معشوقتي السمراء

الحلقة السادسة

الحلقة السادسة من روايةة
#معشوقتي_السمراء 🙈💜
#تفاعل .. ولو بي كلــمة'' شكر فرحنا'' ,,×, الي يديرو في لايك بس خيركم ماعندكمش سيوله هههههه علقو ولو بي سمايل ...
::::::::::::::::::::::::::::::::::::::::
نغم :: اي نعم .... انك ترجع ويرحبو بيك العيلة هذا شئ ... اما انا الي يغيب عليا يومين معاش نذكر اسمه يا بال انت غايب 10 سنين .... اكيد بتكون غريب .... ع لعموم شكراً لانك ساعدتها بس هاذي سيارتي وانا مانبيش نكتب محظر ....
زين :: ( بيطربق من العصبية ) .. معتبرتيني غريب يعني ؟
نغم :: اي نعم ...
زين :: ( قعد يشبحلها وتشبحله لين جيت امها )
منى :: زين ؟ ... اهلاً وليدي كيف الحال
زين :: أهلين ... الحمد لله ماشي حالي
منى :: خيرك مخليه ولد خالتك واقف برا اللطف ؟
نغم :: ااه .. قلتله خوش لكن هوا قال لا ... بيروح ( وشبحتله )
زين :: اي مستعجل جيت بنطمن ع زينب كيف حالها توا ...
منى :: اي واللهي عليك عمله ... الحمد لله وليدي صحيت انت وقفت معاها .... كيف حال امك ماصار شئ جديد ؟
زين :: ( نزل راسه وبعدين قامه وهوا مضايق ) اليوم جي .... ضرب نسيم وطلق امي
منى :: هييييي نهار احرف .... لاحولا ولاقوة الا بالله .... ي عليك حاله وخلاص ...
نغم :: ( نصدمت ... فوق ماهوا كان مهموم جي ع خاطر بيهتم بيهم حتى هما وفوق هذا كله الاخت نغم ماخلت ماقالتله )
منى :: استنى ولدي نكلم عمك خلي نمشي معاك
زين :: تمام ...
( خشت منى )
نغم :: انت كيف ماتقوليش ... ساعة ليا واقفة معاك وماحكيتش عن الموضوع بكل ...
زين :: غريب ... نحسابك ماتهتميش بي امور الغرباء فامحبيتش نحكيلك ..
نغم :: خالتي ونسيم مش غرباء .... كيف حال نسيم توا ؟
زين :: كويسة ...
نغم :: ( سكتت شوية وبعدين ) وانت .. ؟
زين :: ( شبحلها بي نظرة حزن وبي ضحكة استهزاء ) مانعرفش ... ههه بس ولا يهمك ماتشغليش بالك ..
نغم :: ( اي نعم هيا كانت تتكلم بي طريقة مش حلوة بس ماكانتش قاصده اي كلمة بس من العصبية تكلمت هكي ... طبعاً مع الوقت هيا بتحكي وبتعرفو علاش ضايقت منه .. )
منى :: هيا وليدي هي .... نغم خوشي وغدوا تعالو طول لي حوش خالتك باهي ؟
نغم :: حاضر ...
:.:.:.:.:.:.:..
( في حوش #أملـ )
رؤى :: ماما وين يوسف ؟
أملـ :: شن وين يوسف ؟ ... تطلع برا ف جنان ...
رؤى :: لالا مهناش ..
أملـ :: سمله .... اتصلي بي خوك شوفيه وين ....
رؤى :: ( تتصل ومايردش ... )
نسيم :: ( ناضت خشت لي دار )
:.:.:.:.:.:.:.
