معشوقتي السمراء

الحلقة الثامنة

#هديتي ليكم بكري اليوم 🌸
الحلقة الثامنة 8️⃣ من رواية
#معشوقتي_السمراء :.:. 💜🙈
#لايك ../. #شير :.:. #كومنت كومنت كومنت طويله طويله معليش انفعلت شوية ههههه تفاعلو ولو بي كلمه شكر ي جماعه
:::::::::::::::::::
كرم :: ( يدخن ويشبح فوق ) انا اصلاً وجودي ف جامعه وفي الخدمة هاذي ع خاطر المسكينه الي تدعيلي ف لحوش تعرف كانه مش ع خاطرها راهو من وقت انا مسيبها الخدمة ..
امين :: انت وراحتك
كرم :: ( ابتسامه الخبث الي ع جنب ) اكيد ....
:.:.:.:.:.:.:.:.:.
( في حوش #أملـ )
يوسف :: ديري رايك ...
نسيم :: حبيبي كيف شن بنقوللهم باهي ؟
يوسف :: قتلك ديري رايك انا قدام الباب ي تطلعي ي نصيح من هنا ونقولها ..
نسيم :: هههههه باه باه شوي ..
:؛:؛:؛
( في المطبخ )
نسيم :: رؤى !
رؤى :: ي نعم ؟
نسيم :: انا بنطلع برا شوية قدام الباب تغطي عليا ؟ ...
رؤى :: لا داه كان زمان ... امشي شن نسيتي كانه مش مناك راهو انا درت الكيكه ... امشي ملحي لا نغطي لا نفضح
نسيم :: باللهي عليك ... باللهي عليك وراس حبيبتي باللهي عليك
رؤى :: يوسف برا ؟
نسيم :: هههه اي ...
رؤى :: ( أبتسمت ) باه هههه امشي لكن تو نوريك
نسيم :: باه وريني راضية عادي المهم غطي عليا توا هههههه
رؤى :: باه ..
:.:.:.:.:.
( قدام باب الحوش )
( نسيم جت طالعة من الباب وماشيه لي يوسف كان شارع فاضي مافيشي حد وقتها كان بعد المغرب وهوا واقف ع سيارة حاط ايديه في جيوبه ويستنى فيها كان حاسس بي سعادة عامره كل زاويه من زوايه قلبه كان عيونه تعبر بي سعادة والحب وهيا طالعه تتكلم وجايه جيهته )
نسيم :: تو تبيني نطلع باه وكانه حد شافنه خيرك هبلت وكانه ج زي( قص )
يوسف :: ( حضنها ) اششش
نسيم :: ( مصدومة )
يوسف :: أنا معاش نبي نكون بعيد عنك ولا لحظه نبيك تكوني جنبي طول العمر ... انا نبيك تكوني ليا ليا انا وبس .. نحبك هلبه ي روحي انتي
نسيم :: هههه اي وحتى انا نبي هكي ونحبك ... بس خيرك حبيبي في شئ ؟
يوسف :: اليوم لما شفتك فرحانه وتضحكي فرحتي مانعطيها لي حد نبي نشوف وجهك ديما يضحك وصوتك مايختفيش من حياتي بكل انتي نصي الي بنكمل بيه ... نسيم انتي كنتي صديقه بس توا انتي حاجة تانيه مانقدرش نعيش من غيرها
نسيم :: حبيبي ...
يوسف :: ( شبحلها وحط ايديه ع خدودها ) لازم تعرفي انك هواي ي قلبي ... عيونك هاذم نموت فيه ههههه ...
نسيم :: ههههههه اي رومانسيه دي هههه .. نموت فيك .... وتموت فيا ... وبنموتو لو حد شافنا توا هههههههههه
يوسف :: هههههههه .... استني ( مشي لي سيارة وجابلها ورد ابيض باقه فيها 50 وردة بيضاء ) شوفي الباقة هاذي فيها 50 وردة بيضاء وفي عرسنا بنكملها 50 وردة حمراء ...
نسيم :: ههههههه مجنون .. ييي يهبلو حبيبي صحيت ..
يوسف :: بالنسبة ليا ماعنديش الا وردة وحده شفتها احلا واروع وردة ف دنيا هيا انتي ومش عاجبتني ولا وردة تانيه ...
