الحہٰٖلقة الاولة مہٰٖن روايہٰٖة
>>
#مہٰٖعشہٰٖوقتيہٰٖ_السہٰٖمہٰٖراء ❣
.....................................
(( بعد مرور 10 سنوات ))
......
يوسف :: بشوية ياحمار 😡... اشي هذااا بشوووية ي هووو😳 ( طلع رأسه من روشن سيارة ) تي شن تحسابه شارع ك 7 يا بهيم 😠
أمل :: و رأس وليدي فوته خليه منه لله ..😟. امشي ماتوقفش و رأس ولدي ...😰
يوسف :: ( في ولد يضايق فيه بي سيارة بعدين بدي يدير في فليتشه متع اوقف )
أمل :: ماتوقفش يوسف وليدي ب للهي عليك ..😱.
يوسف :: ( وقف ) انتي ماتنزليش ..😒
::::::
( أنزل يوسف وانتم تعرفو عصبية لولاد وسكر الباب بي قوه ومشي للولد )
يوسف :: خير********** ..😡💪. شن تحسابه شارع بوك تلهد زي لحمار 😠
الولد :: تكلم باهي ماتخلينيش نصفيك توا ..😤🍺.
الناس :: استهدو بالله ياجماعه ..👨👨👦👦.
يوسف :: لا صفيني 😟...صفيني باللهي عليك 😒...
الناس :: خلاص ياجماعه ..يالله كل واحد ع سيارته يالله 👌🏻
...........................................
( stop >> يوسف البطل تاني لي روايتنا طبعاً البطل الاساسي مزال مابانش اوك .❤️.. يوسف يكون ولد أمل و عنده أخت اسمها رؤى وبوه متوفي .يوسف شاب جميل طول وشكل وانيق في لبسه طيب ودمه خفيف 🙈❤️.. العيلة الاساسية متكونه من أم وثلاثة بنات خوات ولي امل وحده منهم وبنتعرفو ع تانين وحده وحده )
..................................
( ف حوش #فطيمة )
فطيمة :: نسيم بنتي حطي لحوايج في لغساله وديري بالك ع طنجرة بنمشي نكنس جنان باهي .... ❤️
نسيم :: باهي تعالي انتي ديري بالك عليهم وانا نطلع لي جنان تو يجي راجلك ويشوفك وبعدين يديرلنا نهار احرف 😒👌🏻
فطيمة :: لالا بنتي تو نكنس انا وانتي ركزي على قتلك عليه ...🙂
نسيم :: ااخ منك ي ماما وخلاص ...😒 باهي ...
..............................
( stop >> فطيمة تكون ام البطل الاساسي لي روايتنا و نسيم بنتها اما راجل دكتاتورية الي عايش معاهم اعوذ بالله منه يكون بوه نسيم طبعاً راجل مايرحمش ويضرب في مرته ليل نهار غير هيا متحملاته ع خاطر بنتها والمشكله حتى نسيم مش محترمها 💪)
..............................
( في حوش #أمل )
أمل :: ( من لما خشت من لباب ) جلطة بتجيني منك بتجيني منك .😭. ياووووه عليا ووه وخلاص .😭. نهارك الاحرف كانه طلع سلاح وقتلك انا شن بيصير فيا وووك عليا وخلاص 😫
رؤى :: ماما !! .😳.. خيركم اللطف ؟
يوسف :: ( دار حركات بي وجهه متع خليها ) 🙄
رؤى :: ( بي حواجبها متع شن في )
أمل :: كلمي خلاتك وقوليلهم يجووو ي نهار اني شن درت في عمري وجبتك اااه ي غلطة عمري ..😫😭
رؤى :: ( تضحك ع خفيف ) 😆
يوسف :: تو باللهي بنسألك سؤال ... ماتعيش من نفس لكلام ولا كيف ؟😒
رؤى :: ههههههههههه غير شن في ههههههه 😂
أمل :: تضحكي ي غبرتي تضحكي ؟😫
يوسف :: امالا بي تبكي تي خيرنا عاد شن شفتيهم مدخليني في تابوت ولا كيف ؟😠
رؤى :: هههههه 😂
أمل :: كلمي خالاتك قتلك ...😠
يوسف :: تي كلميهم ...كلميهم ههههههه .😂.. خلي يجو يعيطو مع امك وانا ماشي 😂
أمل :: وين مزال بتمشي ؟😳
يوسف :: بنجيب خيمة وبننصبها برا معقولة ترضي عزي ولدك من غير خيمة !! هههههههه😂
رؤى :: ههههههههههههههه .. لا حلوة هيا عجبتني ( وطقو ايدين بعضهم ) 😂😂
أمل :: تسهوك زيد تسهوك هذا الي ربيتهولك انا ....😫
يوسف :: ( شبح لي اخته ) ان شاء الله قاعدة مقعمزة تي نوضي كلمي خالاتك هههههه 😂
:.............................