( قدام حوش #فطيمة )
يوسف :: (مقعمز في سيارته ويشبح لي حوشهم مش عارف كيف بيتصرف مش فاهم كيف بيدخل ف لموضوع ... من جيهة خايف عليها ومن جيهة مش متقبل قصة انه في حد مد ايده عليها )
تلفونه :: ترن ترن ترن ....ترن ترن ترن ....ترن ترن ترن
يوسف :: ( #رد )
نسيم :: حبيبي ..... حبيبي وين انت ؟
يوسف :: ( لا تعليق )
نسيم :: يوسف انا عارفه انك بتمشي لي بابا .... بس باللهي عليك ترجع ... يوسف الله يخليك حبيبي ع شاني ترجع ... لو ضربته في وقتها زين بيسألك علاش درت هكي ولو كشخت نفس شئ الله يخليك مادخلش روحك في مشاكل ع شاني .... فوته و ارجع
يوسف :: ( بكلــ مافيه من قوةةة وغضب أبن أدم الي يطلع من الرجال لما يحس بي فقدان القوة متعه بكلـ مافيه من صوت ... قعد يصيح ويخبط ع دومان ) ااااااااااااااااااااااااااااااااااااااااااااااااااه ... ااااه ... علاش ... علاش مانقدرش نكسر رأسه ولما يسألوني نقول .... نقول انه انا مانتحملش فيك اي حاجة علاااااش .... فهمني علاش ...علاش انا ماعنديش القوة الي تخليني ننزل نقتله ... كل مانشوفك تبكي وكل مانشوف وجهك وأثار ضربته نحس في روحي لازم نقتله ...
نسيم :: ( تبكي .... تبكي لانه عارفه انه يوسف مش حايقدر يضرب بوها ... لانه خايف زين يعرف وتكون ردت فعله مش متوقعه )
:؛:؛:؛:؛:؛:؛
وجمعهم الصمت لمدة
:؛:؛:؛:؛:؛:؛
( في حوش #أملـ )
فطيمة :: مانحسابش بيجيك وكانه هذا راهو ماخليتاش ... خلعكم حتى هوا يعطيه سلامه ....
منى :: معقوله .... كيف ماتتصلوش بيه ... صار باهي الي زين جي كانه هذا راهو سمعت من البراني ...
أملـ :: كنت بنقولك لكن مافضيتش ... الله غالب هذا الي صار ..
منى :: المهم توا كيف حالها نسيم وكيف حالك انتي باهيه ؟
فطيمة :: الحمد لله ي وخيتي شن بيكون حالي يعني ... ونسيم باهيه راقدة الداخل ...
منى :: ماتخافيش واللهي الي صار الا احسن ... صدقيني .. نسيم تو يولي حالها باهي وتنسى البنات معها وانتي و زين ... والله ي وخيتي احنى جنبك ماتخافي من شئ ...
فطيمة :: ان شاء الله ي وخيتي ان شاء الله ... يعني شن بيكون غير اني بنرضى بي روحي مطلقة وخلاص ... الله يهديه ويصلح حاله ...
يوسف :: سلام ....
العيلة :: وعليكم سلام ...
أملـ :: شن وين كنت اختك تتصل بيك مره ماتردش ومره مشغول ...
يوسف :: كان عندي ماندير ... شن فيه ؟
أملـ :: لا شئ غير نشغلنا عليك ...
يوسف :: خيركم مقعمزين برا ؟
أملـ :: شئ خالتك جت وقعمزنا برا جو حلو ....
يوسف :: باه ... انا بنخش ..
أملـ :: رد بالك ماديرش دوشه نسيم راقدة ف صاله كلم رؤى تنزل تجيبلك حاجاتك ...
يوسف :: ......... تمام
:.:.:.:.:.:.::.:.:.:.:.
( في حوش #منى )
زينب :: تي سكري ضي وارقدي ....
نغم :: كان تسكري انتي فمك وتنخمدي .... ( واقفة ع روشن )
( تتكلم في نفسها .:.:.: >> اووووف تو باللهي شن هذا الي انا درته ... ماخليت ماقلت للولد وهوا مسكين باله مشغول بي امه واخته واختي ... الله غالب عليا مش مني من العقل الي ناقص ... )
:.:.:.:.:.:.:
نغم :: ( أتصلت بعد تشجيع منها لي نفسها )
زين :: ( رد بس ماتكلمش )
نغم :: ألو !!
