آدم بضيق : أوف منك أنا هاجي معاكي مش علشان خايف من تهديدك الأهبل دا بس علشان أنا مش بحب أشوف حد محتاج مساعدة وأسيبه
جوري بابتسامة : ماشي يلا قوم يا مفك وقوم رجالتك وتمشي معانا بأدب
آدم بضحك : مين مفك ده هههههه
مصطفى بضيق : أنا..يلا قوم منك ليه
ذهبوا إلى فيلا جوري وربطوهم ووضعوهم في غرفة وأغلقت جوري عليهم بالمفتاح
جوري : ها إيه بتبصلي كدا ليه
آدم ببرود : أنا شايف عربية بره منركبها وناخدهم القسم
جوري بتوتر وخوف من ردة فعله : إي.. أم.. أصل... أنا..
آدم : إنجزي
جوري بسرعة : العربية مفيهاش بنزين
آدم بضحك : بتهزري صح إنتي بجد هههه طب سؤال معلش إنتي واحدة زيك بتعمل إيه في فيلا وحدها ومعاها عربية بس مفيهاش بنزين وفي منطقة زي دي
جوري : بص أنا جوري وجيت هنا علشان أرتاح شوية والبواب أخد أجازة النهارده وأنا جاية من طريق سفر فطبيعي إن العربية ميكونش فيها بنزين
آدم بنفاذ صبر : طيب شوفي الشاحن علشان أمشي
ذهبت جوري لتبحث عن الشاحن وحاول مساعدتها آدم ولكنهم لم يجدوه
جوري : أووف طيب وبعدين
آدم : متنفخيش في وشي وبعدين وأنا إيش عرفني
جوري : طيب شكلنا هنضطر ننام وندور بكره في الصبح
آدم : إنتي بتهزري إنتي عايزاني أنام هنا
جوري بسخرية : أه سوري هو المكان مش قد المقام صح
آدم : مش قصدي بس أنا مش هبات مع بنت في بيت كبير ووحدنا
جوري : والعفاريت إللي جوا دول إيه خيال وبعدين متخفش مش هغريك ( وضحكت بسخرية )
آدم في نفسه : إنتي بشكلك ده بتغريني أمال لو عايزة تغريني بجد كنتي هتعملي إيه فيا
آدم : طيب وريني الأوضة إللي هنام فيها
جوري : طيب تعالا ورايا
صعدوا إلى الأعلى ودخلوا إحدى الغرف
جوري بابتسامة مصتنعة : نام هنا أوضتي إللي جنبك بالظبط لو عوزت حاجة.....
آدم مقاطعًا : أقولك، حاضر تصبحي على خير
جوري : أكمل كلامي لو عوزت حاجة ياريت متزعجش نفسك وتقولي البيت قدامك وعيش حياتك بعيد عني
وذهبت وتركته في صدمته من كلامها وعادت بعد بضعة دقائق
جوري وهي تمد يدها بملابس : إتفضل
آدم بإستغراب : إيه ده
جوري : هدوم إيه هتنام بهدومك دي
آدم بضحك : هدوم بناتي يعني
جوري : لا ما تقلقش دي ولادي حطيتها بالغلط في الشنطه وأنا وبفضي الشنطه شفتها
آدم بصدمة : إنتي متجوزة!!؟
جوري : لا طبعًا
آدم : طيب إزاي معاكي في دولابك هدوم ولادي إلا لو متجوزة
جوري : ملكش فيه بس هقولك علشان دماغك متروحش شمال دي هدوم أخويا وهو ليه هدوم كتيرة في دولابي وأنا كمان ليا هدوم عنده علشان أحيانًا أنا بنام عنده وهو كمان فهمت يلا تصبح على خير
ذهبت جوري وابتسم آدم من كلامها أنها غير متزوجة ولا يعرف السبب، نام الجميع واستيقظت جوري بعد بضعة ساعات ونزلت لتشرب ماء كانت ترتدي بيجامه بينك بكم ومرسوم عليها رسومات كرتونية وكانت ترتدي غطاء العين ولكنها رافعه إياه على شعرها لترى..
دخلت جوري المطبخ وكانت ستُضيء النور ولكنها وجدت أحد يقف أمام الثلاجة ويشرب ماء.. رأت جوري زجاجة فارغة على الطاولة فأمسكتها وضربت بها الرجل على رأسه.. إلتفت ونظر لها ثم سقط على الأرض فاقدًا الوعي
جوري بصراخ : مين دا أنا حاسة إني أعرفه .... أحييييه افتكرت دا آدم طب هعمل إيه هو مات (بدأت تهزه بقوة)
جوري : اصحى آدم آآآآدم
أمسكت جوري بزجاجة ماء من الثلاجة وسكبتها كاملة عليه فإنتفض آدم وقام
آدم : يا بنت المجنونة كنتي هتقتليني وبعدين حد يصحي حد كدا
جوري بضيق : يعني إنت كنت صاحي وبتستهبل
آدم بضحك : أيوة طبعًا كنت عايز أشوف رد فعلك لما تلاقيني واقع على الأرض أنا ظابط يعني أكيد مش هيغمى عليا من خبطة قزازه صغيرة وبعدين ضربتيني ليه أصلًا
جوري : هههههه تصدق تستاهل وأنا نسيت إن في حد قاعد معايا في البيت أصلًا
آدم بغيظ : طيب ملقتيش الشاحن
جوري : لا إحنا مش قولنا الصبح هندور عليه
آدم : طيب تمام أنا طالع أكمل نوم
في الصباح نزلت جوري وظلت تبحث عن الشاحن ولكنها لم تجده فأخذت اللاب وورق للتصميم وأقلام وجلست في الصالة لتعمل .. استيقظ آدم ووجدها جامعة شعرها بقلم وقلم خلف أذنها وآخر في فمها غير الذي في يدها وترسم به
آدم : إحم إحم
جوري بعد أن أخرجت القلم من فمها : نعم
آدم : نعم الله عليكي مش المفروض ندور على الشاحن
جوري : أه منا دورت ومش لقيته قلت أشتغل لحد ما تنزل ونشوف حل
آدم وهو يجلس على الكنبه : حد يشتغل كدا ضهرك هيوجعك من القعدة دي
جوري : أنا قولت لو اشتغلت في أوضة المكتب مش هعرف لما إنت تصحى وفي نفس الوقت تغير
آدم : أمم طيب إنتي مش المفروض جاية تستريحي ليه بتشتغلي
جوري : أنا جاية أستريح من الرجالة مش من الشغل
آدم بضحك : ومالهم الرجاله
جوري : اللهم طولك يا روح يابني أنا مش طايقه نفسي ولا حتى هدومي فإتجنبني طول مانت قاعد هنا، وبعدين عندي سؤال معلش واقف في زوري من إمبارح
آدم : إسمي إيه أنا آدم عبد الله
جوري : لا غيره
آدم : طيب قولي
جوري : هو إنت بجد تعرف حلمي صاحب شركة الأحلام ومتعرفش أنا مين
آدم بخبث : هو إنتي حد مشهور للدرجة يعني
جوري بنفاذ صبر : لا خالص، أنا هروح أدور على الشاحن في العربية
آدم بابتسامة خبث: طيب إهدي أنا جاي معاكي
*بقلمي: أميرة الظلام(مروه كمال محمد)*
YOU ARE READING
فتاة تتحدى الجميع
Teen Fictionجوري الأمير فتاة تتحدى كل من يقف في طريقها ودائمًا تفوز؛ ولكن عندما يظهر آسر في حياتها تنقلب اللعبة وتقع في حبه، من سيربح في لعبة العشاق جوري أم آسر ؟!
