الحلقة الحادي عشرا من رواية
#معشوقتي_السمراء 🙈💜
#تفاعلـ ... و لو بي كلمة شكر تفرحنا ♥️♥️
::::::::::::::::::::::::::::::::::::
نغم :: مش هكي .. بس فضول
زين :: ماتخافيش مش حانديرلك شئ بس مافيش ولا مكان حانقدرو نهدرزو الا في مكان واحد ...
نغم :: وين ؟
زين :: ( يشبحلها ومبتسم ) مش قادره تتحملي شوي تانيه
نغم :: ( ضحكت ) بصراحة لا ...
زين :: اصبري قريب نوصلو ...
:::::::::::::::::::::::::::::::::::::::::::::::::
( في حوش #أملـ )
يوسف :: رؤى ؟ ( رؤى ماتردش لانه كانت حاطه سماعات في وذانها ) ... رؤى .... ( يطق ع لباب ) ... رؤى ؟؟؟
:::::::::
( ولما ماحد رد عليه ركب فوق .... خطوة بي خطوة في دروج وهوا يساوي في كم ايده ... ولما وصل اول دار ع ليمين كانت دار جلسة وكانت نسيم فاتحه سلوم وراكبه عليه بتمسح ثريه ... في لبداية شافها وكمل ... بعدين رجعلها )
يوسف :: شن اديري ؟ ...
نسيم :: ( من الخلعة ) هييييييييه ( هووب طاحت ) .... اااه احيييه رجلي ...
يوسف :: ( جاها طول يجري قعمز جنبها ) غبية مش امس قلت انه سلوم هذا ماينفعش ولا ؟
نسيم :: ااااه ... ماتكشخش عليا انا ماسمعتكش (بصوت طفل البرئ ونظرة الي فيها دمعتين براءة )
يوسف :: ( تلفت لي جيهة تانيه ) اوووف باه علاش لبكي توا ؟
نسيم :: لانك كشخت وبعدين انا شن عرفني انه سلوم ماينفعش ماسمعتكش ...
يوسف :: نكشخ لانه خايف عليك .. شن كان صارتلك حاجة بنفرح يعني ؟ ....
نسيم :: ( شبحتلها بي حب وهيا مبتسمه ) خايفة عليا يعني ؟
يوسف :: ( متعصب ) لا خوفت ع بنت جيران ...
نسيم :: شوفت شوفت ... قاعد تشكخ ... امشي ملح
يوسف :: تي مانكشخش ال(قص ) .... اووف باللهي عليك تعالي ( قامها )
نسيم :: هششش هي وين ؟ ... ( بي حركات بي حواجبها )
يوسف :: يعني ؟ ... كيف تبيني نخليك في لوطه مثلاُ .؟
نسيم :: لا يعني انه انا نوقف مثلاُ ... صح ؟
يوسف :: ( مع ابتسامه زي العسل وحب وصوت حنين قاتل ) بالنسبة ليا انا نبي نتعود من توا ... لانه لما نتزوجو ( وسكت وابتسملها )
نسيم :: ( ضرباته ع ايده ) سخيف ...
يوسف :: لا ... نحبك ...
نسيم :: هههههههههههه .. نزلني ..
يوسف :: وكأنه قلت لا ؟ ...
نسيم :: واللهي ... بس لو خش زين توا نشوفو لا متعك كيف ..
يوسف :: مايهمنيش ....
نسيم :: يوسف .... بلا هبال نزلني نمشي بروحي ....
يوسف :: ( نزلها ) امممممم اها ... ( خدي ايدها حطها ع كتفه ) هاتي ايدك ..... تمام انتي هكي عادي صح ؟
نسيم :: هههههههههه اي ...
يوسف :: ههههههههههه مهبوله ..
::::::::::::::::::::::::::::::::::::::::::::::::
:::::::::::::
( في حوش #منى )
زينب :: ماما انا كيف وصلت ... تي غير بشوية مافهمت شئ منك انا .... بشوووووية ... ( سكتت الام ) شن هذا ... الواحد مايعرفش يعطي كلمة وياخد كلمه .. شن تبي وبشوية ...
منى :: حماره ههههههههههه ... بوك كلمني مايحسبش مشنا للعزاء بكري ... بري طيبي غدي للامن متع شركه اليوم بوك قال يبي يعطيهالهم ...
