الحلقة العاشرة من رواية ...
#معشوقتي_السمراء 💜🙈
#تفاعل ولو بي كلمة شكر ... وبارك الله في الي يشاركو تعليقاتكم تفرحنا ...
:::::::::::::::::::::::::::::::::::::
نغم :: هيييه ؟... خيرها ايدك ؟ ... خيرك ؟ .. وين كنت ؟ ( مسكت ايده ؟
زين :: ( يشبحلها زي الي حب موضوع الخوف عليه ... ضحك ضحكة ع جنب متع خبث ) كانه نحسابه بتخافي عليا هكي راهو مشيت للمداهمه من قبل ...
نغم :: ( شبحتله تفركست ...)
( قعدو يشبحو لي بعض وعيونهم في عيون بعض والحب الي كل واحد ناكر يحس بيه اتجاه تاني كان طالع شرارة )
زين :: ( دارلها طقه بي صوابعه ) هييه وين سرحتي ؟
نغم :: ( مع قرنة لحواجب وشبحه استغراب ) ماسرحتش ... خيرها ايدك ؟
زين :: مجروحة ( يرد بي كل برود ولا كأنه في حاجة ... جبد كرسي وقعمز )
نغم :: ( بكل عفوية وتصرف عاطفي قعمزت تحت رجليه ) كيف يعني مجروحة وين نجرحت ...خيرك ماتحكيش ؟
زين :: علاش ضروري ؟ ( وشبحلها ورفع حاجب واحد وابتسم )
نغم :: ( وقفت ) ع فكره انت واحد حمار .... انا نسأل فيك وانتي زي الاهبل ولا همك ... امشي ملح مجروحة ولا مكسرة شن دخلني ...
زين :: ( هيا ماشية ... بكل استفزاز يلعب بي طاوله بي صوابعه ) اي مدام شن دخلك قاتله روحك بتعرفي علاش ؟
نغم :: ماقتلتش روحي ع اي حاجة ... انا بس لما شفتك خفت .... مش عليك يعني انا لو نلقى كلب مجروح نخاف عليه ... يعني من طبيعتي هكي
زين :: من طبيعتك رفق بالحيوان قصدك ؟
نغم :: ( بتضحك شاده ضحكتها ) لا بس بمأنك انت هكي شايفها انت حر ... تصبح ع خير
زين :: ( ضحك ) وانتي من اهله ههه
:::::::::::::::::::::::::::::::::::::::::::::::::::
( مع صلاة الفجر )
رؤى :: نسيم ... نسيم .. تلفونك نوضي
نسيم :: ( راقدة )
زينب :: اقسم بالله نوض نحدفه االله كانه ماتنوضوش تسكروووووه
نسيم :: اششش .... ( بصوت حنون و واطي ) ألو ... أي حبيبي في حاجة ؟
:.:.:.
يوسف :: نوضي حبيبتي توضي وصلي ...
نسيم :: ( بصوت البيبي الحزين ) اووه بنرقد تعبانه ... باهي تو نوض
يوسف :: لا توا نبي نسمع صوت المياه جنبك ... يالله نبي نسمع صوت باب دار نفتح يالله حبيبتي
نسيم :: حاضر ...
يوسف :: نوضي من غير تنطوير تمام ..
نسيم :: حاضر ...
::::::::
نسيم :: صبايا نوضو كان بتصلو .... هيييه وين نغم ؟
زينب :: ( ناضت من مكانها ) هييييه اختي ؟ ... اكيد تصلي وين بتكون يعني ... عليك خلعه ..
رؤى :: كلبه ههههههه ...
نسيم :: باه بنوض نتوضى انا نوضو صلو ..
زينب :: باهي نوضي انتي توضي تو نوض انا ...
::::::::::::::::::::::::::::::::
( في صاله )
نغم :: ( تصلي ,,, ) سلام عليكم ورحمة الله .... سلام عليكم ورحمة الله .... اشهد ان لا اله الا الله واشهد انه محمد نبيه ورسوله .... يارب فرج علينا وكون معنا يارب .... يارب بعد شر عن عيلتي وحفظها وارحمها برحمتك ي ارحم الراحمين ... اللهم اني استودعتك نفس احببتها ... احميها واحفظها يارب ... اللهم امين ..
نسيم :: تقبل الله ... عطيني متع صلاة ... ماترقدوش بناكلو هههههه
نغم :: هههه باه ... امسكي ..
