاديه خلي ياخذهم فاروق يستفاد منهن...

بلعت ريكي بغصه...لا ما اريد ما احب الفضايل

كالت مرة ابوي...ليش فضايل فاروق ترئ والله هن جدد ما مستهلكهن چثير...

صبيحة...خرب حضي يستنكف ياخذ من ذيب ابن المطلكه انت دصير مثل ذياب وبعدها استنكف منه والله اني الي مستنكفه تلبس ملابس ذياب

كرصتها مرة ابوي...علئ كيفج يمعوده هساع هو شكال وبعدين بكيفه الولد يجوز ما يحب يلبس من اخوو

الشامخ كال...هذا اخوو هذا حاقد علئ اخوو انه عليش ما اريد الغريبه تدوس بيتي لان ما اريد يدخلن الخبث والحقاره ويكاتلن الولد من وره خبثهن..

عض اصبعه بقهر...اوووف يا ابو ذياب يوم تزوج ام هذا النحيس وبلاني بي هو واخته

صبيحه...اي والله ما ادري شلون اتزوج علئ ام ذياب شو هي جمال وادب واخلاق وبنت عمه راح جاب هاي المدخنه واجه بس بويه نسوان ما تنكدر فرت عقل الرجال فر..

وكفت بغضب...لا تحجيين علئ اميييي امي تشرفكم

شمر الشامخ السلحه عليه اجت بوجهي بس اني صمدت وحاولت ما ابجي...اتذكر دائما امي دكلي ماكو رجال يبجي بس المابي حظ يبجي...

ردت عليه صبيحه..اي امك لو بيها خير جاا ضلت يمك مو عافتك وراحت هساع اكيد تلاگيها متزوجه ونستك انت واختك ...