The Devil's Son

CHAPTER THIRTY-EIGHT

“Dahil pupunta ka nang mall?” Nagtataka niyang tanong sakin.

Ngumiti ako. “Oo. Dahil pupunta ako nang mall.”

 
Pinunasan ko ang aking mga luha. Tapos muli ko siyang hinalikan sa pisngi. “I love you. I’ll be back as soon as I’m finished. Okay?”

“Okay.”

Nang makalabas ako sa kanyang kwarto.

Nang hindi na niya ako nakikita.

Nang kaya ko nang ilabas ang totoong nararamdaman ko.

Tsaka ako humagulhol nang iyak.

Nakita ko ang itim na anino.

Nasa aking harapan.

“Mabuti at sinunod mo ang nais ko.” Sabi nito.

“Mahal na mahal ko siya. Lahat gagawin ko para sa kanya – gustuhin mo man yun o hindi.”

“Pero – gusto mo nga ba ang lahat nang ito? Hindi ba’t nasa babae na yon na ang lahat nang pabor? Paano ka na? Wala ka na.” Atsaka ito tumawa nang malakas.

“Alam ko. Pero para kay Damon ... magiging masaya na din ako para sa kanila.”

“Ang salitang masaya ay hindi para sakanila Julia ... iyon ay para sa’yo.”

Sa pagkakataong yon ay ako naman ang tumawa.

Tumawa ako nang malakas.

Malakas na malakas.

“Sa dinami-dami nang nagawa kong mali, ito lang ang aking itatama! Hindi ko nga alam kung bakit ako nakinig sa’yo!”

“Sige, hahayaan kita sa gusto mo. Darating naman ang araw nang kamatayan mo at titiyakin kong sa impyerno pa rin ang bagsak mo!”

Atsaka iyon naglaho na parang bula.

Lumabas na ako nang mansyon. Hindi alam ni Damon na mula sa back door ay nakahanda na ang mga maleta ko. Magpapakalayo-layo muna ako.

Kailangan kong kalimutan ang lahat.

Dahil ngayong babalik na ang ala-ala niya – wala na akong rason para manatili dito. Sa oras na gumising ang lalaking pinakamamahal ko sa lahat ay muli siyang babalik sa babaeng pinili niyang mahalin ... at hindi ako yon.

[ERICK’S POV]

 
“ANO?! Nagawa ni Kathy ang lahat ng pinagagawa mo?! P-pero paano na yung ipinangako mo sa akin?”

Tumawa ng malakas ang hari ng kasamaan. “Tao na si Damon. Sa tingin mo ba’y magagawa pa niyang protektahan ang babaeng ‘yon?”

“Anong ibig mong sabihin?”

“Mas magiging madali ang lahat para sa’yo ngayon, Erick. Mas malakas ka. Mas tuso. Mas madali mong mapapasunod ang babaeng ‘yon. Dahil sigurado akong gagawin niya ang lahat maprotektahan lang ang anak ko mula sa’yo.”

Napangiti ako. “Edi ibig sabihin –“

“Oo Erick. Ikaw ang lalaking itinadhana ko para makasama ng babaeng iyon dito sa impyerno. Habang si Damon ay mananatiling tao. Mabubuhay at mamatay bilang tao. Sa huli, alam kong sa akin pa rin ang bagsak niya.”

“Paano si Julia?”

“May iba akong plano para sa kanya.”

Walang anu-ano’y nawala ang itim na anino sa aking harapan. Gusto kong makita si Kathy. Gusto ko siyang makita – hindi bilang isang tao kundi bilang isang kauri ko.