::::::::::::::::::::::::::::::::::::::::::
::::::::::::::::::::::::
::::::::
( صبح ... في محل #الحلويات)
نغم :: ملاك عطيني طلبية رقم 12 صاحبتها جت ... ان شاء الله تعجبك ..
زبونة :: اكيد حاجاتكم معروفة تهبل ...
نغم :: تسلميلي هههههه ... #تلفون ترن ترن .. ترن ترن
نغم :: ي ملااااك وينك .. عن اذنك لحظة ..
:.:.:.
نغم :: ألو
زين :: فاضية ؟
نغم :: نعم ؟
زين :: ( قالها بصوت اغلظ واعلى ) فاضيه ؟
نغم :: لما انا قلت نعم مش قصدي بيها ماسمعتكش ... معناها مافهمتكش ؟
زين :: المعني لو فاضية نبي نشوفك ....
نغم :: ( في بالها >> علاش مانقدرش نقول لا .... لا لازم نقوله لا لازم .... يالله تشجعي نغم يالله ) ,,,, ( كيف بتتكلم )
زين :: ( بصوت البرئ الحنون الي فيه نبرة حب ) باللهي عليك ..
نغم :: ( في بالها >> عيب قالك باللهي عليك ... عيب عيب يالله قولي باه .. اصلاً في فضول يحرق فيا نبي نعرف شن يبي ) باه ...
زين :: تمام انا برا ...
نغم :: اااه .... اوك دقيقه شوي بس عندي زبونه ...
زين :: تمام ...
:::::::::::::::::::::::::::::::::
:::::::::::::::::::
::::::::
( في شركة )
الاب :: ماشي خودي الي تبي وبري ...
زينب ::هههههه ي نجي هولي اي والله ي سلم هولي هههههههه ... نحبك نا ... انت وين ماشي ؟
الاب :: هههههه عندي اجتماع ... ااه ماتنسيش تسكري باب المكتب وانتي طالعه ..
زينب :: باه ...
( زينب طلع بوها جت فتحت الباب وتبص تشوف في بوها بيخش لي غرفة الاجتماعات .. )
سكرتيرة :: زينب ؟
زينب :: ( من الخلعة قامت راسها نخبطت ) ايييي .. هههههه ااه ههههه اهلاً ..
سكرتيرة :: ههههه تبي حاجة ؟
زينب :: اي .... قصدي بابا قالي انه عنده اجتماع وانا بنمل لين يطلع ... فااا لو تقدري تجيبلي ملفات متع الامن نكسد عليهم ( بي حركات مضحكه وهيا ترفع في ايديها وتنزل )
سكرتيرة :: ضروري متع الامن ؟ ...
زينب :: لا بس .... يعني نحس فيهم مسليات ... صح ؟
سكرتيرة :: هههههه اووك شوي بس ونجيبهم لك
زينب :: اووووك حبيبتي انتي ...
سكرتيرة :: ههههههه
::::::::::::::::::::::::::::::::
( في حوش #أمل )
أمل :: وراك تنسي تسخني لي خوك قبل باهي بعدين تغدو حتى مع العصر انتم كيف نايضين ...
رؤى :: باهي ماما باهي .... اصلاً نغم و زينب بيجو بعدين ... تو نتغدو مع بعض
أمل :: باه ..
رؤى :: مش بتباتو ولا ؟
أمل :: لالا بنعزو وبنجو شن بنباتو ..
رؤى :: باه ... ماشي بسلامه
......
رؤى :: نسيم كملي فوق وتعالي باهي ... اسمعي ولا نقولك ضمي دار الولاد
نسيم :: حاااضر ...
::::::::::
( في محل #الحلويات )
ملاك :: انا مزال نكلمه انا مزال نسلم عليه انا مزال بالبلبلبلبل كذاااااابه اك طالعه معاه اااااك طالعه معاه هههههههههههههههه
نغم :: ي حماره مش طالعه م ش ط ا ل ع ه ي بهيمه ههه هوا يبني نشوف شن يبي ونجي ...
ملاك :: تو نشوفو .. ههههههههههه
::::::::::::::::::::
( قدام #المحل )
( نغم طلعت وسكرت الباب وراها ومشت لي زين هوا نزل من سيارة وجي جيهة الباب تاني )
نغم :: نعم ؟
زين :: ( فتح الباب ) اركبي ...
