روايه بسمه مدفونه في خيالي

البارت ٣٣

•••
•••
•••
#يعتقدون أننا حين نصمت نكون بخير ليتهم يسمعون ضجيج قلوبنا، ويدركون أننا نصرخ بصمت#منقول

****
****
****

ناظرت راكان والقلق بدأ يتزايد:راكان ما يرد
راكان هز رأسه بضجر حركة امه ما لها داعي: طيب تعالوا الحين ارجعكم
أم راكان بحدة: ما اركب معها!
راكان مط شفته بضجر: يعني وش الحل عندك؟!
وين اروح فيها؟!
تحمليها !
مطت شفتها رونق بسخرية الحين يقال ميتة حتى ترجع معهم ..اصلا لو تموت ما رجعت معه !
رجعت ادراجها للمستشفى ...قاطعها راكان بحزم: وين راجعه
قاطعته بحده:ما يخصكم!
كان يبغى يرد عليها لكن قاطعه جواله ... كان المتصل جراح !
فتح خط ورد بهدوء: الو
سرعان ما فتح عيونه بصدمة من الكلام الي سمعه: وش تقول ؟!!! ....كيف ؟! .......طيب انت وينك؟ ....اتصلتم بالشرطة ؟!!....طيب الحين راجع ...ان شاء الله
قفل الخط وناظر أمه الي انخطف وجهها من الخوف: وش صاير؟!
راكان نطق بسرعة : بيت جدتي ام ناصر مسروق
شهقت ام راكان بصدمة: وش تقول ؟!!! كيف
قاطعها وهو يلتفت يبحث عن رونق بعيونه ما لها أثر: يمه ما هو وقت التحقيق !
اسبقيني اجيب رونق وارجع لك
دخل للمستشفى ...شافها جالسه على كراسي الانتظار تكلم بدون مقدمات: تحركي بسرعة
بدون ما تناظره ردت بهدوء: ما
قاطعها بحدة: البيت مسروق وجراح سيارته خربانه على الطريق واقف ينتظرنا بالشارع قومي !
سكتت للحظات بتفكير وبعدها نطقت بدون ماتناظره: لو انقطعت السيارات ما ركبت معك !
ما رد عليها مسك جواله واتصل مباشرة مع جراح: الو ....اسمعني ترى والله مو فاضي نرتجيها حتى تطلع معنا...طيب خذ كلمها !
مد لها الجوال ...تكلمت بدون ما تمسك الجوال: ما ابغى اتكلم بجوالك ....قول له يجيب سيارة أجرة بنفسه ويرجعني غير كذا ما اتحرك
راكان النار دبت داخله من قهره وتتأمر بعد....انفجر من الغضب وهو يسمع جراح يقول : خلاص دقائق واكون عندكم الحين اجيب سيارة اجرة !
راكان تكلم بغضب وهو يتحرك للخارج: انت بعقلك والا مجنون!......اقول اطلع من رأسي لاني رح انفجر من قلبك الطيب...صدق خروف !،
تنهدت رونق بعد خروج راكان والغضب يتطاير من عيونه....ترتاح لما تشوفه معصب كذا ...لانه كان له يد بدمار حياتها و بتشويه سمعتها !
يظن إنه قادر يتحكم فيها مثل مريم !
بعد وقت وقفت لما شافت جراح واقف قدامها وملامحه ما تتفسر نطق بجمود: يلا
تحركت وهو يسبقها بكم خطوة ...متأكدة تم شحنه بنجاح !،
ركبت سيارة الأجرة وجلس جنبها وهو يهز رجله وعافس ملامحه....ما نطقت بحرف واحد والتزمت الصمت!
تكلم وهو معقد حواجبه بعبوس ما عرف يسكت اكثر من كذا : وليه ما ركبت مع راكان ترى ما رح يأكلك؟!
كذا بتصرفاتك عمرها ما رح تزين الامور
ردت بهدوء: انا إنسانه اذا ناسي وعندي كرامة !
خالتي رفضت اطلع معهم ما تبغاني وهو يقول مضطر يأخذني ويقول لأمه تحمليها حسسوني وكأني طرارة على باب بيتهم ...يكلموني بفوقية وكأني حشرة !
ما ابغى احد يمن علي بالتوصيل ...انت زوجي وانت مجبور فيني وما اقبل ترميني على فلان وعلان !
خالتي كل يوم تغلط علي بالكلام وكلامها ثقيل وانت سمعتها بإذنك اكثر من مرة....انا اسكت مرة ومرتين وثلاث لكن خلاص لمتى ؟!
انا مجرد اقول« امك » ما يعجبك وتعترض وحالتك حالة...وخالتي ما قصرت فيني وين موقفك ؟ !
حك شعره بضجر وهو يتكلم: ترى قلتلك إنه امي غلطانه بس اصبري نشوف حل
قاطعته والغصة بحلقها: انا جلست انتظر اشوف نهايتها!
بس خلاص ما بقى عندي صبر ....اسمعني يا جراح أنا ما رح أجلس بهذا البيت انا الحين رح أجمع اغراضي واطلع نستأجر شقة قريبة من الجامعةوانت اهلك تزورهم وقت ما بغيت ...انا خلاص ما استحمل أي كلمة لاني رح انفجر بوجههم وقتها ما رح
قاطعها بضجر: رونق بعدين نتكلم ما هو وقته الحين !