نسيم :: حبيبي انت ... ربي مايحرمني منك يارب ...
يوسف :: يالله خوشي صقع ... خوشي انتي وتو نجي بعدك .. ههههههه
نسيم :: شيطان هههههههههههه باه ...
يوسف :: ههههههه معاش تعاوديها
نسيم :: حاضر هههههه
:.:.:.:.:.:..
( قدام المحل )
زين :: ها شنو ؟
نغم :: مانعرفش انت قول شرطك وبعدين انا نقولك لو عادي او لا ...
زين :: لا ... انتي قولي موافقه ولا لا ... بعدين انا نسامحك لما ديري شرط
نغم :: اووووف باه .... باه خلاص اشرط ..
زين :: تقوليلي علاش من اول ماجيت ماجتش عيني في عينك الا وتهربتي مني وعلاش ماحاولتيش تهدرزي معاي او حتى توضحيلي انك كنتي تستني فيا لما نروح او استحشتيني وعلاش قلتي انه انا غريب بالنسبه ليك ؟... نغم انا نسامحك وتريحيني لما تجاوبيني ع سؤالي ؟
نغم :: ( ضايقت وسكتت شوية بعدين ) جاوبي يهمك يعني ؟
زين :: استني استني ... ( مشي حط الكيكه في سيارة وسكر الباب بي لقوة وجاها .. ) انتي شن تقولي ؟ ... اكيد يهمني ...
نغم :: هه كل الس سمع جوابي ع سؤال هذا يقولي سبب تافه و جواب اتفه مش ضروري تعرفه ...
زين :: ي ستي انا راضي ونبي نسمع تافهه هاذي .... نب ينعرف علاش انتي هكي تتصرفي ...
نغم :: مش لازم خلاص امشي خالتي تراجي ف لكيكه ...
زين :: ( وهيا ماشية مسك ايدها ) درت حاجة انا ؟
نغم :: زين صدقني مافيش فايده لو قلتلك جوابي بعد 10 سنين هه يالله امشي ...
زين :: ( مشت وقعد يشبحلها ) ..
::::::::::::::::::::::::::::::::::::::::::::
( ف لمحل )
ملاك :: حبيبتي شن قالك خيرك ؟
نغم :: ( تتكلم وتبكي تاخد شهيق وطلع كلمه ) سؤلني ... سؤلني علاش انا مانكلمش فيه ... علاش نتهرب منه ... علاش ماقلتلاش انه انا نستنى فيه ... يبي يعرف علاش ...
ملاك :: باهي قلتيله .... قلتيله الي في قلبك وريحتي روحك
نغم :: شن بنقوله باللهي عليك ي ملاك شن بنقوله اذا كان هوا مشي 10 سنين وماعادلش بيعدل عليا توا ؟ ....
ملاك :: انتي مادخلكش المهم ريحي روحك واحكيله ..
نغم :: ( تبكي )
:.:.:.:.:.
(قبل 10 سنين )
( في وقتها كانو يمشو مع بعض للمدرسه الي هما نغم و زين و يوسف و نسيم و رؤى و زينب ... كلهم كانو يمشو مع بعض كان لازم يوسف و رؤى يمشو لي زين ونسيم وبعدين يمشو لي نغم و زينب ... وفي يوم قبل العشرة سنين هاذم كان عمرهم في وقتها 14 سنه )
:.:.:.:.:.:.
( في حوش #منى )
منى :: زينب هيا انتي واختك بسرعة شن هذا عاد ... واللهي يجو لما نقوللهم امشو راه
زينب :: ي ماما انا لابسه هاذي نغم مزال ماطلعتش ...
منى :: نغممم ... نغممم هيا بنتي عاد
نغم :: اي هيا هي ... جيت ..
سيارة برا :: بيب بييييييييب بييييب ...
منى :: هيا جوكم .... تي هيا تشيطولي في ريقي كل يوم هيا عاد ...
نغم :: جيت جيت .... هيا زينب
زينب :: هي خودي فطورك ...
نغم :: لالا بنفطر غادي ... باي مااما
زينب :: باي ماما
منى :: في امان الله ......
::.:.:.
( في سيارة )
زينب :: صباااحو ...