( في حوش #فطيمة )
نسيم :: اهلاً حبي ..
رؤى :: اهلين بيتش ... غير اسمعي بنقولك
نسيم :: ان شاء الله خير ؟
رؤى :: خير خير ههههههه .. ( حكتلها )
نسيم :: كيف ؟ .😱.. حمار كيف يدير هكي بيجلط خالتي هذا ولا شنو ؟
رؤى :: هههههه هي هي علينا حتى انتي ؟
نسيم :: اي حتى انا ..😠 سكري تو نقول لي ماما ونجو
رؤى :: باه ههههه
.....................
( يوسف مقعمز برا يدخن )
( رن تلفونه )
يوسف :: ايواه !🚬
نسيم :: ممكن تفهمني شنو هذا الي درته ؟😤
يوسف :: نعم ؟ 😒... من معاي ؟
نسيم :: هاذي انا نسيم ...
يوسف :: وشن الي انا درته ؟😳
نسيم :: في حد ينزل الوقت هذا من سيارته ويتعارك مع حد تاني ... يعني شنو لو كان عنده سلاح كيف بصير فيك بعدين 😡😔💔
يوسف :: بنموت ... واضح يعني مش محتاجه تفكير ..😂
نسيم :: انت بتقتلني بي برودك هوا ...😡
يوسف :: يعني انا مافهمتش شن الي حارق دمك 👌🏻😂؟
نسيم :: ( سكتت شوية ) عندك الحق انا شن دخلني تموت ولا تنحرق ....😒
يوسف :: شطورة .❤️..
نسيم :: اي خلاص براحتك مع سلامة
يوسف :: مع سلامة ..🙈😂
نسيم :: هيا هكي صار 😡.. اوك ( وسكرت )
::
يوسف :: مهبولة هههههههههه 😂
............................................................
( في حوش #منى )
زينب :: طق طق طق طق طق طق طق طق . تي افتحي يااااادراه 😫
...
زينب :: طقطقططقطقططقطقططقططقطقط اااااااه نغمم افتحي ي بلووووة 😫😫😫
..
منى :: خيرك انتي وياها ؟😳
زينب :: ماتبيش تفتح الباب ...😒
منى :: شن تبي فيها انتي ؟ .... وخيرك مالبستيش من بكري نراجي فيكم انا 😡
زينب :: يرحم ولديك ركزي معاي .😭. الخانم بنتك لكبيرة واخده ماليتي الفوشي وانا بنلبسها من غيرها مش حانطلع 😤... من غيرها شنو ؟ م ش ح ن ط ل ع 😠
منى :: طق طق طق نغم افتحي افتحي يالله ...
نغم :: ( بكل علامات البراءة ) نعم ماما 😍
زينب :: جلم ان شاء الله وين امها المالية 😡
منى :: ( ضربت زينب ع كتفها ) سكري فمك هوا ...💪😠
نغم :: ماما انا كنت بنعطيهالها غير كنت نبدل بس ... 🙈😍
زينب :: ماما انا كنت بنعطيهالها غير كنت نبدل بس ( تقلد فيها ) 😠😪
منى :: هههههههههههه اعطيهالها بنتي ل ترتكب جريمة الفرخة هاذي ... 😂😂
نغم :: حاضر ماما 🙈... خوشي خوديها ..
زينب :: حولي ...😡💪
نغم و منى :: هههههههههههههه 😂😂😂
::::::::::::::::::::::
( stop >> منى تكون اخت ل امل وفطيمة وبناتها نغم و زينب ... نغم تكون بطلة رواية الاساسية والبطلة تانيه هيا نسيم .🙈.. عيلتها حلوة وهادية بوهم جوه حلوة ويحبهم وامهم كذالك )
:::::::::::::::::::::::::::::::::::::::
( العيلة كلها اجتمعت في حوش #أمل .. نساوين برا والبنات في دار )
رؤى :: وعياااط وبكي تقولي ابصر شن صار ههههههههههههه
نغم :: اصلاً خالتي من يومهم هكي تكبر ف لمواضيع هههههههههه
رؤى :: حاله هههههههههه
زينب :: لكن بدي يخوف الوقت هذا را(قص)
نسيم :: ( تبكي بشوية وبعدين زاد صوتها ) ااااه اه اه اه اه 😔💔😢
رؤى :: نسيم ؟؟ .. حبيبتي خيرك ؟ ..