ناظرته لحظات وصدت عنه !
بعد وقت من الصمت وصلوا ...توجهوا مباشرة لغرفة ام ناصر
ام راكان عفست ملامحها وهي تشوف رونق داخله يرتفع ضغطها من الخروف ابنها ...ناظرت ابو جواد وهو يتكلم : طيب شوفوا الكاميرات
راكان ويغلي غلي من رونق ...نطق بهدوء ظاهري: قاعدين يشوفونها!
رونق ردت السلام بخفوت وسلمت على جدها وجدتها وابوها واعمامها بهدوء ..وجلست جنب جراح بتعب ..رجولها ماهي قادرة توقف عليها ! عم الصمت المكان وكل واحد سرحان بأفكاره!
بعد وقت دخلوا والحيرة على ملامحهم: الكاميرات ما سجلت دخول احد غريب .اخر من غادر جراح ورونق وأول من رجع نايف وجدتي ام ناصر
نايف هز رأسه: اول ما دخلنا لقيت الغرفة مقلوبه كذا
ام ناصر هزت رأسها : ايه صحيح لقينا الغرفة كذا اول ما دخلنا !
ابو جواد بحيرة: جراح انت تأكدت من سلامة الغرفة قبل ما تغادر
جراح هز رأسه بالنفي:اصلا انا ما كنت موجود دخلت اخذت رونق وطلعت حتى غرفة جدتي ما دخلتها حتى اعرف
ابو جواد رفع حاجب وناظر رونق بتحقيق:متى آخر مرة دخلت الغرفة؟!
رونق ما عجبها طريقته بالكلام: انا ما دخلت غرفتها كنت منشغلة بالبحث
ام جواد جالسة وللحين تعبانة....بحسن نية تكلمت: اكيد لو دخل احد ما رح تحس فيه كانت بغرفتها منهمكة بالبحث ما حست بالوقت من كثر الاندماج وضاق الوقت عليها واضطرت تلبس وتتزين بالقاعة!
توجهت الانظارعليها تلقائيا...نزلت نظرها بضجرمن كلام جدتها ما له داعي!
ام راكان باتهام مبطن: اي بحث هذا!
رونق ناظرتها وهي رافعة حاجب وتحس كلامها ملغوم!
ام ناصر بضيق: خلاص يا جماعة حصل خير الحمد لله
دام ما انسرق شيء غير خاتم ربي يعوضني!
ما له داعي للشرطة والفضائح
ابو احمد وهو متاكد السارق واحد من العائلة نطق ما يبغى فضائح: وانا اقول كذا ما له داعي للشرطة
ابو جواد هز رأسه بموافقة على كلامهم لانه متأكد شخص واحد عمل كذا ....ما رح يفضح عائلته اكثر من كذا يكفي ..وبتنبيه تكلم: من يوم وطالع انتبهي على غرفتك يا يمة وقفليها وخلص قفلوا السالفة!
رونق استغربت ليه ما بلغوا الشرطة دام انسرق خاتم والغرفة معفوسة ...حتى ملامحهم وكأنهم عارفين السارق بس يكتموا على الموضوع!!!
ام راكان بغبن تكلمت وهي تتذكر كيف رونق نفذت كلمتها ورجع لها جراح مثل الخروف: بس فيه موضوع ما انتهى!
ابو جواد باستفسار: وش فيه!
راكان ناظر امه وهو متوقع عن الموضوع الي رح تتكلم فيه ...تكتف يناظر لعل وعسى ابو جواد يبرد خاطره برونق!
ام راكان بنبرة حزينة: يرضيك يا ابو جواد افعال حفيدتك فيني!
جراح بقهر من امه نطق بخفوت: يممممه!
ابو جواد ناظر رونق بقوة وهو ينطق : تكلمي يا ام راكان
ام راكان بنبرة حزينة متقنة : انا الي ربيت ولدي وتعبت عليه وما اسمح انه تضيع حياته كذا !
انت يا ابو جواد اعطيت عيالي كلمة وقلت هالزواج ما رح يطول
جواد انقهر من كلامها: وليه تطلقونها ؟!
ابو جواد بحزم رفع يده وهو يناظر ولده: جواد ولا كلمة !
ام راكان والوضع بالنسبة لها ما يحتمل : ولدي ما هو مجبور يتحمل وسخ هالبنت!
ما هي من مستواه!
جواد بغضب: ترى
قاطعته بتبرير: لا تزعل يا ابو عبدالله مريم على راسي من فوق...ربي يشهد اني اعاملها مثل بناتي لاني اعرف انك ربيتها افضل تربية...لكن هذه استغفر الله بس الدم يربطكم فيها ...ما اخذت عاداتكم ولا تقاليدكم ولا اخلاقكم ...بنت ما ادري من اي مستنقع طلعت
قاطعها جواد بتحذير: رجاء عن الغلط
قاطعته بقهر : ليه الحقيقة صارت غلط !
انا كلامي مع ابو جواد ...انت وعدتنا بالطلاق بعد سالفة رسالتها لزياد !
البنت فلتانه
قاطعها جراح والقهر بداخله يتزايد من كلام امه: خلاااص ...وقسم بالله كلمة وحده عن رونق ما تشوفين وجهي ...خلاص انا مليت من هالمشاكل ....ما يطلع لي اجلس مرتاح البال ؟!
