حب❤بعد◀️الزواج💍 الجزء 1 (كاملة)

❕الحلقة 16❕

و سوطاو علليها يعنقو كل وحدة من جيهة لينا طاحو دموعها  عندها بزاف ماشافتهاش و واش صرالها موقبيل مع ادهم مانعرف مافهمتش واش بيها قلبها وجعها عليه و صحح ماكانش لازم تعيط عليه هي طفلة و هوا طفل و عيط عليها لمصلحتها
المهم نكملو تعرفو شكون جاات......... جاات
ختهم الصغيرة ميراروحو لتعريف الابطال تعرفو عليها و عاودو ولو تشوفو انا مانقعدش نعاود 😒😒😏.
كانت فكندا تقرا ياخي قتلكم طب كي هدرو معاها على العرس قالت منقدرش نهبط عندي les composition (الاختبارت)راهم قراب قالولها معليش قرايتك اولى و.....
عودة الى الحاضر⬅️⬅️⬅️⬅️⬅️⬅️⬅️⬅️⬅️⬅️⬅️
ليليا :يااااالكلبة علاش ماقلتيش باللي راكي جاية😘😘😛.
لينا: بركاي خلي الطفلة تعرفي غير تعايري و تسبي دارت لعند ميرا واش راهي الطبيبة تاعي ااا راكي مليحة.
ميرا : cv hmd تووحشتكم  بزاااف و الله🥰🥰😊😚.
لينا :مام حنا ختيتي مام حنا (تهدر و تمسح في الدمعات اللي طاحولها🥺😭😢){ربي يحفظ كل اخوة و اخوات لبعضهم بعض قولو آآآآمييين}
ليليا : جيتي دوكا ماما و الجماعة علابالهم.
ميرا :لالا واحد معلابالو من المطار جيت لهنا فالطاكسي... قاطعتها يماها كي عيطت منهيه : يااا عمري على بنتي حبيبتي راهي هناااا.....ناضت ميرا رايحة جيهتها و تهدر : و يااا عمري على ماماتي حبوبتي كيفاش رااهي اااا تعرسي بلا بيا🙁.
المهم يا بنات انا المواقف المؤثرة مازال ماتعلمتش نكتبهم مليح تسما اتخيلو نتوما و زادت سلمت على الغاشي تاع لافامي كومبلي و طلعت توجد  روحها طلعت معاها لينا و ليليا قعدت تتعشا لتحت.
غسلت و بدلت ميرا لبستها  و لينا دارتلها شوية ماكياج باسكو ماتحبوش هيا تقولك la peauكااامل تتهرد و تروح فيها علاجالووو.
هبطو لتحت كلاو شويا و راحو قعدو بنات وحدوخرين راحو يخدمو الشغل (داايرين كيشغل بالدالة )
وصل وقت السهرة الرجال كامل برا قاعدين فالكراسة و الشعبي راح يبدى خرج لعريس مزين بلبستو و البرنوس فوق كتافو معا الجماعو تاع les jeunes تاوعناو قعد في بلاصتو اللي سقموها موقبيل و الحالة بدات تزها و الناس تشطح كاين الللي يعرف و كاين اللي يخلط لموهيم يزهاو و يفرحو معا جارهم و صاحبهم و خوهم فالفرح تاعو اما البنات تاوعنا تجمعو كامل فالpremière étage باش يكابتيو كلش من الbalcon. دخلو جماعتنا فالوسط يشطو ادهم دخل معاه ادم اللي كان مستيكي روحو و لابس كيما هوما معا ايهم و اسلام و امير بيااانسور لعريس في وسطهم 🕺🏻🕺🏼🕺🕺🏽 و البنات من فوق يفرجو و يعلقو دخلت مانو تحنيلو معا يماه قعد في بلاصتو بدا اللي كان يغني يقدم عما العجوزة و دارو بيه الولاد الصغار شادين الشمع عند راصو و بدات الحاجة تقدم :
محمممد محححممد صلو يا الامة عليه
سيييدناا و حبيبنا و يربح من صلى ى ى عليييييه
البنات اللي كانو فالبالكون:ايييوووووووووويوويويويوويوووووووووووووووي.
سعد الله ياا سعدو..........
البنات منعرفش واش يقولو للراجل اخرطو و خلاص🙃
المهم كانت كل ما تهدر العجوزة هوما يزغرتو كامل روبلوها و البنات كامل دمعو سورتو ياسمين كومام يكون لها خوها تحسو راهو رايح و صاح هوا راح يعيش وحدو و كي تولد ايلا يولو يعيشو معاهم الحفيد الاول كيشغول🙄.
عاود بدا لغنا و دخلو العجوزة بالسيف في وسطهم شطحت شويا و دخلت البنات قعدو لتم يشوفو فيهم و يصورو اومبد دخلو باش يزيدو يوجدو واش بقا تاع السهرة قعدت غير لينا تشوف فيهمو تكمل تصور بالكاميرا تاعها . ادهم  شطح عاهم شويا و راح قعد قدام زوج les jeunes بصح مايعرفهمش بالاك جيران شافهم يتهامسو و يضحكو و يخزرو الفوق طلع راسو وين راهم يشوفو لقاها لييييناااااا حاكمة كاميرا و تصور .
😲😲😲😲😲😲😲😲😲😲😲😲😲😲😲😲
يا ترى ماذا سيفعل بطلنا:
هل سيكون مشهد غيرة 🤬🔥😡.
او سيمثل البرود😑❄😐.
توقعاتكم يا جميلات 😘😍