فوت + كومنت عشان تظهر لغيرك يا عسل يا منعنع❤🌻
_مع سؤاله ده كلنا أنتبهنا مع ليالي..قالت ليهو:- أنت شايف شنو.؟!..قال ليها مُبتسم :- شايف واحده جضومها منفوخة شوية والغِيرة تشقها نصيين❤..مجدي بقى يعاين لمجتبى بطريقة غريبة💔..ليالي قالت:- لا غِرتا ولا شي..بس لو عاوز ممكن أجيب ليك الرقم...قبل يرد تلفونه ضرب شاف المتصل وقام من جنبنا...مقداد قال :- اها رايكم شنوو في الباكمبا❤..قولته ليهو:- ظاااابطة لمن بهناك...صحي بعد بكرة لو فاضين عندي خربشة كده كتبتها وعجبتني..أعملوها يا ليالي أنتي ومجدي...قالت لي:- بتتكلم عن شنوو!؟..قولته ليها :- الولد عندو إنفصام في الشخصية...أسترسلتا في الكلام وبقيت أشرح ليهم أكتر عن الادوار وشكل القصة عموماً...مجتبى جاا وقال:- شباب أذنكم أنا لازم أمشي..عندي مشوار ضروري...قولنا خييير!؟..قال لينا:- ضروري بس..المهم نتكلم في القروب بعدين❤...مجدي قال ليهو:- دقيقة دقيقة..ومشى ناحيته وزحوا مننا شوية وبقوا يتكلموا...!!
"على لسان مجدي"
_وقفنا انا ومجتبى بعيد من الشلة..سألته:- في شنوو ماشي وين؟؟..قال لي:- أتصل علي أخوي الكبير جهز لي رسوم السمستر ده وكده لازم امشي استلمهم..انت ارجع البيت وانا بلحقك بعدين...قولته ليهو:- تمااام...ورجعت مكاني..واصلنا ونستنا قريب ساعتين بعد مشية مجتبى بعدين كل واحد فينا رجع بيتهم...أثناء ما كنت ماشي مع ليالي قولته اجيبا ليها بفوق واشوف فهمها شنوو..قولته ليها :- ليالي إنتي رايك شنو في العفوية عموماً...قالت:-مُهلكة والله خصوصي لو الواحد اتفهم غلط💔...هي كويسة وكعبة في نفس الوقت فاهمني!؟...قولته ليها:- يعني عفويتك مع مجتبى حاجه كعبة؟؟؟..أبتسمت وقالت:- يا رُسلان مجتبى إستثناء❤🌻..!
رجعت البيت وانا عقلي و تفكيري كله كان محصور مع ليالي ومجتبى..بقيت حاسس إنو في شي بينهم وخاصة بعد كلام ليالي معاي💔..معقولة تكون بتحبه؟؟..معقولة هو بحبها؟؟..مجتبى جا داخل البيت حوالي الساعة 8..قولته ليهو:- أتأخرتا يا شاب..قال لي:- أخوي أخرني بالونسة وغير كده زحمة مواصلات..دخل الغرفة ختا قروشه وتلفونه ومشى استحمى..بقيت ما بين اواجه ولالا...!؟
"في بيتنا"
_شايفة انا اصلي لما اعمل حاجه بتكون لمصلحتكم..جبتي جيد جداً لأنو الادارة مجال كويس والحمدلله أتعودتي عليه..مش احسن ما كنتي تقري قرايتك الفارغة ديك..قولته ليهو:- ابوي..خلاص الموضوع ده عدى وانتهى...جاتو مكالمة قام ودخل غرفته..جات إنصاف من الغرفة قعدت جنب أمي وكانت بتتفرج في حلقات قصة #أضاءت_عتمتي..في أصحاب الابداع...القصة المثلوها ليالي ومقداد..التصوير نصه كان في مزرعة غير مزرعة أبو ليالي عشان ما ننكشف...إنصاف قالت:- القصة نهايتها حزينة يااخ..بس جد جد أبدعوا فيها..لو إتعملت دراما ولا مسلسل وزادوا عدد حلقاتها ح تكون جميييلة❤..امي قالت ليها :- دي الادتيني حضرتا منها حلقة مش!؟..ماشاء الله عليهم ما هينييين..إنصاف قالت:-هم عاملين مكياج سينمائي عشان يخفوا شخصياتهم بس واضح أنهم شباب صغار..مع كلامهم ده الضحك قتلني من جووا..يعني لو عرفوا دي انا المؤلفة القصة كلها وديل تبعي..ح يعملوا شنو؟..ردة فعلهم ح تكون عاملة كييف ؟؟؟...إنصاف قالت لي:- إيناس تابعي الصفحه دي اقسم بالله درررررعه❤❤برسل ليك الرابط واتساب..قولته ليها:- طيييب❤ بس كده احكي لي القصة بتحكي عن شنو اصلا..قالت لي:- يا ستي البطل اتولد كفيف..عايش براهو..بعرضو ليك الحلقات كأنه بشوف حافظ البيت حِفظ..بِعمل الشاي براهو والفطور ..جميل جدا جدا..المهم قرا الجامعه واتخرج وكان بتَدرِس في مدرسة موسيقى بتعرف على مُدرسه هناك وبيعجب بيها وبدون تاجيل بمشي يطلبها من أبوها "دور الاب كان عامله مجدي"...أبوها برفضو طبعا بس هو بتحدى كل حاجه وبتزوجها..اللهم في الحلقة الاخيرة بتتعرض لحادث وبتفقد بصرها ورجلها بتتسمم فبقطعوها💔 وهو من حزنه الشديد عليها بتوفى💔...مؤثرة شديد والله يا إيناس..فيها تفاصيل كتيرة بس أنا اختصرت ليك..قولته ليها:-ح أحاول أشوفاا...دخلت الغرفة وقفلت الباب ضربت لليالي كلمتها بالحوار الحصل بره وبقينا نضحك❤😂😂..قالت لي:- واي أهلك مساكيين..انا شايفة أمي برضو حضرت حلقة من الحلقات بس ما سألتها..قولته ليها:- لسه الجاي أحلى 🤣🤣🤣❤...!