لمتى هالمشاكل؟!
طلاق وما رح اطلق !
خلاص ليه ما نرضى بالواقع ؟!
يمة لو تحبيني كان رضيتي بهذا الزواج لاني سعيد مع رونق وما اشوف غيرها !
ام راكان تحس بالنار تشتعل داخلها من تعلق ولدها برونق ..نطقت تحاول تكسب الموجودين : بس زوجتك ما تحترمني وترد الكلمة بعشرة!
ابو جواد زفر بضيق ما هو وقت الطلاق: يا ام راكان ...حنا بيت واحد ورونق باعتبار ابنة عمه اذا انفصلوا الناس تأكل وجوهنا!
وابنك يبغى البنت ولو كان اخوي الله يرحمه موجود ما رح يكسر بخاطر جراح ويبعده عن الشيء الي يحبه!
وبالنسبة لماضي رونق ترى كل شيء صار قبل ما تعرفنا ...وحتى سالفة زياد رونق ما ارسلت له كانت عبارة عن مرسال وفخ وقعت فيه بدون ما تعرف لأنها غبية والبنت الي كانت مرسلة الرسالة أكلت الي فيه النصيب !
ناظرت رونق جدها بفجعه وش عرفه بهذه التفاصيل ؟ !،
جراح تنهد وما علق بحرف واحد وهو يسمع ابو جواد يتكلم : وحنا عيال اليوم رح ننسى الماضي يا ام راكان واعتبري رونق كنة جديدة بدون مشاكل
ام راكان بقهر: بس هي ما تحترمني!
ابو جواد بهدوء: رح تحترمك غصب عنها !
بس انت دوم تذكري اخوي الله يرحمه لو مكانك وش رح يعمل !
ولا تنسي ولدك جراح شوفي كيف الهم والضيق مكتسي وجهه!!
صفحة جديدة والحين رح تقوم رونق تعتذر منك وتسلم عليك
قاطعته رونق بقهر : بس انا ما غلطت على احد حتى اعتذر ... هي الي شتمتني وتكلمت علي بكلام ما تتحمله جبال
قاطعها ابو جواد بحزم: انا وش قلت؟!
جراح ناظرها برجاء تمشي الموضوع هالصلح فرصة حتى يكملوا حياتهم براحة!
تكلمت بخيبة ما احد يوقف مع الحق هي ما غلطت عليها ليه تعتذر ؟! ...وبكبرياء نطقت : لو غلطت أنا من نفسي أعتذر وما انتظر احد يطلب مني اعتذر!
من لما تزوجت وهي تسمعني كلام ما يتحمله احد ومع ذلك سكتت والحين اعتذر؟! عن وش اعتذر،؟!
ام راكان وهي رافعه حاجب بغرور: شفت بعيونك
جراح : رونق يلا
راكان بسخرية: يمكن تبغى امي تعتذر منها!
رونق وقفت و نطقت بقهر: وليه ما تعتذر مني؟! هي الي دوم تغلط علي!
ابو جواد بغضب: تبغين ام راكان تعتذر منك !
هزلت و الله!
بسرعة تحركي سلمي واعتذري!
جراح مسك يدها برجاء: رونق
ردت بعيون دامعه ونبرة مقهورة وهي تشوف بعيون ام راكان بس هدفها تذلها ..ردت بهدوء: لو كان الثمن اخسر الشخص الي حبيته من قلبي ما رح ارمي بكرامتي الأرض واعتذر من شيء انا ما عملته !
تركت يد جراح برفق ..ونطقت بنبره فيها اهتزاز: اسفة جراح لا تحملني فوق طاقتي انا ما اقدر اتحمل العيشة مع اهلك !
بغت تغادر لكن سرعان ما سحب يدها ابو جواد بقوة: اعتذري بسرعة والا قسم بالله
سحبها جواد من ابوه وبنبرة قوية: جعل ربي يأخذ روحي ان جلست اشوف ابنتي تنذل وانا ساكت!
رونق ما رح تعتذر من احد ...صلح بدون اعتذار كل واحد ينسى الماضي وانتهينا!
ابو جواد بغضب ناظره: تكسر كلمتي يا جواد!
ورب الكعبة الا تعتذرين يا رونق من ام راكان
جواد بتصميم: ما رح تعتذر !
راكان بقهر من موقف جواد: انت كذا تكبر رأسها بزيادة!
وين المشكلة لو اعتذرت
جواد: بس هي ما غلطت حتى تعتذر!
اعطيني شيء واحد عملته رونق والحين اخليها تعتذر!
ا بو جواد بقهر من جواد وكيف كسر كلمته،: جواد انا وش قلت!
