ملاگ الضابط

9

ميامين:شوفي هل تراك يخبل على بنتج
ملاك:ولج جبير كولش هاذه عمر سنه
ميامين:بس عجبني
ملاك:يعني عفتي هل ملابس الحلوه اجيتي على هل تراك
ميامين:انتي كولشي ما يعجبج
ملاك:زين هل تراك الاحمر حلو
ميامين:يي يخبل
ملاك:اشترينه ملابس النه وللطفله ورجعنه راح اطب با 9 بعدلي سبوع وخايفه كولش اول ما وصلنه طبيت غسلت وطلعت انشف بشعري
ميامين:ما سأل عليج بعد
ملاك:لاا
ميامين:شلون انتي جنتي ويا ولج هل انسان ما يتعايش ويا ابد
ملاك:حضي فكر
ميامين:الله يساعد ايناس
ملاك بضحكه:وليش الله يساعدها عيني ترا هيه مدلله مو مثلي عاد هوا يمها وزواج حقيقي والكل يعرف مو مثلي اني لسه محد يعرف من اهله وفوك كولشي عايشه وحدي ولا يسأل ولا يجي
ميامين:زين شراح اسوين وره ما اجيبين
ملاك بخبث:راح اصرف خوش تصرف
ميامين:الله اليستر
ملاك:هسه ما عليج عيفينه منه باجر اخير امتحان عدنه لازم ندرس
ميامين:يي صح والله
ملاك:سوينه عشه وكعدنه نتعشه كملنه رحنه ندرس لي 12 اله كملنه متت تعب شتهيت ليمون وعليه ملح رحت سويت وكعدت اكل كملت غسلت ونمت

ام شاهين:وين شاهين
ايناس:با الحمام ليش
ام شاهين:من يطلع كوليلي
ايناس:ماشي رحت للغرفه شفت مبايله على الميز اجه ابالي افتحه اشوف شكو بي وليش ما يخليني لازمته اخذته اول ما فتحته طلع وشافني عصب اجه سحبه بقوه مني
شاهين بعصبيه:شكووو لازمته اني كم مره كتلج لا تلزمين مبايلي هاا
ايناس بخوف:هاا اسفه
شاهين:امشي ولي من يمي
ايناس:عمتي تريدك
شاهين:بدلت ورحت لي امي الله اليستر شتريد ها يمه رايده شي
ام شاهين:يي شكو شصاير بينك وبين مرتك
شاهين:هيج مشكله عاديه
ام شاهين:باوع ولك لا اضن ما اعرف بسوالفك ادري دائما تتعارك ويا البنيه حرام عليك شو خادمتك 24 ساعه وفوكاهه حامل وانته ما راضي بس اريد افهم شكوو شبيك وياهه
شاهين:ماكو شي خلافات بين زوج وزوجته شكوو قابل
ام شاهين:موو اعرف سوالفك اني
شاهين:لا تنسين اني مستحيل احب بنيه بحياتي بعد واثق بحد صح زوجتيني بس ما راح احبها لا هيه ولا غيرها وما يهمني الطفل ابد
ام شاهين:انته مو طفل واعلم بيك اني ترا والله اروح اكول لبوك لا اشوف نفسك كبرت ترا احنه وراك وراك سمعت
شاهين:طلعت برا احس نفسي مخنوك كارهه الدنيا كولها انوب حاير با ذيج ملاك هيه البنيه وجتي ايناس انوب هيه والطفل شلون بيه ربي نسوان ثنين وجهال اثنين وحاير شسوي بيهن واصلن اني هاملهن صح اميل لي ايناس اكثر من ذيج بس مو حب ابد ما حبيت ولا وحده بيهن ملاك مجرد اعجاب وزواج متعه ايناس ازوجتها من وره امي بس اتنك ازوج ما ازوج وهسه اني بين نارين

