نقصلها شوية السطر قدرت ترقد كي شافها ادهم رقدت رقد هو تان
🌄🌅🌄🌅 اصبحنا و اصبح الملك لله 🌄🌅🌄🌅
ناضت صباح لينا لقات ادهم كيما كان البارح راسو في رقبتها معنقها و مزير عليها تبسمت لا شعوريا من حالتو شعرو داخل بعضو مكمش عينيه مقلق من الضوء تفكرت لبارح كيفاش كان خايف عليها عجبها اهتمامو ( و حنا شكون يهتم بينا لبنااات🥺😟) طلعت يدها تلعب بشعرو و بدات تمس وجهو خاصة عينيه رموشو الطوال و المعمرين هبلووها هبطت بيديها حتا للطبليطة chocolat تاعو اللي في كرشو تلعب بيها شافاتو حينوض بعدت يديها عليه.
فتح عينيه قابلاتو لينا تخزر فيه : اوو احلى صباح .
و باسها : حابة تجلطيني نتي مقابلتني بعينيك تخزري فيا...... و زاد باس عينيها و في زوج : ريحتي شوية
لينا : ايه راحلي الوجع
ادهم : مليح بسك لوكان بقالك كنت راح نديك لطبيب ليوم.....اييه ليوم يوصل الجيش علابالك انا شكيت ندوهم يحررو فلسطين يدو حسنات و كلش خرمن يجو عدنا هنا
ضحكت لينا من هدرتو : ياخي la famille تاعك نورمال خليهم يجو.
ادهم : دوك تشوفي كل يوم مشكل بين بنات عمومي و يداربو علا les jeunes شكون تدي شكون و لا ولادهم و ادم يقصف فيهم
تفكرت لينا هدوك البنات وواش كانو يقولولها نهار العقد باش يقلقوها.
شافها ادهم سكتت تخمم نزل باسها من شفايفها بوسة خفيفة و هدر
ادهم : نقولك حاجة برك ماتخليهمش يعمرولك راسك بحكاياتهم الفارغين و ايدا كاش وحدة قلقاتك ولا كشما دارت اعطيهملها ديراكت باش تعرف معامن راهي تدور.
لينا: نفس الهدرة اللي قالتهالي خالتي معا ريهام.
ادهم : ايه بسك يعرفو خرايبهم😉
لينا : ايه ايدا لعبو معايا يتحملو النتائج🙄اومبعد....خليني من سيرتهم معا صباح هيا نوض تغسل نروح نوجد القهوة دوك تعود توصل en retard ليوم
راح هوا يغسل و هيا راحت طيبت لحليب راحت تصفيه شافت الفرارة دارو خواطرها راحت للدوش تجري ردت كامل واش كلات حشاكم لحقها ادهم كي سمع الصوت شدلها شعرها و قعد يمسح علا دهرها كي كملت غسللها وجها و نشفهوهلها : راكي مليحة؟
دارتلو لينا براسها ايه و الدوخة تلعب عليها : ال..الفرا..رة تاع الحليب م..من لي كنت صغيرة مانحبش نشم ريحتها
ادهم : معليش هيا.....مشا مخرجها من الدوش بلعقل حطها فالكرسي و ففرغ الحليب جا باش يحطلها قاتلو : لالا خلاص مانقدرش نشرب حليب دوك نعمر jus نشرب
راح للفريشادار جابلها jus d'orange عطالها تشرب و حتا هوا شرب معاها نحا لحليب كامل من الطابلة كي شافها هكاك(🥺يا عمريي اسمعو ماتتقلقوش مني راني نعلق بزاف هاد ليامات راني متأثرة بليكرونيك🙃)
تحسنت حالة لينا شوية ادهم هوا غسل لماعن تاع القهوة قبل مايروح (علا جال الحليب بعدو عليها كاامل😌)
و راح للخدمة هبطت بعتت لريهام قاتلها انا دوك ندير حاجة تاع gazeuse ماتخموش فيها.
فرزت دارها و بدات توجد فالخليط رح تدير biscuit roulé بذوق تاع fraise و citron دارت 6 خبزات(ماعرفتش كيفاش يوقولولها) باش يخرجولها بزااف طيباتو و شرباتو دارتلو la crème chantié و حطاتو يبرد باش اومبعد تديرلو لاjولي من فوق غسلت هاذوك لماعن اللي طيبت فيهم دارت ليها بطاطا بالبيض فطرت عاودت كملت الbiscuit قطعاتو حطاتو يبرد الطيارة تاعهم تهبط على 13:30 راحت دوشت و لبست دارت شوية makeup سgمت خيمارهاهبطت الbiscuit معاها و هبطت لتحت تقعد معاهم قيسما يوصلو
YOU ARE READING
حب❤بعد◀️الزواج💍 الجزء 1 (كاملة)
Short Storyحب❤بعد⬅️الزواج💍 باللهجة الجزائرية🇩🇿 فيها 96حلقة تبعوها و اعطوني رايكم في كلش حاجة ماعجبتكمش قولو هكا باش نخرجو كرونيك شابة و يقدرو يقراوها بنات بلادنا و اللي يفهمو لهجتنا😊 🚫ممنوع النقل بدون اذني🚫