بنات وشباب في الغربه

part 20

سكرت دانه م سمر وهي تحس نفسها مرتاحه شوي وطلعت للصاله تجلس مع اهلها ... لما طلعت كان ابوها يناظرها بنظره غريبه وبعدها قال باستغراب
الاب: يادانه انا ملاحظك انك مو بطبيعيه م جيتي م بلاد الغرب
دانه بفجعه ناظرت ابوها بخوف: وش؟!..
الاب بابتسامه: اشوفك رجعتي عاقله ماعدتي دانه المرجوجه
دانه بارتياح: يباه الناس تكبر وانا بريطانيا كبرتني فوق عمري عشرين سنه
تكلمت اختها ايناس: اوووووب عشرين عاد ما كنك بالغتي
دانه تضحك م قلب: وربي اشتقت لذي اللمه ..ربي يخليكم لي

/

/

عند هيام كانت الساعه 12 الليل كانت جالسه بالصاله بين ابوها وامها يشوفون التيفي واخوها هيثم كان طالع برا هي مامعها اخوات بس هي واخوها..
وشوي دق جوالها وكان المتصل خالد .. هيام م الفرحه قامت وطلعت لغرفتها وهي ماشيه نادتها امها: ع وين هيوم
هيام بربكه: جوجو متصله فيني وبروح اكلمها
امها: عييل تصبحين ع خير
هيام بابتسامه: وانتم م اهله.

فوق فغرفتها ردت عالفون بلهفه: شخبارك خلود
خالد بحب: ياهلا بالزين
هيام بخجل انت دايم تكلمني بهالوقت.. اخاف اهلي يشكون فيني
خالد: وانا اصبر انام قبل لا اسمع صوتج لا تحلمين اني اخليج وما اكلمك قبل نومي
هيام تضحك برقه: فديتك
خالد بهمس: ياحلو فديتك يومها طلعت م فمك ياقلبي
هيام هنا ذابت م همسه وماقدرت تقاوم رومنسيته: خالد باس
خالد بحب: وشهو بس
هيام بدلع: خلينا نرجع اصدقاء بلاش الرومنسيه
خالد يبتسم: عمره الحب مايصير صداقه لا تضحكين ع نفسج انا احبج وانتي تحبيني ليش مانعترف... يعني معقوله نتغزل ببعض وتصير صداقه حبيبتي انا باقرب فرصه بخطبك
هيام بصدمه: تخطبني
خالد بحب: اييه اخطبك مابي العب .. انا احب والحب لازم يكتمل بزواج
هيام ماتعرف ليش تضايقت يمكن هي تعودت ع انها تكلم شباب وتسولفهم وتلعب عليهم شوي بس ماهي حقت زواج
هيام بضيق: اجل سالفه الزواج لبعدين
خالد باستغراب: معقوله في بنت ماتحب تتزوج الشخص الي تحبه
هيام بتوتر: مو جذي بس انا بعدني صغيره ماحس اني قد مسؤوليه زواج
خالد بحمق: هيام انتي ودك تلعبين ولا شنو... يعني في بنت ترفض شاب هو بنفسه ماوده يلعب عليها ويستغلها وحابها وحاب يتزووجها
هيام تتدارك الموضوع: خالد اشفيك معصب
خالد بعصبيه: انتي تبيني ولا لا
هيام: خالد انت تعرف اني احبك وا....
خالد بصراخ ماخلاها تكمل كلامها: تبيني ولا تلعبين علي
هيام بقوه: احبك وربي احبك وابيك ياخالد
خالد يحرجها: طيب لا خطبتك بتوافقين
هيام بتردد ماودها تخسره لانه هو حبها رغم انه يعرف ماضيها وقبل فيها ويبيها تكون حبيبته وزوجته المستقبليه: اييه بوافق
خالد: عييل تصبحين ع خير
هيام بسرعه: شفيك زعلت
خالد بابتسامه: لا بس ابي انام
هيام بدلع: تبي تنام ولا زعلان
خالد ابتسم: كنت ابي اسمع موافقتك وانتي وافقتي والحين ابي انام اوكي
هيام بقلق: طيب تصبح ع خير
خالد بحب: وانتي م اهل الخير حبيبتي
هيام ارتاحت وعرفت انه مو زعلان دام قال حبيبتي وراحت هي تحط راسها عالمخده تفكر بفارس الاحلام وبالها صار لبعيد وصارت تحاكي نفسها انها مجنونه لو اغلطت ورفضته وهو رجال وعن الف رجال وماراح تحصل غيره يحبها ويبيها كزوجه له...