_قال لينا :- أنا المقداد سُليمان..وأنتو!؟..عرفناهو علينا واتحركنا إتجاه النشاط..ليالي ما كانت مُركزة معانا شديد
.أغلب وقتها في التلفون ولو شاركت في الونسة بتشارك ب أيوة وضحكه...مجتبى قال لينا :- أها يا شباب أحكوا لي..نبدا بيك يا ليالي..الجبرك شنو على إدارة !؟..قالت بإستهتار:- و منو غير أبوي وأمي بعمل كده ههه..ما حاولتا أقيف في وشهم..حلم إني أبقى سيناريست أو مُخرجه ده أصبح حلم بعيد جداً..يلا بحاول أبدع هنا..طالما هم شايفين ده الاحسن لي💙..قال ليها:- يعني أنتي مؤلفة!؟..قالت ليهو:- وأعجبك كماااان وأزيدك من الشعر بيت..برسم من فترة لفترة..قال ليها :- دفعه يااا..أنا برسم فن تشكيلي وكراكتير وكده..وصوتي في الغناء بدون مبالغة يا شباب جميل شديد😌..اها يا سيد مقداد..حكايتك شنو!؟..المقداد قال:- واحد إتيتم من بدري..عايش مع خالتو المربياهو وراضي بقسمة ربنا..بالمناسبة كنت بشوف..وحصل لي حادث من فترة طويلة وزي ما شايفين بقيت أعمى..الحمد لله💙..موهبتي إني بقلد الاصوات بطريقة تخووف ههه...وبمثل برضو..لي فترة طويلة بدرس في مدرسة للمكفوفين💙...قولته ليهو:- ماشاء الله حلووو..ربنا يرد عافيتك...مجتبى قال لي:- وأنتي يا السمحه..الجبرك منوو وكان نفسك تقري شنو؟؟..قولته ليهو:- كان نفسي أقرا موسيقى ودراما..بألف أشعار وقصص وهكذا يعني..عندي قصص كتيرة بس كلها داساها جوه صندوق أسود..في منها الفكاهية والدرامية والرومانسية والبوليسية..بس يلا💔 أهلي جوو وفي كسر من الثانية خربوا اي شي..وزي ما شايف أنا هنا وسطكم💔...قال لينا:- والله هو من ناحية المجال حلو واي شي..ومن ناحية تانية ما أعتقد ح نتعود عليه بسرعه..ح نعيش فترة ضغط نفسي رهييبة...انا ك زول ما بكسر كلمة أبوي..ده السبب الجابني هنا..بس صدقوني يا شباب مصيرنا في يوم من الايام أحلامنا تتحقق وتطلع للناس..ليالي قالت ليهو:- والله يا مجتبى فيك حلات مكياج سينمائي لدور عجوز تُحححفة💙😂👌🏻...قال ليها:- بتعرفي للمكياج السينمائي!!!..قالت ليهو:- طبعااا..يوم ح اجرب فيك وانت أحكم..قال ليها:- وأنا جاهز...
قضينا اليوم بين الضحك والونسةة..أظرف واحد فيهم مجتبى💙 بالجد الانسان ده عبارة عن نكته...شلنا أرقام بعض وعملنا قروب في الواتساب...أول ما رجعت البيت أبوي سألني :- كيف كان أول يوم!؟..قولته :- تمام..ودخلتا الغرفة...عاينت على طرف سريري شايفة صندوقي مجدوع وفاضي💔..كوركت بصوت عالي:- الشال الدفاتر الفي الصندوق ده منو!؟..حذرتكم ألف مرة ما تهبشوا حاجاتي...جات أمي داخله..قالت لي:- وطي صوتك ده..أبوك لو سمعك بقتلك...قولته ليها:- دفاتري وييين!؟..قالت لي :- لما جات عربية الوساخه شلتهم ورميتهم..أفتكرتك ما ح تحتاجيهم بعد دخلتي الجامعه دي...طبعا دموعي نزلت وبقيت ما قادرة أشوف زي الناس💔..قولته ليها بصوت مخنوق:- أمي أنتي كيف تعملي كده بدون ترجعي لي..ياخ حرام عليكم والله حرام💔💔..وفتحت بيت بكى..جاا أخوي أحمد قال :- في شنوو..والمجنونة دي بتبكي مالها!؟..قالت ليهو:-عشان شوية دفاتر جدعتهن ليها...كدي أشوف حلة الغداء..وطلعت..أحمد قعد جنبي وقال لي:- بطلي بكى يا بت...بعدين مستفيدة شنو من قصصك دي.إذا بتكتبيهم وبترميهم في الدولاب؟؟..قولته ليهو:- مصيري كنت ح أطلعهم..ليه أمي تجدعهم ليه..قال لي :- خلاص حصل الحصل..أمسحي دموعك دي..يا إيناس في البيت ده ألف مرة كلمتك..غير قوانين ابوي ماف قانون بمشي..كل ما فهمتي الكلام ده..كل ما بقيتي واعية للبحصل ومجهزة نفسك لأي شي...ما رديت عليهو...طلع خلاني...بقيت أبكي بكى....غداء ما اتغديت معاهم...