زين :: معاكك ..
نغم :: انت .... انت وين في الحوش ؟
زين :: لا ... في شارع
نغم :: ( سكتت شويه ) ..... انت كويس ؟
زين :: ههه تاني مره تسأليني ... يا أما المره الاوله ماسمعتينيش .. يا أما مش مذكره ...
نغم :: يا أما مش مصدقاتك ...
زين :: حالي باهي وقتلك ماتشغليش بالك ...بعدين معقوله تتصلي بي حد غريب وتسألي عليه ... يعني انتي ديما هكي من اخلاقك الموضوع هذا ؟
نغم :: ( تعفلقت ) ع فكره ماكنتش نبي نتصل .... زينب تبي تطمن عليك وهذا علاش اتصلت ...
زين :: اي وخيرها زينب ماتصلتش ؟ ..
نغم :: رقدت .. قصدي انشغلت ... اي خلاص المهم اتصلت ع خاطرها ... يالله تصبح ع خير ...
(سكرت )
زين :: هههههههه اي صدقت
:.:.:.:.:.:.:.:.:.
( في حوش #أملـ )
يوسف :: ( بي خطوة بطيئة .... خش وقعمز جنبها .. قعد يمسحلها ع راسها ومسك ايدها .... بي غصة كبيرة وبخوف كبير عليها ... بعد ما مر شريط اليوم كامل قدام عيونه .... تنزل وبكل هدوء #دمعة الحب .. ولما ركز مسحها طول ) سامحيني .. لو بأيدي كنت قتلته بس كنت خايف عليك ... أنحبك تأكدي انه انا نموت فيك ... ( باسها ع راسها )
:.:.:.:.:.:.:.:.
( تاني يوم #صبح )
( في حوش #منى )
زينب :: كيف مافهمتش ؟
نغم :: ( وهيا تلبس وتجهز في روحها ) شن الي مافهمتيشي ... قتلك امشي انتي انا مانبيش نمشي ...
زينب :: وانا بنمشي بي حمارنا الي رابطينا لوطه؟ ... بي شيني بنمشي انا ؟
نغم :: واللهي هاذي مشكلتك تكلمي بابا ... تقولي لي ماما تبعتلك حد ... انا مادخلنيش انا بنمشي للمحل وبعدين بنروح ...
زينب :: ي أناااانيه ي حماره
نغم :: هههههههه باه ... يالله باي ( باستها ع خدها )
زينب :: واللهي لما تشوفي عند بابا
نغم :: ( وهيا طالعه ) نبي نشوووووف هههههه
:.:.:.:.:.:.
( في حوش #أملـ : )
نسيم :: صباح الخير
أملـ :: صباح النور ... خيرك نايضة بكري ؟ ... بري ارقدي بنتي امشي نوتي الفطور انا ورؤى ونوضوكم ...
نسيم :: لالا علاش بنرقد العفو .... بنوتي معاكم
أملـ :: حبيبتي بالك تعبانه امشي ارقدي بنتي امشي عادي ..
نسيم :: ي خالتي كانه بنقعد انا نرقد ونبكي وامي نفس شئ اي لامتى؟.... بابا جي وطلقها وضربني وين المشكله مش اول اب يضرب بنته ولا اول زوج يطلق مرته ... انا مش مضايقة خلاص واللهي خالتي ...
أملـ :: ربي يحفظك لي ميمتك وخليك ليها ي بنيتي ...
رؤى :: صباااحو ناضيتي حبي ....
نسيم :: لا قاعدة راقدة عندك حلمه تبني نحلمهالك ..
رؤى :: هيهيهيهيه دمك شرباااات ... شدي هاك طلعي معاي ..
نسيم :: هههههههه باه .... خويلة ناضت ماما ؟
أملـ :: لالا بنمشي نوضها توا ... زين و يوسف مقعمزين برا وخالتك .......
