حب❤بعد◀️الزواج💍 الجزء 1 (كاملة)

❕الحلقة 94❕

ادهم : و نتا من الصباح معايا مهدرت والو
ايهم : كنت مخلي حتى نخرجو من الشركة و نهدرو
قحرلو ادهم
ايهم : هيا اومبعد انشاء الله
خرج و غلق الباب ناض ادهم من كرسيه و جا قعد قدام لينا فالفوتاي عنقها في جهة و باسها في خدها : مرتي الpوليسية....كيفاش فقتي بللي صرا هكا ؟
لينا خزرتلو ببرائة : بيراطيت système de sécurité تاعكم باش نشوف les caméras تاع برا .
ادهم : حتا تpيراطي....ياخي تقوليلي نديرلك الmot de passe و تشوفيهم كي ماتحبي
لينا : معليش نحب نجيبو انا باش ماتروحليش الخدمة
ادهم : هيا نروحو؟
لينا : اسنا قبل نتفاهمو
ادهم : علاواش يا لالة
لينا : شكون هاذيك اللي برا و دارتلو بشافيفها كيما بيلين بسك بيلين شفايفها منفخين
ضحك ادهم على وجهها كيفاش ولى كي نفخت شفايفها تعاند في بيلين
ادهم : la secraitaire ؟
لينا : اييه علاه ماشي جايب راجل يخدم معاك
كان يخدم معايا راجل اللي كان معا بابا الله يرحمو بصح دا لاغوتخات و كي درنا طلب جاونا غير نشسا و داتها هاذي
لينا😊 : حاوزها ماعجبتنيش
ادهم : فاش تعجبك و ماتعجبكش عندها خدمة تخدمها و تروح لدارها
لينا : معليش حاوزها انا نجيبلك secraitaire
ادهم : تتحاوز بلا سبة
لينا : قولي من الاخير مانيش حاب نحاوزها و خاص علاه تعيي في روحك
ادهم : بصح مانقدرش نحاوز هكاك برك راهي خدمة ماشي لعب
لينا : انا اللي قتلك لعب...ماعليش خليها معاك انا نروح غلطت اللي جيت هنا اصلا
بعداتو ناضت و رفدت صاكها خارجة
ناض موراها ادهم يمسح علا شعرو من قدام وصل للباب حصرها قبل ماتخرج يد من👉 و يد من 👈و هي فالوسط (الحركة المشهورة للرومانسية في الافلام🙂)
ادهم : زعفتي؟
لينا: nn مازعفتش خليني نروح جيت نضيع وقتي هنا نروح نكمل خدمتي علا روحي
ادهم : خلاص الالا بلا تشناف اسمحيلي و دوك نحاوزها برك ماتزعفيش
لينا : ياخي ماتحبش تحاوز الناس بلا سبة (هدرتها بتمعقير)
ادهم : nn دوكا كاين سبة
لينا : اللي هيا
ادهم : مرتي غارت و باسلها نيفها
لينا : ماغرتش😐
ادهم : ماعليش انا اللي غرت و ماحبيتش نستعرف هيا نخرجو امشي
لينا : دوك تقوللها تطبg
ادهم  : كيما تحبي الالة ارضاي برك
دنا و فتح الباب شدها من يدها و خرجو وصلو للbureau تاع بيلين دخلو ناضت بيلين تتعوج : oui monsieur adham
ادهم : Vos tâches ici sont terminées. Récupérez vos objets. Vous travaillerez désormais dans la nouvelle branche.
(مهامك هنا انتهى اجمعي اغراضك سوف تعملين من الان و صاعدا في الفرع الجديد.)
بدات بيلين تدمع  : Pourquoi ai-je mal fait avec toi
(لماذاهل قمتُ بتصرف سيء مع حضرتكم)
ادهم : pas avec moi avec ma chérie
مشا بلا حتى كلمة مجرجر لينا وراه اللي دارت لبيلين و غمزتلها😉
هبطو فl'ascenseur كيف كيف لينا غير تتبسم بانجازها العظيم خرجو من الشركة راحو فالطونو تاع لينا و ادهم بعت تاعو للدار معا الchauffeur قاتلو لينا نجوزو للmall نقضو شوية
دخلو و بدات هي تتفكر واش خص و ترفد قاتلو فاميلتك مازالهم قاعدين؟؟
ادهم : nn غير غدوا ( بعد غدوا ) يروحو
دارتلو براسها ايه كمل هو طبع الشاريو شافها رايحة جيهة الcosmitique كمل معاها شرات لكل وحدة pack (طاقم) ريحة و شامبو و jel douche...كل وحدة نوع