الفصل الثاني والعشرون
بعدما ارتدت روان ملابسها خرجت من غرفتها ومشت بحزر وهي تحاول ان تتوقع اين الدرج لتصل له وتنزل بهدوء
لتقابلها الخادمة في طريقها مما جعل روان تنتفض بخضة
روان بفزع:خضتيني يخربيتك انتي مين
:خدامتك نانسي يا هانم
روان برفعة حاجب:نانسي؟
ثم نظرت لها من اعلاها لأسفلها بنظرة شاملة لملابسها الضيقة بعض الشئ رغم تقدمها في العمر
لتكمل روان حديثها بصوت منخفض:عايشة في سوهاج واسمك نانسي وفي سنك دا دا انتي المفروض تتدبحي وربنا لتردف بصوت مسموع:عاوزة مدام هالة وأستاذ عثمان لتكمل بصوت ساخر :يا نانسي
نانسي بميوعة:الحاج عتمان والحاجة هالة في اوضة الوكل علشان الغدا
لتنظر لها روان بقرف وهي تردف:طاب تعالي وريني اوضة الاكل فين يختي انجري قدامي
لتمشي الخادمة امامها بمياعة وكأنها تستفذها بينما روان كانت كل دقيقة ترفع يديها وكأنها ستضربها وهي تردف بداخلها :اهلا بسوهاج وجمال سوهاج
لتنزل خلفها حيث تتجمع العائلة لتلاحظ وجود 6 افراد غير جدها وجدتها لتشير لنانسي بالرحيل وتراقب خروجها بقرف
لتقول بهدوء:السلام عليكم
ليرد الجميع السلام لها /وعليكم السلام ورحمة الله وبركاته
ليردف جدها بحنو:تعالي يا بتي جاري وكولي وبعدين نتحدت
روان بهدوء:ماشي شكرا لحضرتك
عثمان بحدة خفيفة:انا جدك يابتي مش حد غريب اياك علشان تقوليلي اكده
روان بإبتسامة :حاضر يا جدي
لتربت جدتها علي كتفها بحنو واخذت تعرفها علي الجالسين: دا يا بتي عمك فراج ودي عمتك مريم ودي ودا مراد ابن عمك فراج مهنددز اد الدنيا ودي مرته ندي اما دا بقي يبقي مالك ابن عمتك مريم وهو دكتور نسا وولادة كبير ودي نرمين خيته وهي محامية في البلد وليكي عمة اسمها نجلاء وبتها سلمي ودي مرات مالك ابن عمتك لأنهم كتبوا كتابهم قريب بس هما ساكنين في المنصورة وانا شيعتيلهم علشان ياجوا ولساتهم في الطريج
(اكيد افتكرتم الحرباية نجلاء هي خالة روان وتبقي مرات عم فارس في نفس الوقت يعني سلمي بنت خالة روان وكان لازم يظهروا معانا تاني لأننا لسة مقفلناش حكاية سلمي و مالك ولسة هنعرف اتجوزا ازاي)
لتلاحظ ابتسامات الجميع اللطيفة لها حتي عمها فراج مما جعلها تبتسم تلقائيا من فكرة انها لديها أسرة ايمكن ان بعد ذاك يصبح لديها أسرة يا الله ما اجمل ذلك الشعور بالرغم من انها لم تفهم الحكاية بأكملها الا انها سعيدة جداا
YOU ARE READING
رواية فرصة ثالثة
Fantasyماذا ان عذبها واهانها فسامحته بل اعتطه فرصته الاولي ايضا ماذا ان افقدها طفلها وهو في احشائها قبل ان يولد فسامحته ايضا واعتطه الفرصة الثانية ولكن هل من الممكن ان تعطيه فرصته الثالثة عندما تجده يدلف وبيده امرأه ويعرفها عليها قائلا زوجتي!!
