ثأر مهري منهاا

مشاهد من قصه قيد الكتابه

#ثأر_مهري_منها

#أسماء_ديمير

ياگلبي منهم تبت لو هم الك ظنه
خو شوف عينك بعد. هاخايب شگلنه

شاكر التميمي

تلمست جف ايدي صاير خشن ومفطر من شغل الكاع وزرع .. ورثت جكاره نفخت الدخان صافن بالزرع .. اعرف الي يزرع طيب يحصد طيب ..

عجل ليش اناا من زرعت الخير والحب حصدت ذل وخيانه منهاا .. خليت جكاره بحلكي ولزمت الفاس احرث بالكاع اطلع حركه كلبي ودمي الي يفور من ذكرها ..

ليش جازتني بغدررر بيش قصرت . طعنتني وماكلفت نفسها تسأل وين طعنه .. لو التفتت حتى تشوف وين خلت وجعها .. اعرف الي يكتل الكتيل يمشهي بجنازته شو حتى جنازه ما سالت بيها لهل درجه دمها نكس وموطاهر .. افااا ياعمي حسن على تربيتك السكط ..

التهيت وحرت بناس مابيهم محنه .. اي والله مابيها محنه

~~~~~~~~~~~~~~~~~~~

بساتينك زهن بس شلي بيهن كون
غيري يشم وردهن وانه الاسجيهن

عباس العبادي
مرجوحه الي سويته الها .  الكعده جنت اباوعلها .. الكعده الي سويتها بيدي ودكدكتها بسمار بسمار واني اتخيل كاعده بيها وجايبتلي استكان جان وتتمايل بخصرها كلها راحت بمهب الريح ..

منظر الكعده جنت كل ماضوج او اتعب أروح يمه واتخايلها حتى ارتاح وانفهه عن نفسي هسه صار يخنك جنه حبل اعدام ..

بس ماضنت طعنتها الي اتكويني .. اي انوجعت اي انكسر ظهري اي مريت بليالي مايعلم بيها الا الله وجع غدرها وصل للعظم .. ون عليه وانا واكف بطولي  بس رجعت اصلب من قبل اقسى من كبل ..

~~~~~~~~~~~~~~~~~~~

ياعذاب جروحنه
يفت الگلب والصد كتلنه
ياحزن يعگوب      
ربع الربع مايلگاش منه

عريان السيد خلف

ياول جاي اردج من هالكليه الي ماداخله مزاجي بس لخاطر عيونج ماريد اكسر بخاطرج واقهرج وتالي انتي ترديني واني جاي ومتعني وحيلي كاضي ومكسر من طريج الطويل ..
هون على كلبي يابنت الناس تراني يتيم ابتسمت ردت منها تحن وترد الابتسامه

كلشي ماكو ساكته تباوع بوجهي وضايجه وتهز برجلها .. درات وجها عني مغندبه من يومها وجها مكلوب يمي ولامره ابتسمت ولانت وياي ..

هلبت تحن وتلين ادري بجفاها مطول وياي وادري راح تشلع فادي وتعذبني بس عيبي هاوي شكى وياهه حتى زعلها وجفها عندي حلات وتلذذ بي ..

مديت ايدي على ايدي وجريتها لعندي التفتت ضايجه تجر بيها .. عتيت كل جسمها وحظنتها حيل .. ابتسمت بوجها ودفنت راسي بنحرها دفوها وحراره جسمها يرخي الاعصاب همست احبج ياولي وعزه الله اعشكج .......

قريباً  بقلمي "اسماء ديمير"