ايناس:ضليت افكر ليش ما يقبا اشوف مبايله والله بي شي حاسس قلبي اكو شي ضام شي لازم اشوفه وفتشه ما اتحمل بعد طكت روحي منه ومن بروده اريد اعرف شضام بس لا مزوج عليه يبووو
ام شاهين:شبيج صافنه
ايناس:ماكو شي
ام شاهين:حافضي على زوجج ترا يروح من ايدج
ايناس:عمه حاسه اكو شي
ام شاهين:مثل شنو
ايناس:شاهين ضام شي علينه وما يحجي
ام شاهين:شمدريج ولج وشضام
ايناس:ما يقبل احد يتقرب المبايله ومن احد يتصل بي يطلع برا يرد او يغلق ومن اكوله منو يكولي صديقي ومرات يطلع وما يرجع غير ليل ترا طكت روحي والله على ساعه اعوفه وروح لهلي
ام شاهين:اتحملي هاذه زوجج ابو لي ابطنج بس تطلكين تندمر حياتج اني اكولج
ايناس ببجي:عمه هاي مو حاله اول ما ازوجت كلت ينعدل عادي اتحمل بس صارلنه سنه وهوا نفسه ما تغير عصبي وعلى اقل شي يصيح ويتعارك وما يقبل اشيل شي من غراضه حتى ملابسه ما يقبل اتقربلهن زين ليشش هاا ومحبوسه با البيت وما يقبل اروح لهلي كل شهر او شهرين اله اروح والله مليت مليت
ام شاهين:ليش عمج ابو شاهين جان اضرب من شاهين ولسه ما اشوفينه ازوج عليه اتحملت ولسه متحمله ما اطلكت بس على مود جهالي ما انحرم منهم ولا ينضلمون بيناتنه اني وابوهم
ايناس:هاي قبل مو هسه هسه كولشي اتغير
ام شاهين:اني كتلج وها بس تطلكين هل طفل يضل هنا اني كتلج لا اني ولا شاهين نقبل يروح وياج
ايناس بقلبها:شدعي عليكم بس الله لا يطيكم رحت لغرفتي ابجي ميته قهر والله اربعه وعشرين ساعه مقابله الحياطين وكاعده والكل يطلع بس اني ما يصير عائله مخابيل بس ايمن مو منهم ايمن انسان راقي حباب دائما يضحكني يسولف وياي بس من سافر بقيت وحدي محد يتقربلي

ملاك:كعدت على صوت المنبه غسلت وبدلت كعدت ميامين سحلتها سحل من اعطوبها بدلت اتريكنه ورحنه للكليه امتحنه ورجعنه للبيت
ميامين بفرحه:كللوووووووششش اخير كملنه الامتحانات كلوووشش
ملاك:يي والله اخير خلصنه
ميامين:اليوم نروح للدكتوره سمعتي
ملاك:الله كريم طبيت للغرفه بدلت ونمت ما كعدنه غير للمغرب حتى الموعد مال الدكتوره ما رحنه سوينه اكل وكعدنه ناكل
ميامين:اويلي بويه ضوجه
ملاك:كولششش
ميامين:كومي نروح لهلي نتعشه اليوم ماما كالت تعالن
ملاك:روحي انتي اني ما اروح
ميامين:انجبي وتعالي يله بسرعه
ملاك:اوووف منج اوك

ايناس:كاعد اسوي عشه وطب شاهين
شاهين:حضريلي ملابسي حتى اغسل
ايناس:ماشي رحت حظرت ملابسه ونزلت كملت العشه وحظرته
ام شاهين:صيحي شاهين يجي يتعشه
ايناس:رحت اصيحه لكيته با الحمام بعده اجتني الفرصه اشوف مبايله اخذته وفتحت الرمز لان اعرفه طبيت على الماسنجر ويا ريتني ما شايفه طلع شافني ونصدم
شاهين: شعنده مبايلي يمج
ايناس بدموع:اتخوني
شاهين بعصبيه:بنت الكلب منو كالج اتفتحي  لزمتها ملختها اتملخ اخير شي دفرتها
ايناس:دفرني ابطني واحس روحي راحت ما اشوف غير فضت با الدم
ام شاهين:يبوووووو ماتت البنيه

يتبع

لا تنسون التصويت

بارت هديه 😂❤️