زينب :: بس وحده وحده ... امن منو ؟ وشركة شنو ؟ وغداء منو الي بنطيبه ؟ ... ومن هاذي الي بطيبه ؟
منى :: بلا استعباط مش وقتك ... بري ديري غداء للامن متع شركه ... مش عارف قال صارت ماصه ما ماصه في شركه مايقدروش يطيبو وممنوع عليهم يطلعو في وقت الغداء فا يبي يديرلهم غداء ...
زينب :: اي وانا شن دخلني ؟
منى :: بري ديري انتي الغداء ... نتصل بيك بعد شوي نلقاك مادرتي شئ تشوفي اهو قلتلك زينب ...
زينب :: الله رزيكم فيها هازينب ..
:::::::::::::::::::::::::::::::::::::::::::::::::::::
( عند #الحب )
زين :: ( نزل وجي نزلها من سيارة )
نغم :: ( نازله وهيا مبتسمة ابتسمة خفيفه وحلوه وهيا تشبح للمكان الي ماتوقعتش انه يجيبها ليها ... ) هههه المدرسة ؟
زين :: اي ههه ... مانعرفش لكن حسيت انه اكتر مكان عشنا فيها وعندنا ذكريات فيه ... تخوشي ؟
نغم :: ( شبحتله بي طرف عينها ) تستعبط ؟ ... المدرسة مسكرة من وين بنخش من تحت الباب ... ؟
زين :: هههه لا بس شكلك نسيتي لما مره جينا ع خاطر رقبة القرنبيول متعك ونقزنا من صور ....
نغم :: ( شبحتله ... شبحتها حلوة صافية شبحة انسانه فرحانه بي انه شخص الي توقعاته ناسيها وناسي كل ذكرياته معها طلع مذكر كل شئ ) . اوو ... يعني اكيد مش حاتنقز توا صح ؟
زين :: ( حرك بي رأسه وغمزلها متع #حشومه ) كيف عاد .. ؟
نغم :: هههههههه لا مستحيل ... انا مستحيل ننقز ..
زين :: زي ما انتي ماتغيرتيش هههههه ... تعالي انا ندير ايدي وانتي اركبي عليهم ياالله ... هياااا
نغم :: ههههههه اوك ... اووك باااهي ههههه ...
:::
( شخص الي في غياب حبيبته يكون قوي شخصية مايضحكش هلبه كلمات نظراته جديةةة كل همه شغله وبس ... لكن اول ماتجيه الفرصة يكون مع حبيبته يكون عبارة عن #طفل ممكن يدير اي حاجة بس يبي يشوفها فرحانه يكون ضعيف من ناحية كلامه العاطفي شخصيته سلسله ممكن يضحك ضحكه طفوليه بس المهم يحسسها انه هوا ملكها مش ملك حد تاني بس يخليها مرتاحه حاسه بي لامان معاه .... هذا عبارة عن شخص واحد في روايتنا هاااذي شخصية بطلـ واحد في روايتنا .. #زين )
:::::::::::::::::::::::
( بعد نجاح العمليه وخشو للمدرسة مشو قعمزو في ساحة )
نغم :: الله ع ايام دراسة ههههههه .. بجديات كيف كنا وكيف ولينا ؟
زين :: ( سكت شوية بعدين شبحلها ) اي صح ... كانت ايام حلوة ... كنتي تحبي تلبسي نسترو احمر ههه ماتحبيش اي لون تاني ... ههههه تعرفي كنتي تتعفلقي لما حد يقول لي اي بنت تانيه انها احلا منك ههههه ...
نغم :: ( تشبحله ) ههههههه صح .... ( بعدين بصوت هادي ) اي .. انت قلت انك بتحكي معاي صح ؟
زين :: ( لفلها ومسك ايديها ) شوفي نغم ... ممكن الاجابه الي انا نبيها مش حانسمعها منك .. ولا حاتقوليها ... بس نبيك تفهمي حاجة وحده ... انا مانسيتكش انتي مش عادية زي ماقلتي .. كنتي اول وحده في بالي لما فكرت انجي ... كنت نفكر كيف بيكون استقبالك استحشتيني لا ؟ ههههه يعني كل تفكيري عبارة عليك انتي وبس ...