نغم :: عندي شن بندير مانقدرش نخلي ملاك بروحها ...
زين :: ( شبح لي ملاك لقاها قدام الباب .... اشرت بي باي من بعيد ) اااه هاذي ملاك ؟
نغم :: ( تلفتت ) هههه اي ..
زين :: ( بصوت عالي ومع رفعت الايد ) اهلاً .... اااه معليش نخطفها منك شوية ؟
نغم :: ( ساكته ... في بالها سؤال اكبر من سؤال ومش فاهمه يعني انسان مش مفهوم اصلاً )
ملاك :: لا خوود راحتك ههه
زين :: منوره .... ( شبح لي نغم بي حركة من راس وغمزة متع اركبي )
نغم :: خلي نشوفو شن نهاية الموضوع هذا ... ( ركبت )
زين :: ( تلفت لي ملاك غمزلها وضحك ... )
ملاك :: ههههههه سلامات .............
:::::::::::::::::::::::::
( في شركه )
زينب :: اممممم براهيم لا مش براهيم ... ( تقلب الورقة الي بعدها ) ااااه خالد ... لا شن هذا شكله متزوج ... ايواااااه اهواااا .. حسن .... ( لقت الورقة الي فيها صورة كرم بس كرم مزور وراقي وكاذب عليهم في الاسم على اساس انه حسن )
الاب :: قاعدة هنا ؟
زينب :: ااااه ( سكرت الوراقي وحطت ايديها فوقهم ) ههههههه اي .... صقدي تو بنمشي
الاب :: شن تلعبي بي لوراقي ههههههه
زينب :: هههههههههه اي والله .. لا قصدي هاذي سكرتيرتك لقتني فاضيه قالتلي تفرجي عليهم ... يالله ( باسة بوها ) سلام حبيبي ... اي حق عندك سكرتيرة عسسسسل ههههه
الاب :: انا الي عندي بنت هبله هههههههههههه
:::::::::::::::::::::::::::::
( قدام شركه )
زينب :: انا قدام شركه انتي وين ؟ .... اها تمام تعالي نستنى فيك راه ...
ولد :: ( في سيارة وقف قدامها ) العسل واقف بروحه علاش .... تبيني نوصلك وين ماتبي نرفعك ي عسل
زينب :: ( ماتكلمتش )
( قدام باب شركه .... كرم مقعمز يدخن ويشبحلها من بعيد )
الولد :: غير عدلي علينا واللهي نستاهلو راه هههههه
زينب :: امشي لنشوهلك وجهك توا .... شن تحساب بنات ناس كلهم زي اختك امالا ...
الولد2 :: امشي امشي فوت امها ...
كرم :: ( في مكانه يضحك لي اول مره ... )
زينب :: ( تلفتتله ... مشتله ) انت امن انت امن ؟
كرم :: ( شبح لي روحه شن لابس بعدين شبحلها ) شن شايفة ؟
زينب :: انا مانبيش منك اصلاً تسعدني لانك لو تعرف لاصول راك ساعدتني لما كسرت ام سيارة .... مذكر صح ؟
كرم :: اي سيارة ؟ ( بي استفزاز و برود )
زينب :: اصلاً مش ضروري .... نقدر نحل مشكلتي بروحي مش كل امن امن بي معنى الكلمة ....
( وهيا ماشية و تزلق زلقةةةةة العمر وطيح ... )
كرم :: ( ماتحركتش منه شعرة .... يدخن عاااادي ويشبحلها )
زينب :: ( وقفت بي كل ثقة ساوت روحها هههههه وشبحتله )
كرم :: نقدر نحل مشكلتي بروحي ؟؟؟؟ ( عاود كلمتها مع رفعة الحاجب بمعني #صح ولا )
زينب :: ( مشت وفتاته ) تو نوريك ي حسن افندي ... انا تو نوريك ... غبي ......
:::::::::::::::::::::::::::::::::::
( في سيارة )
نغم :: عادي تقولي وين ماشين ؟
زين :: ( شبحلها ) خايفة مني ؟
نغم :: ( سكتت )
زين :: ( يشبحلها ومبتسم )
نغم :: مش هكي .. بس فضول
زين :: ماتخافيش مش حانديرلك شئ بس مافيش ولا مكان حانقدرو نهدرزو فيه الا في مكان واحد ...
نغم :: وين ؟
زين ::..........
#يتبع
#سلمى
