رواية فرصة ثالثة

فصل اضافي

#فرصة_ثالثة
#فصل_اضافي

الحب..ليس الا ان نكون سندا في الحياة لمن نحب..،ان يكون شعور بالمسؤولية الشديدة تجاه ذاك الشخص..،ان نشعر بالنيران التي تحرق الاخضر..، اليابس عندما يقترب احد من احبائنا،الحب اهتمام،الحب غيرة،الحب ليس الا شعور يتغلغل داخلنا بدون اي رحمة......
___________________________

-تعالي هنا يابت يلا ،مش كل شوية هفضل متشحططة وراكي كدة علشان تاكلي....

هتفت بها "سينا" وهي تركض خلف صغيرتها في ارجاء المنزل،لتشعر بالتعب من الركض ورائها لتجلس علي مقعد خلفها،تضع الطعام علي الطاولة امامها وهي تزفر بتعب......

لتقول بتوعد وهي ترمق الصغيرة شرزا:
-ماشي يا "تاج" يا بنت زين ماشي انا هوريكي يا جذمة

لم ترد عليها الصغيرة، صاحبة الاربع اعوام، بل اخرجت لها لسانها ببرائة ،هي تحاول استفزازها

لتضع سينا يديها فوق رأسها بتعب، تقول بيأس وبدأت تترقرق بعض الدموع في عينيها:
-يعني مش هتاكلي يا تاج

لتهز الصغيرة رأسها بالنفي، وهي تتمتم ببرائة شديدة:
-مس (مش) عاوزة يا اكل يا ماما الاكل اللي بتأكلهولي طعمه وحس (وحش) اووي وانا مش بحبه مس (مش) بحبه

لم ترد عليها سينا،بل اجهشت في بكاء شديد ،وهي تنظر الي ابنتها بلوم شديد....

لتنظر لها ابنتها تاج بحزن علي حزنها ،تقترب منها وهي تضع يديها الصغيرة علي يد والدتها وتردف ببراءة شديدة:
-ماما مس تعيطي تاج متعملسي كدة تاني تاج هتاكل كل الاكل اللي مامتها تعمله علسان انتي متعيطيس تاني

لترفعها سينا لتجلس علي قدميها،هي تقول بحنان شديد:
-ماما مش زعلانة يا حبيبتي ماما خايفة علي تاج بس لإن تاج لازم تاكل علشان تبقي قوية

لترد عليها الفتاة بحماس:
-طاب خلاص يا ماما اكليني كتير علشان ابقي قوية زي بابا و خالد ....

لتبتسم لها سينا بخبث ،وهي تبدأ في اطعامها بحنان شديد

-حرام عليكي يا ماما غيري اسلوبك شوية طاب مش كل شوية تضحكي علي البت كدة ولا علشان هي غلبانة وبتصدق بقي......

اردف بها صغيرها "خالد" ذات السبع اعوام،بنبرة ساخرة مستنكرة

لترمقه سينا بشر وهي تردف :

-ولا انت ابعد عني علشان مش فيقالك دلوقتي وبلاش انت تتكلم والنبي بالمصايب اللي بتعملها دي

ثم اكملت بتساؤل ،وهي تضيق عينيها بشك:
-بمناسبة المصايب انت ايه اللي جابك بدري من المدرسة النهاردة

ليقذف خالد حقيبته المدرسية ،هو يذهب ليجلس بجانبها ،ويردف بمرح كعادته دائما:
-ما هو انا جايلك بالكلام اهو اصبري تاخدي حاجة نضيفة