نغم :: ( بي دمعة خفيفه ع العين ) كنت اول وحده تفكر فيها لما جيت ؟ ...... بس كنت اخر وحده فكرت فيها لما مشيت ... هههه .. هذاك اليوم كان يوم خيييييي ( وقالتها وهيا تنزل في دمعتها ) في وقتها بكيت لين عيت ... تعرف انه انا روحت للحوش وفتحت نت كتبت رسالة طويلة وبعدين مسحتها ...
زين :: شفتك .... شفتك وانتي تبكتي وبعدين مابعتيش ..
نغم :: اي وشن كنت متوقع ؟ .... انه نبعتلك ان شاء الله توصل بسلامه ولا نقولك دير بالك ع روحك ؟ .... سافرت وماهمك حد ... يعني توا شن فايدة لكلام هذا مافهمتش ؟
زين :: ( نزل تحت رجليها قعمز ) انتي ليك اهميه كبيرة في حياتي .... ومانبيش نخسرك ... نبيك ترجعي زي قبل ونرجعو صحاب زي قبل ... بجديات ( تبص راسه وقامه بسرعة وهوا مغمض عيونه قال ) انا كنت مخنووووق اليومين هاذم الانه انتي ماتكلميش فيا ... سامحيني .... انا اسف ...
نغم :: هههه صحاب ؟ .... ( سحبت ايديها ) انا اصلاً مش ضروري تتأسف منك لانه مش كبير الموضوع لي درجة الاسف ... بس انا الي اسفة لانه مش حانقدر نرجع صديقة معاك زي قبل ... قبل كنت صديق ولد خالة وتهمني ... لكن انا توا مانعتبرش فيك صديق ...
زين :: أكتر ولا اقل ؟
نغم :: ( بي حواجبها متع مافهمتش ؟ )
زين :: اكتر من صديق ولا اقل من صديق ؟
نغم :: ههههه لو انا نعتبرك اقل من صديق كنت ركبت معاك وجيت ؟
زين :: ( سكت شوية وقاللها وعيونه مليانه حماس للجواب ) يعني اكتر ؟
نغم :: (شبحتله شبحة غضب بس مش واضحة خفيفه ... لانه توقعت يفهم بدون سؤال ) ممكن نمشو لانه المكان بدي يخنق فيا ؟ .. ( وناضت )
زين :: (تلفت جيهة تانيه مع غمضة العين العصبية وقبضة اليد في العصبية )
:::::::::::::::::::::::::::::::::::::::::::::::::::::::
( في حوش #أملـ )
( يوسف واقف ع لباب )
رؤى :: مفروض قلتيلي .... ي عليك نسيم وخلاص
نسيم :: باهي خلاص واللهي ماعاد نعاودها ...
يوسف :: لا محلاك وتعاوديها ... نكسرك انا بعدها ..
رؤى :: تعالى انت ادهنلها وخلاص ؟؟ هههههههههه
يوسف :: ههههه
نسيم :: هههه ..
رؤى :: خلي رجلك مرخية ....
نسيم :: ااااااحيه ... بشوية ي بنت .
يوسف :: نوضي نوضي .... جيبي زيت سخون وطرف غليظ امشي ...
رؤى :: ايواااه .... انت قاري طب وانا مانعرفش هههههه
يوسف :: لا معلومات عامه ي خفيفه هههههههه
:::::::::::::::::::::::::::::::::::::::::
( في حوش #منى )
زينب :: ( تتكلم بروحها ) تو انا درت 7 صواني ... مزال صونيه وحده ووووووك بنطيب تاني ... ( وهيا متعفلقة تخطر فكرة شيطااانيه ... ) اااايواااه هههههه كيف راحت عن بالي ... نمشي نطيبها بي فلفل زياادة ونخلي صونيه الاخيرة للعزيز ع قلبي الاخ حسن ههههههههه ... شطورة .. لا ماشاء الله فايدة في مسلسلات الله فكره هيا باهي هههههه ..
::::::::::::::::::::::::::::::::::::::::::::::::::::::
( بعد ماكملت زينب كلمت بوها قاللها تمشي هيا وتستنى لين يجي يروح بيها يعني تمشي بي ايفكو ... بمأنه الاب في مصراته بسبب خدمة لكن مروح بكري )
::::::::::::::::::::::
( في شركة )
زينب :: تفضلو ...
الحارس :: شن هذا ؟
زينب :: مش صاير ماص كهربائي اليوم لي غداء علينا ههه
الحارس :: ااه هههه بارك الله فيك ....