جواد بعناد وبنبرة قوية نطق: ابنتي ما هي من الشارع حتى تذلوها كذا ...رونق في بيتي معززة ومكرمة وما له داعي تقولوا لابوي حتى يطلق رونق ...باكر نلتقي بالمحكمة ويا دار ما دخلك شر ولا تنسوا ترى ولدكم الي حفى خلفها حتى يتزوجها وجاهات حتى يتم هالزواج فلا تحسسوني انها حمل ثقيل عليكم ...والحين اسمحوا لي ...يلا يا رونق
ابو جواد بقهر من ولده: جواد
قبل ما يتكلم جواد مسك جراح يد رونق وبتملك: رونق زوجتي وما اتخلى عنها
قاطعه جواد بعبوس: لما يقتنعوا اهلك انها زوجتك وقتها يصير خير لكن الحين رونق عندي
واقفة وهي تسمع كلامهم وتحس نفسها ضايعة بينهم ...ما تهمها ام راكان ...الي يهمها جراح وجواد ما تبغى تصادم بينهم ...تحس النفس ضاق عندها من كل شيء حولها...سرعان ما جثت وهي تتوجع بصوت مرتفع!
جراح بخوف : رونق وش فيك!
رونق بصوت مكتوم: بطني بطني
ام راكان اقتربت كم خطوة: البنت حامل يمكن تأثر الجنين من الرقص بالحفلة!
مثل الغبية ترقص بالحفلة!
جراح ناظر امه وهو معقد حواجبه حمل اي حمل ...سرعان ما تذكر كذبته الي كذبها على اهله ...التفت لجواد إلي ماسك يد رونق: قومي معي للمستشفى
جراح بفزع رح تنكشف كذبة الحمل: لا تغلب نفسك ...انا الحين رح اروح عند الدكتورة الي تراجع عندها رونق
جواد باعتراض: بس
ابو جواد ما يبغى جواد يروح معهم اكيد رح يأخذ رونق معه لبيته وتزيد المشاكل وما رح يسمح لهذا الشيء يصير : جواد اتركه دام إنها تراجع عند دكتورة خلاص جراح يأخذها
قبل ما يعترض جواد صرخ ابو جواد: وبعدين معك شايفني اصغر عيالك ما تسمع كلمتي!
بدر اعطى جواد نظرة حتى يختصر!
جراح استغل فرصة انشغال جواد وابوه وخرج من البيت وهو ممسك برونق بحرص!
حرك السيارة وعيونه تتسارق عليها متكورة على نفسها ...والصمت يغلفها...بعد وقت قصير وقف السيارة ...وبهدوء نطق : انزلي رونق!
متكورة على نفسها والحزن والضيق يغلفها من الحياة الي تعيشها خلاص ملت من المشاكل...تبغى تعيش مرتاحة البال ...لكن السعادة دوم بعيدة عنها ..رفعت نفسها لما نطق «رونق انزلي»
ناظرته وسرعان ما انفجرت بالضحك بصوت مرتفع
هز رأسه بآسف من نوبة الضحك الي اجتاحتها : رونق يكفي ضحك ترى الضحك يضر
قاطعته بكلام متقطع من الضحك: ما اقدر
ورجعت تضحك وهي تضغط على بطنها لما بدأ يوجعها من الضحك !
بعد وقت قصير تنهدت وهي تمسح دموعها بهدوء ...نطق بايتسامة: خسارة فيك دراسة الطب المفروض تدرسين تمثيل!
تنهدت وبنبره فيها حزن عميق:اضطريت اعمل كذا...لأني خفت يسحبني ابوي معه لبيته وتكبر المشكلة ..وما اقدر اقول له لا وانا اشوفه يدافع عني!
خزها وهو يحرك رأسه: اقول انزلي!
نزلت بهدوء ...وقفت وهي تحاول تستنشق الهواء وهي تناظر الحديقة والهدوء يغلفها بهذا الوقت المتأخر من الليل...شعرت بنسمات الهواء الباردة تنعشها..التفتت لجراح لما امسك يدها واجلسها على اقرب مقعد وبابتسامة: اجلسي بلاه يتعب الجنين!
ابتسمت وعيونها للحين تلمع بالدموع: وش عرفك إني أمثل !
رد وهو يناظر عيونها وكأنه مسحور: قلبي
هزت رأسها باعتذار: انا اسفة اضطريت اعمل كذا ما ابغى اصطدام بينكم
جراح ابتسم: فرصة نجلس وحدنا بعيد عن كل المشاكل!
قاطعه رنين الجوال ...زفر بضجر: هذا ابوك رح يطلع روحي ...الو ...لا الحمد لله كل شيء تمام ...ما له داعي ....شوي تكمل المغذي ونرجع !
قفل الخط بعد لحظات وناظر رونق: يبغى يلحقنا !
رونق بفزع: وين يلحقنا!
حتى تكمل السالفة فوق راسي افففففف منك ومن هالكذبة الي دبستني فيها وكأنه ناقصني
قاطعها بابتسامة: الحين اتركي كل العالم خلف ظهرك وخلينا نعيش مع بعض اجمل اللحظات!
**
**
زفرت بضيق وهي تناظر الساعة ..وقفت لما دخل راكان البيت راجع من صلاة الفجر: راكان اخوك للحين ما رجع ! راكان عقد حواجبه باستغراب: غريب!
على اساس يخلص المغذي ويرجعون ...اتصلي فيه وشوفي وش صار عليهم!
ام راكان بقهر : انا رح اموت قهر من هالزفتة!
