جوري : قولتله بس الواضح إن كل إللي هنا أذكية زيادة عن اللزوم
صقر بضحك : مش عارف ليه حاسس إن الكلام عليا
جوري بابتسامة : مش بقولك أذكية .. يلا يا كريم السواق جيه يلا Go out
كريم : إنتي بتطرديني وكأنه مكتبك
جوري بنبرة تحذير : كررريم
كريم بضيق : حاضر حاضر..وِلَية زنانه
جوري وهي تفتح أعينها على أخرها بصدمة : بتقول إيه!!؟
كريم بضحك وخوف : بقول إنك حبيبتي
جوري : أه أفتكر
كريم بشجاعة لا يعرف مصدرها : لا بعد إذنك متفتكريش علشان إنتي بتظلميني ويلا سلام قبل ما أنضرب
جوري وهي تحضن كريم : هتوحشني هو إمته فرحك صحيح؟
كريم : بعد شهر .... صحيح هتقعدي هنا قد إيه
جوري : سنة
كريم : نعمممم !! يعني إيه دا ؟!
جوري : متخافش هاجي يوم الفرح
كريم : لا والنبي لا متجيش كمان، هضربك يا بت ( ضحكت جوري عليه فأكمل) جوري إنسي الزفت ده وارجعي معايا
جوري : ومين قالك إني عايزة أنساه لا أنا عايزه أفتكره علشان أتعلم من غلطي ومكرروش..وبعدين أنا قاعدة هنا بغير جو وبرتاح عادي
كريم : ماشي يا قلبي خدي وقتك ..أه وبالمناسبة آدم وصقر إنتوا معزومين على فرحي هبقى أبعت الدعوات مع جوري..يلا سلام
ذهب كريم وبعد قليل ذهب وائل وبعده بدقائق دخل العسكري ومعه أحد المجرمين مكلبش
العسكري : قرر يعترف أخيرًا يا باشا
آدم : سيبه وإطلع وفي نفس الوقت سحب المجرم مسدس العسكري ووضعه علىٰ رأس جوري
المجرم : قومي أقفي يلاااا
وقفت جوري وأمسكها من يدها ولفها لتعطيه ظهرها
آدم بقلق : سيبها أحسنلك
المجرم بضحكة سخرية : أوبااا دي طلعت غالية أخيرًا لقيتلك نقطة ضعف .... شكلك تذكرة خروجي من السجن يا قطة
آدم : قولتلك سيبها لو لمستها هقتلك
شاورت جوري بيدها من أسفل له أن يستمر في الكلام
آدم : مشكلتك معايا سيبها ونحلها مع بعض بهدوء
المجرم : ليه فاكرني أهبل "ولم يكمل لأن جوري ضربته في يده وأخذت المسدس بسرعة وضربته بركبتها في قدمه وضربته في وجهه بكل قوتها فأمسكه العسكري بسرعة"
المجرم بصدمة وألم : إزاي أأأأه يخربيتك حد يضرب حد هنا
جوري ببرود : أه أنا بضرب هنا وبس علشان أجيب أجل الواحد وأريح دماغي .... أمسك يا آدم "وألقت له المسدس فأمسكه آدم"
صقر وهو يصفق ويصفر : أقسم بالله أنا كل دقيقة بعديها معاكي بأعجب بيكي أكتر
آدم بغضب : نعم يا أخويا.... يلا يا جوري أوصلك لحسن أنا جبت أخري
جوري بضحك : يلا
وأثناء خروجهم ضربت جوري المجرم كف مبهر جعل آدم يبتسم
جوري : طلعت تذكره حبسك في السجن بتهمة زيادة ( وضحكت بسخرية )
" في سيارة آدم "
آدم : أنتِ أغرب بنت شوفتها في حياتي
جوري : ليه يعني
آدم : لما أنتِ بالقوة دي وذكية كمان ليه امبارح كنتي بتهربي وخايفة وأول ما شفتيني قلبتي وبدأت ألاحظ الجانب القوي منك
جوري : أنا بستمد قوتي من الناس إللي حواليا ....لما بيكون في ناس حواليا بفكر بسهولة
آدم : أنتِ قوية مش ضعيفة المشكلة إنك مستقله بنفسك
جوري : جايز
بعد أن وصلوا نزلت جوري من السيارة
آدم : ثانية بس ممكن أخد رقمك
جوري : اكتب ( ....... 01 )
آدم : تمام كدا
جوري : ثانية رن عليا أسجل رقمك أصلي عايزة أعزمك علىٰ الغداء بكرا كشكر يعني على مساعدتك
آدم : مفيش داعي للشكر بس هاجي بردو
إتفقوا على أن يتناولو الغداء معًا
"في اليوم التالي"
إرتدت جوري فستان بينك كت يصل للركبه وفردت شعرها .........
