في منزل آسر
آسر : السلام عليكم يا أهل الدار
خرجت بسمة من المطبخ
آسر : أمال فين الحج
بسمة : في المكتب
آسر : طب أنا رايحله ابعتيلي حد بفنجان قهوة على المكتب
بسمة : من عينيا هعملهالك بإيديا يا حبيبي
آسر : تسلملي إيديكي يا ست الكل
" في غرفة المكتب "
آسر : إزيك يا حج
منصور بسخرية : أنا تمام يا باشا إنت كنت فين يا أستاذ
آسر بتوتر : إيه أه كنت مع كريم وأنور
منصور : أممم طيب على العموم متتأخرش بكرا علشان عمامك جايين بكرا عندنا معزومين على الغداء وهيقضوا اليوم معانا
آسر : إيه طيب أمي قالتلي أعزم جوري عندنا بكرا
منصور : إنت كلمتها
آسر : أه لسه قافل معاها من شوية
منصور : خلاص مش مشكلة وهي جوري غريبة
آسر بفضول : قولي يا حج هو حتى عمي سامح جاي
منصور : أيوة وهيقعدوا عندنا .. ليه في حاجة
آسر بصدمة : إيه لا أنا مش بطيق البت رحاب دي طول الوقت لازقة في ديلي ميقعدوا عند عمي جمال
منصور بضيق : مينفعش إنت ناسي إن هو هيقعدوا عندوا عيلة مراته علشان فرح إبنه وبعدين مالها رحاب ياخويا أنا مش عارف مش عجباك ليه بنت جميلة ورقيقة ده سامح أكتر من مرة يلمحلي على الموضوع ده
آسر : بابا أنا إللي هتجوز مش إنت أو هو وأنا رحاب دي مش بتنزلي من زور أصلًا
منصور : هتندم لما تروح لغيرك
آسر : أنا عايز أندم.. بقولك إيه أنا طالع أنام
وفي نفس الوقت دخلت بسمة بالقهوة
بسمة : أحلى قهوة لأحلى إبن
آسر بابتسامة : تسلميلي يا ست الكل أنا هشربها في أوضتي
بعد ذهاب آسر
بسمة : ما تسيب الواد براحته هو إنت إللي هتتجوز ولا هو وبعدين رحاب دي متنكة أوي يعني الواد معاه حق
منصور : وهو علشان هي بتلبس حلو وبتتكلم حلو يبقى متنكة والنبي روحي إنتب وإبنك أنا مش ناقص
في اليوم التالي قامت جوري بتهكير الكاميرات ليارا وذهبت لمنزل آسر وإنصدمت بالأشخاص الذين هناك
جوري : آسر هو مين دول
آسر : تعالي أعرفك عليهم
آسر للجميع : دي جوري يا جماعة حب...
وضربته في بطنه لكي لا يكمل
آسر بوجع : أقصد صديقتي وعدوتي ودول بقى يا جوري عمي سامح ومراته داليا وعمي جمال ومراته نوران ودي رحاب واختها ريهام وده عريسنا مراد ولينا خطيبته وسندس اخته
جوري بابتسامة : إتشرفت بحضراتكم
الجميع عدا رحاب : إحنا أكتر
لينا بضحك : ممكن أفهم إزاي صديقته وعدوته في نفس الوقت
جوري بضحك : أصلي أنا مهندسة زيه وعندي شركتي الخاصة وقبلها كنت بدير شركة العيلة فوقتها أنا وهو كان في تحدي بينا وهو كان هيموت وياخد صفقة واحدة بس مني ومقدرش
آسر : بس الصراحة كنت فاكر إني أحسن مهندس طلعت ولا حاجة بالنسبة لجوري
جمال : قوليلي يا بنتي هو إيه إسم شركتك
جوري : JA للهندسة والتصميم
مراد بصدمة : إيه يعني إنتي جوري الأمير
جوري بابتسامة حزينة : للأسف
جمال : للأسف ليه أنا سمعت إنك من أنجح سيدات الأعمال في مصر