**
**
*
رونق تثاوبت بنعاس: خلينا نرجع اذن الفجر
قاطعها وهو مسترخي يناظر السماء: رونق انت اجمل شيء تعرفت عليه....ما ادري كيف كنت عايش زمان بدونك ...احس حالي ما اتحمل تبعدي عن عيني ثواني ...اتمنى منك يا رونق ما تقومي بحماقات وتصرفات غبية لأني ما اتحمل الحياة بدونك ..مجرد وقت تحملي بعد تخرجك رح نسافر برا ونكمل حياتنا لا مشاكل ولا ازعاج تدرين
قبل ما يكمل رن جواله ...رد بهدوء : هلا يمه ....الحمد لله ...لا لا كل شيء تمام ...بس اجهضت الجنين ..الحمد لله..ما في شيء حنا على الطريق ...ايه ايه ..سلام!
ناظرته بقهر من تصرفاته: إنت عقلك ما هو صاحي
رد بابتسامة: ما خليتي فيني عقل
ما خليتي فيني عقل
ما خليتي فيني عقل
ما خليتي فيني عقل
**
**
**
متمدده على السرير والحزن مغطي ملامحها ...رفعت نظرها على دخول الجازي ...اعتدلت بهدوء
الجازي اقتربت منها وسلمت عليها ...مسحت على شعرها بحنية : كيفك الحين يا ابنتي!
مريم والغصة بحلقها: بخير!
الجازي وهي تحس بمعاناتها لأنها عاشت لحظات لما تكوني عاجزة عن انجاب طفل : مريم
سرعان ما مسحت الجازي دموع مريم: لا تبكي يا قلبي ترى قلبي ما يتحمل يشوفك كذا!
وكلي امرك لله ...وخليك واثقه
قاطعتها مريم بنبرة باكية: يقولون
الجازي : خليهم يقولون الي يبغونه انا عشت هذه المرحلة انت على الاقل يصير عندك حمل انا كانوا قاطعين الامل مني بالانجاب لكن قدرة ربنا فوق كل شيء، لا تتركين الصلاة على النبي صلى الله عليه وسلم ....صدقيني مرحلة وبتمر وتصير ذكريات!
مريم هزت رأسها: ربنا كريم
الجازي ابتسمت : اهم شيء تكون نفسيتك مرتاحة وبعدين ملحقه على العيال وقرقعتهم!
دام الصمت للحظات بعدها سألت الجازي باستفسار: رونق زارتك
مطت شفتها مريم : اتوقع الاعداء فيهم قلب اكثر منها ...تخيلي كانت مع خالتي ام فياض البارحة بالمستشفى...وانتظرت باب الغرفة ما رضيت تدخل عندي وتتحمد لي بالسلامة!
الجازي باستنكار: معقول!
مريم بانفعال: وأكثر من كذا تخيلي تتشمت فيني اني نزلت وتدعي انه ما يتم حملي ..بس سبحان الله رجعت عليها شماتتها البارحة اجهضت
الجازي بانفعال: اجهضت!
وهي الحين وين؟!
مريم ردت وهي تعدل شعرها للخلف. بلا اهتمام: بالبيت
الجازي زفرت بضيق: احيانا اشك انكم توأم !
يقولون التوأم في بينهم تواصل يحسون ببعض معقول ما تحسون ببعض او تهتمون ببعض؟!!!
مريم بلامبالاة: هي اساس المشاكل... وانت تعرفين راكان مانعني مجرد السلام ألقيه عليها.....وما رح اخسر زوجي وبيتي علشانها!
تنهدت الجازي بوجع وهي تحس بالغصة على رونق!
وكأن التوأم تقاسموا مأساتها القديمة مريم بعدم الانجاب ورونق بالنبذ!
مريم بتساؤل: رح تزورين رونق !
الجازي بحيرة تحس نفسها مربطه ...هزت راسها بقلة حيلة: ما اتوقع
مريم بنصيحة: لا تخربين بيتك وتشردي اخواني علشان رونق ويا ليت تستاهل التضحية !
الجازي ناظرتها بصمت وما علقت على الموضوع !
هي قررت تطوي صفحة التوام من حياتها لكن احيانا قلبها يجبرها ترجع لهم مثل الحين قلبها ما ارتاح الا بزيارة مريم ...لكن رونق وضعها مختلف ...بالفترة الحالية صعب جدا تتواصل معها !
••
**
** جالسة متربعة على السرير والكتاب امامها وتناظر من الشباك بسرحان ....ابتسمت لما دخل جراح ومعه عصير ...ناولها وجلس وتكلم بابتسامة: تعرفين لزوم تتغذين الحين بما انك اجهضتي
قاطعته وهي عافسه ملامحها: هه هه
يعني انت دخلتنا بسالفة ما لها داعي!
تكلم بتحذير: انتبهي اذا جاء احد وخاصه جدتي صفية تمثلين دور انك مجهضة ابغى ملامح تعبانه وشاحبة وبكل شيء فهمتي!
سكت لما سمع جرس الباب: انتظري يمكن واحد من الصغار ارسلته للبقالة يشتريلك اشياء!
توجه للباب وانصعق لما شاف جدته صفية وأمه على الباب ...تحول وجهه للألوان!
صفيه رفعت حاجب: مطولين وحنا على الباب!
جراح بتوتر: حياكم الله تفضلوا!
اشر للصالة ارتاحوا!
ام راكان بتساؤل: وينها زوجتك ؟!
جراح بلع ريقه: خليكم جالسين هنا الحين تيجي هي نايمة بالغرفة
ام راكان بلعانة: لا لا تتعبها حنا نروح لها بالغرفة ونجلس عندها ما له داعي تتحرك اكيد تعبانه!
