ملاگ الضابط

13

ام المريض:شلونه ابني حبابه دكتوره كولي ابني شلونه
ملاك:الحمدالله نجحت العمليه وهسه شوي ونطلعه للغرفه
ابو المريض:الحمدالله
ملاك:رحت للمغاسل غسلت وذبيت الجفوف ولي جنت لابسته غسلت وجهي عدلت ملابسي وطلعت اتلاكاني المدير
المدير:احسنتي دكتوره ملاك ما جنت اعرف انتي شاطره بشغلج
ملاك بفجر:شكرا
المدير:هاي اول عمليه نجحتي بيها ونشالله الباقي هم
ملاك:نشالله عفته ورحت لمكتبي ارتاح
محمد:هاي شوكت اجيتي
ملاك:اجيت با 7
محمد:ليش ما كعتيني
ملاك:عفتك نايم تعبان بكت سيارتك وجيت
محمد:عادي
ملاك:اريد اشتري سياره
محمد:اشوف صاحبي يشتغل با معرض سيارات اخذج تروحين تختارين وحده
ملاك:يي عفيه ضلعي راح اروح اتريك باي
محمد:الله وياج
ملاك:رحت لمطعم قريب على المستشفى اتريكت وطلعت افتر رحت للمول اشتريت كم شغله واتصلو بيه
اماني:دكتوره بسرعه تعالي نحتاجج
ملاك:طلعت بسرعه رجعت للمستشفى شفت هوسه رحت اركض شكوو شصاير
اماني:خلاف عشائري وواحد منصاب بطلقه
ملاك:اوك حظرو غرفة العمليات بسرعه وخلي دكتور محمد يدخل وياي بسرعه يله
اماني:اوك
ملاك:رحت بدلت ولبست اجفوف ودخلنه اني ومحمد شفت الطلقه صايره قريبه على القلب بدينه نشتغل طلعت الطلقه ومحمد عليه الباقي مرت ساعه ونص حسيت بدوخه قويه كولش
محمد:اطلعي اني ودكتور عمار نكمل الباقي
عمار:يي مبينه تعبانه اطلعي
ملاك:اوك شكرا طلعت شفت عشيره كامله كلهم زلم يخوفون
الشيخ بصياح:شلونه اخوي احجي شبيج صافنه
ملاك:لا اصيح شبيك ترا انته بمستشفى مو بيت واخوك زين طلعنه الطلقه
الشيخ:استغفر الله
ملاك:عفته واني احجي كبر بس يجوعر رحت للمغاسل احس نفسي راح اتخربط ما ادري ليش غسلت وبدلت ملابس لبست غيرهن وعدلت شالي وطلعت لمكتبي
اماني:ها شنو كملتو
ملاك بدوخه:لا بس احس نفسي دايخه
اماني:ليش شماكله
ملاك:ما اكلت شي بس اتريكت بس مطعم كيمر وجاي وهسه احس معدتي توجعني
اماني:خاف مسممه ولج
ملاك:لا هسه ارتاح اخذت حبايه وشربت مي مددت على التخم لي با المكتب ما حسيت غير تندك الباب صحت منووو
محمد:راح اروح اليوم انتي راح تبقين هنا عندج حراسه 😂😂واجب عندج
ملاك بتعب:اووو
محمد:هههه يله باي
ملاك:باي
ملاك:كمت غسلت وجهي وطلعت اراقب وضع المريض
الجديد غيرت الكانونه وكعدت
الشيخ:شلون صار
ملاك:زين غيرة الكانونه بعد بس يصحه ونشوف وضعه
الشيخ:اوك امم انتي دكتوره
ملاك:يي
الشيخ:مبينه جديده
ملاك:اي جديده اجيت
الشيخ:امم
ملاك:عفته ورحت اشرب جاي راسي يوجعني جابتلي اماني جاي وكعدنه نشرب
اماني:شعجب اجيتي للعراق اني منج ما اجي
ملاك:شغل خلاني اجي
اماني:وشنو هل شغل
ملاك:ما اكدر اكول
اماني:اها
ملاك:صحه الولد رحت فحصته شفت وضعه زين
الشيخ:شوكت نكدر نطلعه
ملاك:باجر العصر تكدرون اطلعلو خلو هسه يرتاح شوي
الشيخ:شكرا الج
ملاك:هاذه واجبي بتسمت وطلعت اخذت غراضي وطلعت خلص واجبي رجعت للفندق احس نفسي ميته تعب كولشش شغلة الدكتوراه مو عاديه ابد نمت حلمت حلم يخوف كعدت مخروعه واحس عرك بجسمي طبيت سبحت شفت الساعه با 6 الصبح لازم اليوم ادور على بنتي لازم الكاها بدلت وطلعت رحت لبيته لسه اذكر بيته نزلت شفت ولد
السلام عليكم تندل بيت النقيب شاهين
الولد:لاا انقلو قبل سنتين
ملاك:ما تندل بيتهم وين
الولد:لا والله ما اعرف
ملاك بحزن:اوووف هسه وين الكاها رجعت للسياره رحت اتريك اني ومحمد بمطعم
محمد:شتبين تاكلين
ملاك:اي شي اكل
محمد :اوك
ملاك:طلب اكل ضلينه ننتظر اجه كعدنه ناكل اكلت شوي وكمت شفت الساعه با 7 ونص رحنه للمستشفى اليوم عندي عمليات
اماني:لا ماكو اليوم
ملاك:الحمدالله رحت لمكتبي كعدت اشرب قهوه واباوع با المبايل طكيت صوره ونشرتها على الفيس طبيت على صفحة ميامين شفت ناشرها قبل سنه صوره عرس وكاتبها على صفحتها متزوجه اممم مبينه مزوجه وناشره ايد زوجها هل ايد اعرفها شايفتها بس ناسيه وين ما اهتميت طلعت رحت زرت الكاظم ودعيت ربي انو التقي ويا بنتي واجي هم اني وياها نزور رجعت للمستشفى فحصت الولد اخو الشيخ صحته زينه تكدرون اطلعو
الشيخ:ماشي شكرا مره ثانيه
ملاك:العفو عنده العافيه طلعت افتر على المرضه اشوف حالتهم
ماريا:دكتوره اجتي طفله مريضه ابسرعه تعالي حالتها مو زينه
ملاك:اوك اجيت ما ادري ليش وجعني قلبي رحت لغرفة البنيه ويا ريتني ما طبيت شفت لي ما اتوقعت اشوفه
شاهين اي شاهين شفته هوا وطفلتي جوانا دمعت عيني من شفتها تشبهني يي بنتي رحت اركض حضنتها واني ابجي يمه بنتي حبيبتي يا روحي اني ماما ماما جوانا عمري

جوانا:منو انتي
شاهين بصدمه: .....

يتبع
لا تنسون التصويت

ادعولي انجح ما بقه شي لو باجر لو عكبه الشهايد ادعو اذا نجحت استمر با النشر واذا ررر 😂رسبت ما انشر فا ادعو هههههه احبكم

ها واريد التفاعل يصعد ترا متت والله البارت الف كلمه والتصويت بس 30 او 40