" ငါအနားယူလို့ပြီးသွားရင် ငါသွားမှာပါ "
ရှီပုဖန် သူ့မျက်လုံးတွေမှိတ်လိုက်ပြီး ပြန်အိပ်ပျော်တော့မလိုဖြစ်သွားသည်။
နာရီလက်တံက ဖြည်းညင်းစွာနဲ့ နံပါတ်ခြောက်ကိုထိသွားတဲ့အချိန်မှာတော့ ကျန်းယွမ်ပိုင်ခေါင်းတွေပေါက်ကွဲတော့မည့်အလားပင်။ သူ့ကိုယ်ပေါ်မှာ ကြက်သီးမွေးညင်းတစ်လွှာပေါ်လာပြီး မတတ်နိုင်ဘဲ ထ၍ရှီပုဖန်ကိုသွားဆောင့်ဆွဲရတော့သည်
" ငါမင်းကို ပြန်ပို့ပေးမယ်ဆိုရင်ရော ဘယ်လိုလဲ? "
ရှီပုဖန်က သူ့ကိုကြည့်ဖို့အတွက် မျက်လုံးတစ်လုံးဖွင့်လာကာ
" ငါထွက်သွားအောင်လုပ်ဖို့ မင်းဘာလို့ အဲ့လောက်ထိဆန္ဒစောနေရတာလဲ? "
သေချာပေါက်ကို မင်းရဲ့မကောင်းတဲ့နာမည်ဂုဏ်သတင်းကြောင့်ပေါ့ကွ!!
ကျန်းယွမ်ပိုင် ပြောစရာစကားပျောက်ရှသွားသည်။
" ငါက မင်းအတွက်စဉ်းစားပေးရုံပါ။ မင်းက အခြားသူငယ်ချင်းတွေနဲ့ တွေ့ဖို့စီစဉ်ပြီးပေမဲ့ မင်းအခုထိသူတို့ကို ပြန်မပြောရသေးဘူးလေ။ မင်း သူတို့ကို အကြာကြီးစောင့်နေရအောင် လုပ်မလို့လား? "
ရှီပုဖန်က ခပ်ယဲ့ယဲ့ပြောလိုက်၏
" အဆင်ပြေပါတယ်..ငါ့ခေါင်းကနာနေတယ်လေ။ ငါနောက်ကျ သူတို့ကိုရှင်းပြလိုက်တာနဲ့ သူတို့နားလည်သွားပါလိမ့်မယ်"
"ဒါဆို မင်းဒီနေရာမှာ ဘယ်လောက်ကြာကြာဆက်နေဖို့ စီစဉ်ထားတာလဲ?"
ကျန်းယွမ်ပိုင်၏အကြည့်က နောက်တစ်ကြိမ်နာရီပေါ်သို့ ကျရောက်သွားပြန်သည်။ သူစိတ်ပူပန်လွန်းလို့ ငိုချမိမတတ်ပင်။
ရှီပုဖန်က သူ့နှလုံးသားထဲကနေ တစိမ့်စိမ့်ချင့်ချိန်တွေးဆကြည့်နေမိ၏။
တိတိကျကျကို ဘာလို့ ကျန်းယွမ်ပိုင်က ဒီလောက်တောင် စိုးရိမ်ပူပန်နေရတာလဲ? သူကျောင်းမှာ သူငယ်ချင်းတွေဖွဲ့ထားတာကို သူ့မိဘတွေသိသွားမှာ စိုးရိမ်နေတာလား? အဲ့လိုဆိုရင် အဲ့ဒါက မြီးကောင်ပေါက်လေးတွေရဲ့အချစ်ဖြစ်နေမှန်း သူတို့သိသွားကြမှာပေါ့!
YOU ARE READING
အတိတ်မေ့နေသောကျောင်းလူဆိုးလေးနှင့်ဟန်ဆောင်တွဲခြင်း[မြန်မာဘာသာပြန်](Completed)
RomanceThis is just Translation. ✨All credits to original author and english translator. Start date-12.1.2021 End date_ 27.9.2021 Status in COO - 66 Chapters+2Extras (Completed) Currently Editing ~ Readable in both Zawgyi and Unicode.
//Chapter 5//
Start from the beginning
](https://img.wattpad.com/cover/254610877-64-k182167.jpg)