جراح يحاول يمنعهم: لا لا عادي انتم ارتاحوا هنا
صفيه دفته بخفه: اقول اترك زوجتك مرتاحه تعالي يا ام راكان
تحرك بسرعه وسبقهم للغرفة حتى ينبه رونق ....فتح عيونه بصدمة وهو يشوفها متربعه وماسكه الكتاب بيد وتهف على نفسها وهي تعلك
اشر لها قبل ما تدخل امه وجدته حتى تعدل جلستها!
عقدت حواجبها بعدم فهم !
همس بتوتر: اندفسي
قطع كلامه لما دخلوا...انصعقت رونق لما شافتهم وبحركة سريعة تكورت على نفسها وهي تتأوه: اه اه اه
جراح تقدم منها وجلس على السرير: للحين موجوعة يا قلبي!
انتفخت ملامح ام راكان وناظرت امها الي تتكلم : شربت الدواء!
جراح رد وهو معطيهم ظهره وبصعوبه قادر يمسك نفسه من الضحك: ايه
رونق قومي اشربي العصير رح ترتاحين
وهمس بإذنها «ارمي الزفت الي بحلقك»
ردت بهمس: وين اروح فيها!
تقدمت صفيه منهم بانتقاد: اقول ابعد خليني اشوفها!
تمددي على السرير
استلقت على السرير وهي ماسكه نفسها بصعوبة من الضحك!،
صفية جلست على طرف السرير : جبت لك مشروب رح يريحك وينظف الرحم عندك!
روح يا جراح جيب كوب افرغ لها!
تحرك جراح تحت انظار رونق المستنكرة ....كيف تشرب اعشاب مثل هذه وهي اصلا ما كانت حامل من الاصل اكيد لها اضرار
مدت لها صفيه بالكوب تحت انظار جراح الي صار وجهه بالالوان!
رونق برفض: جدتي ما اقدر اشرب مثل كذا على طول استفرغ
صفيه باصرار: حتى لو استفرغت رح تشربي ممتاز للرحم !
جراح بارتباك: جدتي اتركيها على راحتها
ام راكان بانتقاد: يعني جدتك متعنيه ومتعبه نفسها وانتم حضرتكم بكل برودة تقولون ما نبغى
ناظرت رونق جراح بنظرات نارية تبغى تأكله بعيونها من هالورطة الي تورطتها!
هز كتوفه بقلة حيلة!
مدت لها الكوب حتى تسقيها بنفسها ...رونق وهي عافسه ملامحها: ما هو الحين
ام راكان لمحت العلكة: صدق ما عندك سالفة العلكة بحلقك
جراح بتورط: دوبني اعطيتها اياها قبل وصولكم ...قرأت على النت انه يخفف وجع
صفية خزته بمقاطعة: ما ادري على وش اعطوك الشهادة دام النت مرجعك !
ابغى اعرف وش علاقة العلكة بوجع الولادة والاجهاض؟!
وانت اشربي بلا دلع
وضعت صفية الكوب على فمها بالغصب وجبرتها تشرب شوي
سرعان ما فزت رونق على حيلها وتوجهت للحمام ركض واستفرغت كل شيء بمعدتها
ام راكان رفعت حاجب: الحين وحده مجهضة تركض كذا!
كتم قهره من غباء رونق !
بعد وقت طلعت وعيونها منتفخة من كثر ما شدت على نفسها وهي تستفرغ ...نشفت وجهها بهدوء....ناظرت جراح يؤشر لها بعيونه من خلف امه و جدته...عفست ملامحها بعدم فهم !،
يبغى يلطم من الغباء الي هي فيه ...حكت جبتها لما فهمت الاشارة وعيون امه وجدته مسلطه عليها !
عفست ملامحها بألم كمقدمة وبدأ اكشن التمثيل وزادت العيار!
تحرك جراح نحوها:يا روحي لا تتعبين نفسك ..تعالي ارتاحي
ام راكان طق قلبها منهم ووقفت: تعالي يمه نجلس بالصالة خليها تنام ترتاح!
صفيه مطت شفتها وتحركت: ما تشوفين شر!
بعد ما طلعوا جراح بقهر من تصرفاتها: غبيه غبية ما تعرفين تتصرفين وكأنك فعلا اجهضت !،
رونق عفست ملامحها :وش عرفني يلا قولي انت وش اعمل
عقد حواجبه بعبوس: انا وش عرفني بخرابيط النسوان!
زمت شفتها بتعجب: والله!،
على اساس حضرتك دكتوووووور
اقترب منها : ترى تخصصي ما هو نساء وتوليد
دفته عنها بخفيف: وسنوات الدراسة والتدريب تبغى تقنعني ما صادفت مثل هالحالة
قاطعها: وحضرتك بدراستك ما صا
ردت بمقاطعة: انا ما زلت ادرس اما انت كملت
وبعدين انا اعرف الولادة الإجهاض ما اعرفه
رد بضجر من غباءها: اسمعي الاكشن الي عملتيه قبل شوي ما ابغى اشوفه خلص قدامهم خليك عادي وقولي مغص وتعب بسيط...يستر عليك فكينا من افلامك الهندية!
انقهرت منه: والله!
مب كأنه هالفيلم من اخراجك فتحمل نتائجه!
