ثلاثون يوما بحثًا عن السعادة

اليوم الخامس

أنت عايز ايه؟... طب أنت نفسك في ايه؟... قصر؟ عربية حديثة؟ موبايل في فئة سعرية عالية؟ شركة كبيرة؟... وايه تاني؟ اكيد القايمة لسه كبيرة.. طيب لو قولتك انك تقدر تحقق كل ده منغير مجهود؟
هو الموضوع بسيط، شركة أدوية قررت تعمل إختبارات لعلاج بعض الامراض الي الي ملهاش علاج ومحتاجين ناس يجربوا عليهم.. متخافش الأمراض الي هيحقنوها فيك مش هتأثر عليك دلوقتي.. هي ممكن تأثر عليك في أخر ايام حياتك.. الا لو المرض خرج عن السيطرة يعني...
بس فكر فيها.. مرض بسيط هتتحقن بيه وهتاخد ملايين...
للاسف ناس كتير لو اتعرض عيهم العرض ده هيوافقوا.. هيقولو دا قدر ولو مكتوبلي هيجيلي المرض ومش هاخد حاجة.. وبعدين؟.. اما بيموت وهما بيجربوا او بيعيش مريض لحد ما يموت، او بيعيش عادي بس بمجرد ما يرمض بيبقا مستعد يصرف كل الي خده واكتر في سبيل انه يعيش...
انت كمان بتعمل زيه علفكرة.. كلنا... اننا نقبل نشتغل حاجات ممكن تأثر على صحتنا في هدف اننا نجيب فلوس ونأمن مستقبل ولادنا، و انك تعمل اي حاجة في سبيل انك يبقا عندك البيوت والشركات والفلوس الي طول عمرك بتحلم بيها.. وبتفضل تجمع وتشتغل ومترتاحش وبعد ما بتوصل لحلمك القديم للاسف بتكون بنيت أحلام أبعد وبتفضل في الدوامة دي...
في الكتاب الرائع  "the art of happiness" ل Dalai lama بيقول
“Many sacrifice their health their entire lives inorder to makemoney. Then at the end of their lives they sacrifice all of their money in order to maintain their heath. Then they look back on their lives and they realize that theynever really lived.” احنا فعلا بنبيع صحتنا مقابل بعض الفلوس.. وللاسف البيعة خسرانة بكل المقايس... لأنك لو حبيت تشتري صحتك تاني بأكتر من الفلوس دي مش هتقدر.
مش بقولك كده عشان تقول كده ومتشتغلش لا طبعا بس خلي كل حاجة بالعقل.. اشتغل شغل يقدر مجهودك او على الأقل مبيجيش على صحتك سواء الجسدية او النفسية.
طيب مفهمتش الكلام الي في الاول برضو انت مش عايزنا نحلم؟.. لا طبعا لازم تحلم بس أحلم أحلام معقولة او بسيطة.. مش معنى كده انك متحلمش بحاجة كبيرة لا بس ممكن تكون حاجة كبيرة وبسيطو في نفس الوقت.. حاجة واحدة.. او حاجة مش محتاجة مجهود وموارد فوق طاقتك بتكير، لانك كل الي هتعمله هتفضل مهموم بالحلم ده وللاسف احتمال كبير مش هتعرف تحققه ومش هتحس بالحاجات الي عندك عشان لسة بتحلم بحاجة مش عندك...
"هناك طريقتان للثراء: أحدهما بتحصيل الكثير، والأخرى هي بالرغبة بالقليل"
- jackie french koller
لما تحلم بحاجات بسيطة هتقدر تعمل حاجات كتير.. دايما السر في البساطة... راحة البال في البساطة، مش خايف من أنك تخسر أسهم البورصة.. ولا خايف من أن المناقصة مترساش على شركتك ولا خايف من أن الشحنة الي جاية من الصين تغرق.. حياة بسيطة رغم إبتلائتها...
“Sadly, when aperson's possessions distract himfrom his or her purpose, he or she usuallyends up losing both.”
― Orrin Woodward
ف عشان توصل للنجاح والسعادة انت محتاج تحلم بالحاجات الي أصلا عندك.. مش الي عند غير ولا الحاجات الي عايزها...
فكر دايما ان في ناس أقل منك.. في ناس نفسها في ربع الي انت فيه.. وحاول تستغل التفكير ده ف انك تساعد المحتاجين.. خلي احلامك للناس زي ما هي ليك...
“The onlytime you lookin your neighbor's bowl is to make sure that they have enough. You don't look in yourneighbor's bowl to see if you have as much as them.”
―Louis C.K.
مهمة النهاردة بسيطة.. هتكتب في ورقة ٣ حاجات او اكتر من الحاجات الاساسية الي مش هتحلم توصلها.. على الاقل في المرحلة العمرية دي...
#٣٠يوم_بحثا_عن_السعادة