نسيم :: اممم باه ... نوضيها نوضيها ...
:.:.:.:.:.:.
( طلعو برا )
نسيم :: صبااااح الخير ...
زين وخالتي :: صباح نور ...
يوسف :: ( يشبحلها )
نسيم :: ( حطت الحاجات وشبحت لي يوسف ) ... قلنا صباح الخير مش مفروض تقول صباح النور ؟ ..
زين :: بالك تحشم هههههههههه .. لا عادي رد عادي مش حانضربك هههههه
منى :: ههههههههه
يوسف :: صباح النور ..
زين :: ( شبح لي منى ) خالتي وين البنات مايبوش يجو ؟
منى :: كيف كلمتني زينب ... نغم طلعت وخلتها بوها ماشي بجيبها ...
نسيم :: وخيرها نغم ماتبيش تجي ؟
منى :: هاذي ماتفهميهاش شن تبي .. تلقيها خاطرها بتجي غير الخدمة متع المحل مخلتهاش تجي ...
نسيم :: تو نمشيلها انا وزين نجيبوها .... يباتو معنا اليوم ... قداش لينا ع لبيتان
يوسف :: ( ابتسامه حلوة جداً ع وجهه وهوا يشبح لي نسيم ... )
زين :: لا انا عندي ماندير خليها ماتبيش تجي تقعمز
منى :: اي صح خليها تملح كان تبي تجي راهو فاتت الخدمة .. محل شياطين الي مادارته ف نهار مبروك
:.:.:.:.:.:.:.:.
( ف لمحل )
ملاك :: اسمعي امس لقيت فدوة صاحبتك هههههههه بعتتلي طلب باهي ... مشي قبلتها .. خشيت بندير دوره في صفحتها لقيتها شاعرة البنت ههههههههه
نغم :: ههههه خيرها ؟
ملاك :: اسمعي ستيت هوا .. ( عند عودة الحبيب تصبح ضحكتي رفيقتي وسعادة لا تفارقني ) هههههههههه
نغم :: هههههههه .. استني استني ... وريني
ملاك :: اهوا .... خيرك ؟
نغم :: هذا كلام مكتوب في كتاب اسمه ( كلمات وهميه ...... #ملاحظة الكتاب من تأليفي يعني مافيش ليه وجود )
ملاك :: باه وين المشكله مافهمتش ؟
نغم :: هذا كان عندي منه الكتاب مره شريته لما كنا نقرو مع بعض ف لمدرسه ....
ملاك :: اي برضو مافهمتش وين المشكله ؟
نغم :: ي بهميه .... ركزي :,.... مره خشينا لي مكتبة وعجبني الكتاب لانه لقينا غادي مشي شريته لكن القاته الابله في شنطي خداته .... زعما الكتاب قاعد عندها ؟ ...
ملاك :: مانعرفش ؟ .... برضو مافهمتش قصدي شن تبي فيه الكتاب توا ؟
نغم :: حي عليا كيف نسيت .... في ورقة في لكتاب انا كاتبه فيها قصدي كاتبه فيا كلام اي نعم خطي دجاج لانه كنت صغيره لكن الكلام مش دجاج بكل
ملاك :: ههههههههه لا انتي تبي تقعميزة ...
نغم :: اسمعيني ......
:.:.:.:.:.:.:.:.
( في المصنع )
كرم :: فهمتو ؟
مهاب :: تمام كانك عليا فهمت ... شوف خونا هذا سرحان ...
سند :: فهمت ....
كرم :: تمام ... تعرفو تغلطو غلطة ننسفكم ... البنت تكون عندي غدوا صبح قبل ماتخش للجامعه خوها يحط فيها في لبوابه
سند :: تمام ...
مهاب :: تم ي مان مايحشمك شئ ..
كرم :: باه ...
:.":.":.":.":.":.":.".
#يتبع
#سلمى