استغفر الله بس!
مط شفته بضجر: انا رح ييجي يوم وانتحر !
كشت عليه وهو طالع ....يعني وش عرفها الفرق بين الإجهاض والولادة!
***
***
**
صفية بصوت منخفض ،:-اقص يدي اذا كانت زوجة جراح مجهضة!
حنا مب جهال حتى ما نفرق بهذه الأمور
ام راكان بتأكيد: وانا اقول كذا ...بس وش هدفهم من هالكذبة!
انا نفسي انتفها حضرتها تعلك وإلا وحده دوبها مجهضة لها خلق للعلكة!،
صفية بسخرية: يعني الي يشوف العرض الي قدمته يقول جالسه تطلق للولادة!
ام راكان : الحق على ولدي الخروف الي يمشي معها على كيفها !،
صفية هزت رأسها: تعالي نجلس عند ام ناصر افضل لنا!
**
**
**
**
جالسة مع رونق تحت الشجر وهي مبتسمة: تحسين ماسكين لسانهم يبغون يقولون يا كذابة
روعة ضحكت: يا اختي انت اركدي شوي
رونق: وقسم بالله احيانا ابغى اقولهم تراها كذبة بس أتراجع لاني ما ابغى يطلع جراح قدامهم كذاب
روعة بابتسامة عريضة : كذاب وستين كذاب!
يعني الا الحمل ما ينكذب فيه!
وصفصف بعدها ؟!
رونق امالت شفتها بضجر:،ما تبغى ترجع حتى يرجع العرسان وتسلم عليهم ...وطبعا ما يحلى لها هالجمعات الا عندنا !
روعة : وانت ليه متضايقة يا حلو جلسة العجائز تسمعي اخبار العالم وقصص عجيبة غريبة!
رونق بملل: هالكلام تقولينه لما تكون الامور طبيعية ما هو بوضعنا هذا !
روعة بسؤال عابر: وامك زارتك ؟
رونق بابتسامة: ايه جاءت وبالاخير اضطر جراح يطردها لصقت عندنا ما تبغى ترجع لبيتها!
قاطعتها روعة وهي تدفها: يا سخفك !
تكلمي عدل اصلا انا الغبية الي سألت لأنه مستحيل زوجها يسمح لها تروح لبيت اخوالها!
رونق ابتسمت بوجع: بس هذه المرة سمح لها السيد فياض وجاءت وحضرته معها
روعة باندماج: احلفي!
تصالحتم؟!
اشاحت وجهها للجهة الثانية وتكلمت وكأنه خنجر بوسط صدرها: هي ما جاءت لزيارتي ...جاءت تزور مريم انت تعرفين فياض وراكان اصدقاء!
روعة بانفعال: وليه ما طلعت عندها تراها امك غصب عن الكل!
رونق بغصة تكلمت: ما كنت اعرف بوجودهم ما احد خبرني للصدفة ناظرت من الشباك وشفتهم لما غادروا !،
وبس!
روعة سكتت وهي تشوف لمعة الدموع بعيون رونق..
رونق زفرت بضيق: سبحان الله مريم اجهضت وانا نفس الشيء بس ما سألت عني
روعة تحاول تخفف عنها ضربتها بخفه: مصدقة حالها الاخت وعايشة الدور هههه
رونق ابتسمت بألم: بس ما احد يعرف انها كذبة !
تدرين مع الايام اكتشف انه ابوي افضل من امي ومع مريم حق لما اختارته!
امي بس مجرد شعارات حب بدون فائدة
روعة بدفاع: امك مضطرة تعمل كذا عندها بيت ومسؤوليات
رونق عقدت حواجبها: بالرغم من تصرفاتي الا انه يتغاضى عنها ويساندني!
ومع ذلك لما اناظر من زاوية ثانية اشوف امي أمرها ما هو بيدها !
تدرين ما عادت تفرق انا قررت الابتعاد عنها زوجها ما يطيقني وامي عانت بحياتها ليه تخرب حياتها بسببي!
خليها تفرح وان شاءالله يديم المحبة بينها وبين مريم!
ناظرتها روعةوهي تحسها شحطه وتبكي ...تنهدت ونطقت بمواساة: متأكدة بعد ما تمضي فترة رح ترجع وتزورك!
رونق مطت شفتها بسخرية: صدق!
خذيها مني نصيحة الي انكسر عمره ما رح يتصلح!
كسرت بخاطري بزيارتها لمريم!
انا ما صار بيني وبينها شيء حتى تعمل كذا!!!
بالعكس مريم آذتها من لما كانت طفلة وانا وش عملت؟!
وإلا السيد فياض زعل خلاص!
تخيلي وقفت بالزواج مقابل لي وكأني غير مرئية ما تشوفني!
وكأنها رسالة صريحة منها تقول فيها انت ولا شيء بحياتي ولا أشوفك بعيوني!
روعة بتبرير:تراك تبالغين!
عقدت حواجبها بقهر:أبالغ!
ما فكرت بموقفي قدام اهل زوجي!
امي ما تدخل بيتي وانا مجهضة!-
روعة بضجر:رجعت تقول مجهضه مصدقه نفسها الاخت!
ضحكت رونق وهي تمسح دموعها: سخيفة!