( زينب عطت للكل صونيه صونيه ... )
الحارس :: بارك الله فيكم ... صحيتو ..
زينب :: ( شبحت لي كرم مقعمز بعيد شوي ويدخن ) زي الي هذاك ماخداش ؟
الحارس :: اي واللهي ...
زينب :: لا مزال فيه صواني .... تفضل اعطيه ...
الحارس :: تمام ....
:::: ( مشت زينب ركبت فوق ... لي مكتب بوها وقعمزت )
:::::::::::::::::::::
( مع ساعة 8 بزبط )
( في محل الحلويات )
نغم :: ملاك انا طالعه .... سكري الباب باهي وديري بالك ع روحك
ملاك :: تمام حبيبتي وانتي ماتغششيش روحك
نغم :: ههه تمام ...
ملاك :: اي وراك تنسي غدوا بكري باهي باش تكملي طلبيه متع حوش جيرانكم..
نغم :: باه ... يالله سلامات
:::::::::::::::::::::::::::::::::::::::::
( في حوش #أملـ )
يوسف :: ( يمس في زيت سخون ولا لا وحاط تلفون في وذنه يتكلم ) تمام ... ماشي اوك تو نقوللهم ... ماشي سلام
نسيم :: خيره ؟
يوسف :: ااه ... عنده خدمة قال بيعطل ... يالله عطيني رجلك ..
نسيم :: لا اكيد .... شوفي انا مانحبش صنته كيف بنديره ...
يوسف :: ( شبحلها شبحة استغراب )
نسيم :: ماتشبحليش هكي ... مش حانديره ...
يوسف :: هذا زيت وهكي امالا كانه يبره كيف ؟
نسيم :: ( بي خلعة ) يبرة شنو ؟
يوسف :: لي رجلك امالا كيف بيولي حالها باهي غدوا يجي زين ونمشي انا وياك و زين نديرولك يبرة ...
نسيم :: نوض نوض .... نووض ... لا يبرة لا غيرها ... يبرة قالك ...
يوسف :: ( شبحلها متع نتلكم بجديات )
نسيم :: بجديات ؟
يوسف :: ( في لبداية وجهه لا متبسم لا يضحك بعدين ضحك ) ههههههههههههه صغيرة اكيد نبصر ... خلاص هاتي خلي ندهنهالك حبيبتي ... يالله
نسيم :: لا نادي رؤى تدهنها ...
يوسف :: ( حط ايده ع راسه وقعد يشبحلها )
نسيم :: ( ضحكت ) هههههه ماهو عيب ... يالله ناديها تدهنلي هيا ...
يوسف :: ههههههه حاضر ....
رؤى :: هااك فوطه ...
يوسف :: هاك انتي زيت وادهنيلها ... وبشوية ادهني مش تقولي تكسري في بلوك
رؤى :: تعالى ادهنلها انت ...
يوسف :: هههههه كان الود ودي ... لكن الله غالب حكم القوي ع ضعيف .. ( ويشبح لي نسيم )
نسيم :: هههههههه
رؤى :: باه هههههههه ...
يوسف :: انا برا تبو حاجة كلموني ...
رؤى :: تمام ..
:::::::::::::::::::::::
( في شركة )
زينب :: اااه فهمتك
سكرتيرة :: المهم ردي بالك تنسي .. ساعة 8 ونص اوقفي برا لانه الامن بيسكرو شركة ... يالله مع سلامة
زينب :: تمام مع سلامة ...
:::::::::::::::::::::::::::::::::::::::::
( ف شركة زينب في المكتب حاطه ايدها راسها وتلعب بي لقلم .. )
زينب :: ( فجأة جي ع بالها كلمة سكرتيرة ) المهم ردي بالك تنسي .. ساعة 8 ونص اوقفي برا لانه الامن بيسكرو شركة ... يالله مع سلامة :.:.:. نهاااار احرف ... ( شافت ساعة ) ساعة 9 .... حي ع جو ..
::::::::::::::
( نزلت زينب تجري لوطه القت الباب مسكر ... وطبعاً باب شركة انتي تشوفي الي برا لكن هما لا .... )
زينب :: ياربي .... حي عليا ... اي صح انا لساني طويل ومارحمت حد ... لكن انا نخاف نقعد بروحي ... وووك عليا
صوت :: طووووف طق ...
زينب :: ( انخلعت من صوت )هييييييه
#يتبع:.....
#سلمى