نغم :: صباح الخير ... كيف حالكم ؟ .... وين زين و نسيم ؟
يوسف :: مانعرفش مشينا طقطقنا وماطلعوش ....
نغم :: كيف هكي ... عمي ترجعلهم عادي ؟
العم :: باه ...
نغم :: تو ننزل انا ...
يوسف :: امس اتصلت بيه ماردش ... كنت بنمشيلهم لكن عندي قرايه ماقدرتش ..
نغم :: تو ننزلهم نشوفهم ...
:.:.:.:.:.:.:.:.:.
( في حوش #فطيمة )
نغم :: طقطقطقططقطق ... خالتي .. طقطقططقطق .. خويللهه
فطيمة :: أهلاً اهلاً ... كيف حالك ؟ ... خيركم وليتو ؟
نغم :: الحمد لله ... ماطلعوش قلت نوليلهم  ...
فطيمة :: لالا نسيم ماتبيش تمشي مشت مع خوها للمطار ...
نغم :: مطار ؟
يوسف :: مطار شنو ؟
فطيمة :: خيركم اللطف ماقللكمش زين ؟؟ ... زين بيسافر اليوم بيمشي لي امريكيا بيقعد غادي ... معليش تو تهدرزو مع في نت عندكم نت ولا هههه
نغم :: ( في وقتها ممكن يكون عمرها كان 14 كانت صغيرة في نظر ناس والمجتمع ... لكن نغم في وقتها زي اي بنت عمرها في عمر الوردة قلبها في وقتها يحب اي حد ويهتم بي اي حد زي الوردة الي اول من يسقيها تتعلق بيه ... وقتها زين كان يهتم بيها اكتر شخص ويدافع عليها يحميها ولما تصيرلها حاجة كان ديما جنبها ذكريات طفوليه رائعه .. في وقتها زين كان يتعارك مع اي حد يتعارك معاها ... لكن في لحظة هاذي نغم دمعة البراءة نزلت من عينها ... وقعدت تبكي لفت ورجعت للباص ... )
::::....:::....:::: ... :::
( بعد 10 سنين  )
( في المحل )
نغم :: أيواه خالتي ؟
أملـ :: هيا وينك عاد تعالي ؟
نغم :: كيف جي زين عطيته الكيكه توا يجيبهالكم ...
أملــ :: واللهي ماتجيش نزعل منك راه ... تعالي عاد نكلم فيك بي درقه ... نبيك تجي واللهي مدايرين لمه عائليه هكي ع خاطر خويلتك فطيمة ونسيم نبو نغيرولهم جوهم ...
نغم :: ( سكتت ) باهي حاضر
أملـ :: راهو ماتجيش نزعل منك راه ...
نغم :: حاضر باه تو نجي ...
:.:.:.::.:.:.
( في حوش #أملـ )
يوسف :: هههههه غير خليها تو نسويهالك انا
الجدة :: تي قعمز عاد تغني هاذي
يوسف :: ( ضحكته الي زي العسل ) هههههههههههههههه تي غر اصبري امالا كيف بنركبهالك ...
منى :: تلعب بي امي ي شيطان هههههه
يوسف :: تي واللهي لا ... نركبلها في سماعات وهيا سماعه شكلها تركبت بي لغلط تصفر قالتلي تغني ههههههه
منى :: ههههههههههههه ... امي ؟
الجدة :: ماسمعتهاش ..
منى :: امـــــــــــي
الجدة :: تي معاش تصيحو نسمع فيكم يووووه ...
يوسف :: هههههههههههههههههههه ... ريحونا عاد اسكتو .. وانتي اتبتي خلي نركبهالك
الجدة :: تابته انت ركبها ولا تبوحين
يوسف :: باه ههههههههههه
زين :: سلام عليكم
العيلة :: وعليكم سلام ..
منى :: عطيني منك ...
زين :: وين امي ؟
منى :: فوق هيا وامل شوية وينزلو لاهين في ضمان المخزن قريب يكملو ..
زين :: ونسيم ؟
منى :: اهيا هيا ولبنات في لمطبخ ناديهالك ؟
زين :: لالا تمام ...
( مشت منى للمطبخ وجي زين قعمز جنب حناه )
زين :: شن ادير لي حناك ؟ ...