روعة بروح رياضيه: يا اختي الي باعك ارميه في البحر
رونق بتذكر: في اخبار عن جوالي!
روعة هزت رأسها بالنفي
رونق بقهر: متأكدة إنه مع وسيم
روعة بتفكير: وليه ما تستدرجيه
رونق لمحت بعقلها فكرة : اليوم رح اروح لهم واشوف هذا المراهق
روعة: تبغين تزورين قدر
قاطعتها : ابغى اسحب قدر الي يتبرأ مني ما له احفاد مني!
روعة بتأييد: ايه اسحبيها شوفي البنت كيف لما عاشت معهم كيف سحبت عليك وما تسأل عنك !
اكيد طول الوقت يلعبون بعقلها!
ابنتك كبيرة وش فيها لو جلست بالبيت لما ترجع من الدوام لوقت رجوعك!
هزت رأسها بموافقه ..وألف فكرة تدور برأسها!
**
**
**
وقف جراح السيارة ومسكها من كتفها لما همت بالنزول:-خلاص انا أنزل انت خليك هنا
ناظرته بجمود: فياض طلب منك ما ادخل بيتهم؟!!
جراح سكت للحظات وبعدها نطق: لا مو كذا!
خليك مرتاحة ما ابغى نتأخر على البيت!،
هزت راسها وسكتت وأوجعها تصرف فياض !
بعد ما دخل جراح نزلت من السيارة ..ناظرت بيت امها ومطت شفتها بحزن ...
التفتت لوسيم متوجه للبيت .بحركه سريعة مسكت جوالها فتحته ..جهزته للتسجيل ورجعته لحقيبتها بحركة سريعة....وتقدمت منه وبقوة مسكته من كتفه: اشوفك مبسوط يالمراهق!-
وسيم بقوة ناظرها وهو نافش صدره: مراهق بعينك!
ابعدي يدك احسن ما اكسرها!
رونق بابتسامة جانبيه: صدق!
بس حبيت اقولك جوالي الي دفنته تحت الشجرة طلعناه وبصماتك عليه
قاطعها بانفعال: مستحيل لاني كسرته
سكت لما حس بغلطته!
رفعت حاجب وهي تهزه من كتفه : جعل يدك للكسر!
وليه تكسره؟!
جوال ابوك حتى تكسره؟!
وليه تمسكه من الاصل ؟!
مين سمح لك تفتح حسابي!
دفها عنه:-انقلعي!
انا حر اعمل كل شيء وما احد يحاسبني
رونق مسكته من يده قبل ما يهرب: تعال وين رميته بعد ما كسرته!
وسيم لما شاف سيارة ابوه وقفت: اتركيني انا ما ادري عن جوالك!-
فتحت عيونها من تقلب موقفه هالكذاب!
اقترب منهم وهو يشوفها ماسكه وسيم من يده: وش صاير؟!-
وسيم: يبه تبغى جوالها تقول انا الي سرقته!
فياض سحبه ولده بقوة منها ...وبنبره حادة ناظرها:انت وبعدين معك !
مب ناويه تكفين أذاك عنا!!
وجايه لباب بيتنا!
ما خبرك جراح اني ما ابغى اشوف زولك هنا!
فوق هذا مصره ترمي بلاك علينا!
وتتهمين ولدي بشيء مستحيل يعمله لأنه تربيتي!
رجاء أنا للحين ساكت عنك فلا تختبرين صبري!
نطقت بنبرة مجروحه من كلامه وهي تطلع الجوال: خذ اسمع
دف الجوال من يدها بقرف: ما اثق فيك
نزلت للارض بسرعة وتناولت جوالها الي سقط على الارض
انهى كلامه وهي جالسه على الارض وبيدها الجوال وكأنها صنم دون حراك!
تحرك فياض للداخل بدون ما يلتفت لها!
ناظرت الجوال تأثرت الشاشة الخارجية .....تحس بوجع داخلها كل يوم يزيد ....ما غلطت عليه وكلمته بأدب حتى ما أعطى لها فرصة تتكلم!
غمضت عيونها بألم وهي متأكدة رح ييجي اليوم الي يرجعون لها ...لكن ذاك الوقت يكون الوقت تأخر وما رح يلقونها!
وقفت لما طلع جراح ومعه قدر ويرافقهم فياض...توجهت عند السيارة ووقفت بهدوء!
سلمت عليها قدر وعلامات الضجر واضحه عليها ما تبغى تروح معهم !
ما اهتمت لأنه بداخلها وجع اكبر من كذا!
دخلت السيارة بهدوء وما ناظرت جهة فياض ...ركب جراح السيارة وحرك بهدوء وهو يتكلم مع قدر ويضحك!
ماسكه نفسها بصعوبة ما تبكي ....التفتت على جراح الي يكلمها ...ما قدرت تنطق حرف واحد ...اكتفت بهز رأسها بالنفي وصدت للجهة الثانية!
فسر حزنها وعيونها الي تنذر بالبكاء بسبب جفاء امها معها!
حاول يصلح الوضع بينهم لكن فياض راكب رأسه ورافض رفض قاطع!
**
**
**
**
«نخفِي حُزناً ووَجعاً وَدُموعاً أحيَاناً، خَلفَ عبَارة أنَا بخَير، تباً لعزة النفس، وسحقاً لواقع لا‌ يوجد به احتواء صادق»منقول