IDLE DESIRE 2: HIS SEDUCTRESS [SOON TO BE PUBLISHED]

1

I looked again at the people happily dancing in the middle of the dance floor. They were all wild, especially when the disc jockey was playing the most popular song, Move, Shake, Drop by Florida and Pitbull. Ang pagkakaiba lang ay remix ito kaya mas lalong naging wild ang mga tao na nasa dance floor.

Medyo nahihilo na ako at umiikot na rin ang paningin ko. Mukhang naparami na ang nainom ko dahil kanina pa kami rito. Mas lalo pang nadagdagan ang hilo ko dahil sa malakas na tugtog na sinasabayan ng mga taong nagsasayaw.

"Lasing ka na?"

Pamilyar ang boses na aking narinig kaya napalingon agad ako. Nakita ko si Angelica, ang best friend kong kanina ko pa hinahanap.

Mabuti ay naisipan niyang balikan ako sa pwesto ko. Mukhang naparami na rin ang nainom niyang alak dahil mapungay na ang dalawa niyang mata.

She was wearing a red dress that fit her so I could clearly see the curve of her sexy body. Her hair is blonde. Inaamin ko, maganda ang kaibigan ko. Kaya maraming lalaki ang napapatingin sa kanya at nagkakaroon ng interes sa kanya.

Kung naging lalaki lang siguro ako ay baka niligawan ko na siya noon pa. No one can resist the beauty of my best friend, kaya marami na siyang naging nobyo kaysa sa akin na isang lalaki pa lang ang hinayaan kong pumasok sa buhay ko.

"Medyo nahihilo lang ako," sagot ko at inubos ang alak sa aking baso.

"Wala pa ba tayong balak na umuwi?" tanong ko pa sa kanya. Naupo siya sa tabi ko at umorder din siya ng maiinom na alak kahit na namumula na ang kanyang mukha.

"Come on, my dearest Agnella. We are just starting to warm up and enjoying here at the bar tapos balak mo na agad umuwi? Tara kaya sa dance floor at sumayaw tayo," tugon niya sabay inom ng alak.

I shook my head and shrugged my shoulders. Buti ay sanay na siyang uminom ng alak, samantalang ako ay tipsy na agad at gusto ko nang umuwi.

Umiling ako sa kanya. "No, ayoko."

Nagpupunta ako sa bar para uminom, hindi para sumayaw. Hindi ko kasi hilig iyon. Baka mas lalo lang akong mahilo kapag sumayaw pa ako kaya alalay lang talaga ako kapag umiinom ako ng alak.

"At isa pa, maaga ang flight ko bukas. Baka maiwanan ako ng eroplano at malagot pa ako nito kay Dad. Alam mo naman na sumama lang ako sa 'yo rito para magpakasaya muna at makalimot kahit saglit lang," dagdag ko.

"Balak mo na ba talagang bumalik sa Pilipinas? Hindi ka na ba babalik dito sa Washington? Iiwan mo na ba ako?"

Nasa tinig niya ang lungkot.

I took a heavy sigh again.

"Ayoko rin namang umalis, but my Dad needs me so whether I like it or not, uuwi pa rin ako ng Pilipinas."

Ayoko rin naman siyang iwan dito sa Washington pero kailangan ko talagang bumalik sa bansang kinalakihan ko dahil alam kong kailangan ako ni Dad.

"And there is a reason kung bakit kailangan kong umuwi. Alam mo naman ang tungkol doon, 'di ba? If I succeed, then babalik ako rito," dugtong ko pa.

Lumaki bigla ang dalawang mata ni Angelica, halatang hindi siya makapaniwala. Alam niya ang rason kung bakit gusto kong bumalik sa Pilipinas. Siya lang ang matalik kong kaibigan kaya wala akong tinatagong lihim kay Angelica. Wala kaming sini-sekreto sa isa't isa.