يوسف :: نركبلها في سماعه
الجدة :: معاش ترد عليه ركز معاي
يوسف :: ههههههههه هيا اسكت هي
زين :: ريتيها ولا ههههههههههههه ..
نسيم :: زين ؟ .. اهلاً كيف الحال ؟
زين :: تمام حبيبتي كيف حالك انتي ؟
نسيم :: ميه ميه ...
زين :: بكري مشيت شوفت شوية شقق في شقة حلوة عجبتني غدوا نرفعك تشوفيها كان عجباتك بنرتبهوها انا وياك وجماعه ( شبح لي يوسف ) معنا ولا ؟
يوسف :: اكيد ... لكن ماكانش في داعي لي طلعه من هنا شن الفرق بين حوشكم وحوشنا ماهو واحد ...
زين :: معليش اكيده تو نجوكم كل يوم ...
يوسف :: اي ان شاء الله ع لخير ...
نسيم :: باه غدوا نشوفوها ... ماما قلتلها ؟
زين :: لالا خليها نديرولها مفاجأة ...
الجدة :: هيا شنو عاد ؟
يوسف :: ههههههههههههه .. تسمعي فيا هكي ؟
الجدة :: من بكري نسمع غير انت عطلت ..
يوسف :: غير لا ي شيخه هههههههه .. باه تمام معناها ركبت
زين :: مباارك حنااااااااي ههههههههههههه
الجدة :: تو نوريك ي شيطان هههههههههه
نسيم :: ههههههههههههه ....
رؤى :: الحووووش ي شباب افتحو
يوسف :: هيا هي تو نفتح ....
.:.:.:.:.:.:.
يوسف :: هاذي نغم جت .... خوشي
زين :: ( شبح لي لباب خشت وجت عينه في عينها هيا كالعاده تهربت من عيونه وشبحت للبنات )
رؤى :: واللهي قلت كان ماجتش لما نقتلها ههههههه .. شن جو؟
نغم :: ( أبتسامه بي لغصب ) تمام الحمد لله ...
زينب :: فالحه غير فيا جد امي انا .. وف لاخير جيتي
نغم :: هه معليش مسامحه ولا لا
زينب :: مسامحه ماعندي مانقول هههههه
نسيم :: كيف الحال شن جو المحل ؟
نغم :: ماشي حاله الحمد لله ... وين خويلاتي وامي؟
امل :: اهو جينا جينا .... ي مرحب بيك
نغم :: كيف حالكم ؟
منى :: الحمد لله .. باهي الي جيتي ... مصح وجهك تعرفي كانه ماجيتيش راهو عرفت كيف نديرلك ...
امل :: خلاص عاد اهو جت ...
فطيمة :: سلمها ياربي جت ع خاطرنا ...
نسيم :: هيا خلي نحطو لعشاء ....
( وفي كل الهدرزة الي فاتت .. زين يشبحلها ومانزلش عينه من عليها وكانه خاطره يعرف الاجابه ع سؤاله وهيا كانت تتهرب بي عيونها وماتشبحلاش )
:::::::::::::::::::::::::::::::.::.:.:.
( في جنان بعد ماتعشو يشربو في قهوة )
نسيم :: شد هاك ...
زين :: شن هذا منين جبتيه هههههه
نسيم :: ي سيدي روحت وماجبتلكش هدية .... وطبعاً كنت نتابع فيك ع الانستا واكسفتش هههههههه انك مغني مبدع هههههه
منى :: ماشاء الله هههههه من ورانا ي زين
يوسف :: لا انا نعرف ... هههههه
زينب :: حتى انا هههههه
رؤى :: باه غني زين باللهي عليك ...
زين :: لا شن نغني قعمزي واركحي ....
فطيمة :: غير غني سلم ولدي غني ههههههه بنسمعك ...
زين :: لا ... ريحونا
منى :: الله هيا عاد لين نترجوك ... تي هيا عاد
يوسف :: هيا خونا هيا ... غني
زين :: ( شد الغيتار ) اي اغنيه ؟
رؤى :: اي وحده تخطر ع بالك هيا ...
زين :: تمام ...
نغم :: ( تشبحله )
زين :: .........................
::::::::::::::::
#يتبع
#سلمى