زينب :: نسومتي شن في ؟ ... نهارك تتأثري بسرعة ولا شن ؟
رؤى :: نسومة تكلمي خيرك حبي خلاص معاش تبكي ..
نغم :: ( قعمزو كلهم جنبهم ) روحي شن في ؟
نسيم :: انا و امي مش عايشين ... مش عايشين .. واللهي حياتنا مش زي حياة ناس ..😭💔.
نغم :: كيف ؟ .. مافهمتش .. غير اسكتي شوية ومعاش تبكي 😠
نسيم :: بابا كل ليله يروح يضرب ماما .. وماما تصبر وتسكت ع خاطر انا .... صبح ينوض ويطلب ويتأمر وكانه درت حاجة غلط يهزبني ويقعد يكشخ ... اني عادي ان شاء الله نموت لكن ماما .😔💔😭.
زينب :: نهار ولدين اهله احرف شن يحساب روحه هذا ..😱😡... حي عليه حي .😡.. ماتخافيش حبي والله اول مانحكو لي يوسف ولا بوي تو يعرفو كيف يتفاهمو معه 💪
نغم :: اسكتي انتي ..😠.. حبيبتي خلاص معاش تبكي تو نلقو حل ❤️
رؤى :: تبي نحكي لي امي ؟
نسيم :: لالالا باللهي عليكم مانبي حد يعرف ... المهم نبي منكم تقولو لي امي تبات عندكم ليوم بالك تغير جوها شوية ..😔
نغم :: لا واللهي ؟ 😒... وانتي !!!!
نسيم :: انا عادي مايضربش فيا المهم هيا توا ..😔💔.
رؤى :: باه حاضر ...
.....................................................
( البنات قعدو يسكتو فيها ... )
( ساعة 9 ف ليل )
رؤى :: باللهي عليك خويلة خيرنا عاد ...
امل :: هيا عاد فطيمة باتي اليوم حدانا هيا عاد ...
رؤى :: هيا هيا خويلة باللهي عليك ..
فطيمة :: ماشي باه حاضر حاضر هههههههه .. نكلم فتحي ونجي
::::...............:::
( بعد ماكلماته من بعد ماكشخ وهزب قال باهي .... روحت نسيم )
.......
رؤى :: ي روحي سخفتني نسيم
زينب :: اي ... ياريت خلتنا نحكو لي يوسف ... نحس فيه يوسف يحلها
نغم :: مش قصة يحلها ... فكرو فيها شوية .. خالتي اكيد ماتبيش تطلق توا ولا تبي تخلي بنتها بعيد عن بوها .. وماتبيش تقعد بورحها بذات بعد(قص) 😳💔😔
زينب :: بعد شنو ؟ ...
نغم :: ( سكتت )
رؤى :: قصدك بعد ماسافر زين ولا ؟
نغم :: انا ماشية بنشوف ماما بنروحو خلاص .... ( طلعت )
رؤى :: قاعدة اختك مضايقة ؟
زينب :: فاتت شعور تضايق اختي ... لكن توا تجي تقوليلها عرفتي زين ؟ .. تقولك من زين هههههههههه 😂
رؤى :: هههههههههههه 😂
.......................................
( ف ليل بعد ماروحو كل واحد لي حوشه .. رؤى مقعمزة مع فطيمة وامل ... فطيمة زي الي مضايقة وبتحكي لي اختها .... لكن ماقدرتش ... رؤى في وقتها لسانها يزلق هلبه مشي فضحت بي لموضوع ... وكيف و امتى مش مفهموم المهم بدت بي لموضوع هيا فا فطيمة خنقتها العبرة وحكت وفضفضة لي وخيتها )
......................
#صبح
( في حوش #أمل )
رؤى :: بس
يوسف :: ونسيم علاش روحت ؟
رؤى :: حافت من بوها قالت مش حايرضى وقصة ... المهم توا كيف الحل ؟
يوسف :: ( سرح وقعد يفكر في نسيم ) خلاص تو نحلها ... انا طالع
رؤى :: راك تنسى وخي باللهي عليك ...
يوسف :: حاضر حبيبتي باه .... يالله سلام
.............................
( يوسف ماشي بي سيارة ويفكر يعني تخيلو معاي شوية فجأة جبل يجي ع ضهرك ... وانت مش فاهم كيف تتصرف ... المهم تفكيره كله ع نسيم وخايف عليها )
#أتصل_بيها
نسيم :: #تبكي ... ألو 😔💔
يوسف :: ( شد فرينو و وقف ) علاش تبكي ؟
نسيم :: يوسف ..😭. ( وبي تنهيدة والعبرة ) تقدر تجي 😔 ...
يوسف :: ثواني ونكون عندك ...❤️
#يتبع
#الباقي احلا
#سلمى