_في المطعم يجلس آدم مرتدي النظارة الشمسية وبمجرد دخول جوري المطعم تتحول كل الأنظار إليها ويخلع آدم النظارة وينظر لها بإعجاب
جوري بابتسامة : آسفة لو إتأخرت
آدم : لا عادي أنا إللي جاي بدري وبعدين ينفع كدا
جوري : إيه
آدم : أنتِ لازم تتنقبي
جوري وهي ترفع حاجب : أفندم
آدم بمزاح : إيه هتقلبي ليه بس... أصلي من أول ما دخلتي وكلوا مركز معاكي ومحدش شال عينه من عليكي بصي كدا
نظرت جوري حولها فوجدت الجميع ينظر لها فوقفت وقالت جوري بصوت عالي نسبيًا : هو ده مطعم ولا سينما م كل واحد يبص قدامه الله
وجلست بهدوء وابتسامة : المينيو لو سمحت
آدم بضحك : أنا هاخد قهوة سادة
جوري : وأنا عايزة عصيري المفضل
النادل : تمام يا فندم
وذهب النادل
آدم باستغراب : إيه عصيرك المفضل دا
جوري : همن عارفين عصيري المفضل ومكتوب باسمي أصلًا بص كدا في المنيو
آدم وهو ينظر في القائمة : إيه ده ....دا بجد
جوري بثقة : مش قولتلك
بعد أن شربوا العصير وتناولوا الطعام جائت جوري لتذهب هي وآدم ولكن النادل إصطدم بها وسكب عليها الماء
جوري بزعيق وغضب : أنتَ غبي
كان المدير يمر علىٰ العمال ورائهم
المدير : أنتَ غبي أنتَ متعرفش مين دي أنتَ مطرود
جوري بعد أن هدأت واستوعبت ما يحدث : لا لا مش مشكلة سيبه غلطه وبتحصل في أحسن المطاعم
جوري للنادل : أنا آسفة مكنش قصدي أغلط فيك
النادل : أنا إللي آسف يا فندم
المدير : إتفضل شوف شغلك
ذهب النادل
المدير : أنا آسف بجد يا جوري هانم أنا هخصم اليوم منه علشان يتعلم
جوري : لا طبعًا دي شوية ميه مش مشكلة ما تعملهوش حاجة فاهم ولا أعيد كلامي
المدير : طيب حاضر مش هعمله حاجة المهم إحنا آسفين بجد
جوري : قولت خلاص...يلا عن إذنك
المدير : إتفضلي
خرجوا من المطعم وذهبوا ليجلسوا في أحد الحدائق وكانت جوري تمسك جيتارها معها... بعد قليل جلسوا على أحد المقاعد
آدم : أنتِ بتعزفي؟!
جوري بتوتر : ها لا أقصد أه
آدم : مالك خايفة كدا ليه
جوري : أنا ليا أكتر من 10 سنين مش غنيت وخايفة أغني يطلع صوتي وحش
آدم : وإيه المشكلة غني وأنا هسمعك
*بقلمي: فاريهان الأمل (مروة كمال محمد)*
STAI LEGGENDO
فتاة تتحدى الجميع
Teen Fictionجوري الأمير فتاة تتحدى كل من يقف في طريقها ودائمًا تفوز؛ ولكن عندما يظهر آسر في حياتها تنقلب اللعبة وتقع في حبه، من سيربح في لعبة العشاق جوري أم آسر ؟!