آسر مغيرًا الموضوع : المهم إيه مش هناكل لحسن أنا هموت وأكل
جوري بضحك وهمس في اذنه : وأنا كمان إنتوا ليه بتحبوا تجوعوا الواحد
آسر بضحك : معلش
منصور : طيب يلا بقى على السفرة يا جماعة
جلست جوري بجوار آسر ورحاب أمامه تنظر له نظرات إعجاب واضح وجوري تغلي بداخلها
جوري بهمس لآسر : آسر هي البت رحاب دي مش شايلة عينيها من عليك ليه
آسر : أصلها بتحبني من لما كنا أطفال
جوري بصوت عالي نسبيًا : نعمممم
نظر لها الجميع
جوري بصوت منخفض : طيب إتنيل كل لحسن أقوم وأمسكها من شعرها وأحط وشها في الطبق إللي قدامها
آسر بضحك : حاضر يا قلبي سيبك منها
وبعد دقائق نظر آسر أسفل السفرة ونظر بعدها لرحاب ثم جوري
جوري : إيه مالك
آسر بتوتر : ها مليش
نظرت جوري أسفل السفرة وجدت رحاب تحسس بقدمها على قدم آسر
جوري تكاد تجن وتضغط على الشوكة في يدها بقوة وفجاءة وضعت الشوكة في قدم آسر بقوة وآسر صرخ ونظر لها بألم والجميع نظر له
منصور : مالك؟!!
آسر وهو يكتم آلمه : م م مليش
جوري بهمس : إبعد رجلك لورا علشان مش أقتلك إنت وهي وخلي يومكم يعدي على خير
آسر بخوف : ح حاضر
وبعد تناول الطعام ذهبت جوري وآسر ليتمشوا في الحديقة وجاءت خلفهم رحاب وقامت بإحتضان آسر من الخلف
رحاب : إنته واحشني جدًا على فكرة
أبعدها آسر برفق ونظر لجوري التي تكاد تنفجر من الغيظ
آسر : إيه إللي طلعك يا رحاب
رحاب : إنته وحشتني موت وفي الأخر تسيبنا وتمشي مع دي
جوري وهي ترفع أحد حاجبيها : أفندم قصدك إيه بدي بقى
آسر : أولًا يا رحاب جوري مش مجرد صديقة لا دي أعز صحابي كمان وحبيبتي بس هي رافضة أتقدملها دلوقتي علشان شوية مشاكل عائلية
رحاب بصدمة : إيه إزاي طيب وأنا
آسر : وإنتي إيه معلش!؟
رحاب : وأنا حبيبتك هتسيبني كدا وعلشان مين علشان دي ( قالتها وهي تنظر لها بقرف )
جوري وهي تنظر للسماء بنفاذ صبر : اللهم طولك يا روح على هذا اللوح
ضحك آسر وعندما نظرت له جوري خرس
آسر لرحاب : أولًا أنا عمري ما قولتلك إني بحبك يا رحاب ولا عمري وعدتك بحاجة
رحاب بضيق موجهة كلامها لجوري : على فكرة إنتي بيئة أوي
جوري : آسر كتفني
آسر باستغراب : نعم!!!
جوري بغضب : كتفني قبل ما أقتلها
رحاب : مش بقول بيئة ...إنتي so local على فكرة
جوري بابتسامة : غيرت رأي إوعى تلمسني أنا قررت أقتلها
ولسه هتمسكها قام آسر بإحتضانها من الخلف
آسر : جوري متستاهلش إنتي أحلى وأحسن منها متنزليش لمستواها
جوري : آسر أنا ماشية
رحاب : يبقى أحسن
جوري : ........
*بقلمي: أميرة الظلام(مروه كمال محمد)*
YOU ARE READING
فتاة تتحدى الجميع
Teen Fictionجوري الأمير فتاة تتحدى كل من يقف في طريقها ودائمًا تفوز؛ ولكن عندما يظهر آسر في حياتها تنقلب اللعبة وتقع في حبه، من سيربح في لعبة العشاق جوري أم آسر ؟!
