روايه بسمه مدفونه في خيالي

البارت 31

مساء الخير ..تنويه البارت قصير حتى ما تنصدموا وأحداث يوميه ^^

بارت 31

التفتت لما سمعت طرقات على الباب ...صدت لجهة الشباك ما لها خلق لأحد ...زادت الطرقات على الباب ...لحظات فتح جراح باب الغرفة وناظرها واقفه عند الشباك ولا كأنه الباب ينطرق ...هز راسه بضجر من تصرفها ...توجه للباب وهو يسأل: مين!
فتح الباب لما وصله صوت فياض ...وبترحيب: هلا
فياض بملامح عابسه دخل وخلفه الجازي !
غمضت عيونها للحظات تحاول تشحن نفسها بطول البال وهي تسمع صوت فياض الناقد: واقفه عند الشباك كذا وانت كاشفة !
جراح بهدوء: بالنهار ما احد يشوف !
تقدمت بضيق وما نطقت بحرف واحد ....سرعان ما عفست ملامحها من كلام فياض: وش تنتظرين للحين ليه ما حذفت الزفت !
رونق رفعت حاجب من عصبيته هي للحين ما تعرف وش هي المقاطع ...شافت المقطع الي مده لها جراح لما كانوا بالسيارة بس !،
فياض بغضب وخاصة إنه واحد من المقاطع ظهرت الجازي بلمحة وهي كاشفة بالرغم انه التصوير بعيد وما هي واضحة الصور
ذذد : لا تناظريني كذا هاتي الزفت!
جراح اشر له يجلس:هدي اعصابك
فياض بنبرة غاضبة وهو يوجه الكلام لها : انت وش تبغين منا ؟!
وش هدفك من ذي الحركات!
عقدت حواجبها بسخرية والضيق باين بملامحها: هدفي!
الجازي بضيق من تصرفها: ليه تعملين كذا!
وانت تعرفين فياض ما يحب هذه الامور ليه
جراح يهدي الأوضاع : ترى
فياض بغضب من جراح: يا اخي انت دمك مويه!
زوجتك
قاطعته رونق بقهر : انت
قاطعها وهو ماسك نفسه ما يضربها: انت انكتمي !
انا الحق علي يوم دبست جراح فيك وظلمته وكل املي اغطي على ماضيك المشرف ...قلت ان اخذت جراح أكيد رح تصير بنت عالم واصل لكن عمر ذيل الكلب ما ينعدل!
فتحت عيونها باستنكار من كلامه حتى فياض يشوفها بهذا الانحطاط...ناظرت جراح الي يناظر وكل علامات الاستفهام فوق راسه من ماضيها الي الكل ينغز فيه!
فياض يعني استغله وفي ماضي عن رونق ما يعرفه!
قطع افكاره وهو يناظر رونق تتكلم بصراخ مع فياض: انت اصلا واحد غدار اذا صديقك طعنته بظهره كيف يوثق الواحد فيك!
الجازي بانتقاد : رونق عيب
رونق بغضب : رونق عيب !
ما سمعتي كلام زوجك؟!!
جاي ثاير علي كل هذا علشان بلقيس انتشرت صورها على النت !!!
والا ذبحتك الغيرة لانه جوادوووو شافها
قاطعها فياض وهو يضغط على فكها بقوة: اوقح منك
ابعده جراح بقهر من تصرفه : اتركها!
الجازي تحس كل شيء فوق راسها رونق من جهةوفياض من جهة : فياض لا
قاطعها وهو عافس ملامحه من الغضب : تراك من طيبة قلبك يا جازي ما تشوفين حقد هالبنت .كان عندي امل انها تتغير وتصير افضل بكثير لكن بنفس الوقت اعطيك عذر ما لقيتي احد يربيك .ما اكتفت بكل شيء وتمادت وهي تحاول تسحب وسيم لمستنقعها ..اصلا مين سمح لك تنزلين صور وسيم!!
رونق بدأت الصورة تتضح امامها ...اكيد وسيم هو الي عمل كذا لأنها ما نزلت صوره ...مطت شفتها بسخرية ودموعها تلمع بعيونها: تتكلم عن التربية؟!-
روح ربي ولدك تراه هو الي نزل المقاطع
ضحك بقهر : تصدقين حلوه هذي!
الحين بعد ما تورطتي تبغين تحطينها برقبة وسيم !
وبنبره آمره فيها تهديد وهو يتابع كلامه: هاتي الجوال خليني احذف المقاطع احسن ما اكشف المستور افضل لك !
ناظرت جراح الي يناظرهم وهو يحس نفسه وقع بفخ بقوة ...فياض ورونق ضحكوا عليه واوقعوه بالفخ وهو مثل الغبي وبحدة ناظر فياض: الي يحلم يفسر !
وش هالمستور؟!
لا يغركم سكوتي وهدوئي تقولون هذا اهبل وغبي. وعبيط ترى ورب الكعبة ان
قاطعته رونق بخذلان ودموعها بدأت تتراقص بعيونها: وانت صدقته من اول ما بدأ يرمي كلامه ؟!
ما تثق فيني !
يلا يا فياض طلع المستور اشوف !
هزت رأسها بحسافة : ما توقعتك كذا يا فياض توصل فيك تفتري علي حتى تنتقم ؟!
ما اكتفيت بانتقامك لما زوجتني من جراح والحين جاي تدمر حياتي!
رفع حاجب باتهام : لا تنكرين تراك وافقتي على جراح حتى تنتقمين من اهلك بعد معاملتهم لك لما كنت على ذمة نايف!
زمت شفتها بحسافة : ايه وبعدين كمل !!
زفر فياض بضيق وهو يحس انه تسرع بالكلام لكنها تستفزه بقوة ..مسح على وجهه بيدينه وبعدها نطق : اعطيني الجوال خلينا نحذف المقاطع ويا دار ما دخلك شر !
عفست ملامحها بتعجب: بعد كل هذا تقول ببساطة يا دار ما دخلك شر!!!
جراح بغضب منهم : خلاااااااص كافي!
عندك شيء قوله مباشرة لا تجلس ترمي كلام .....رونق ما
جراح زفر بضيق وتكلم. بمقاطعة: رونق بالرغم من اعمالها السيئة الا انها من ناحية الشرف والأخلاق ما عمري شفت عليها الشينة فلا يروح ذهنك لبعيد انا ما افتريت عليك يا رونق ...انا اتكلم عن تصرفاتك الطائشة
ناظرته بكره مهما رقع ما تضبط معه نطقت بأسف : انا اكرهكم كلكم ...قرفت الحياة معكم ...وما رح احذف شيء!
تركتهم وتوجهت للغرفة وقفلت الباب بالمفتاح ...تحس بالاختناق اذاها فياض بكلامه كثير ....مسحت دمعه متمردة على خدها ..وهي تشوف موقف امها السلبي!
توجهت لحقيبتها تشوف الجوال...وش المقاطع الي عملت كل هالضجة!
عقدت حواجبها باستنكار الجوال ما هو موجود ! فرغت محتويات الحقيبة على الأرض والرعب دب بقلبها !
ما له اثر ....بلعت ريقها وهي ترجع الأغراض للحقيبة بعشوائية !
وقفت وهي تحاول تتذكر مكانه ....من لما رجعت ما لمسته !
يمكن وضعته بغرفة النوم ...بسرعة توجهت للباب وفتحته لزوم توصل للجوال قبل جراح ...
فياض وجراح وامها ما لهم اثر بالمكان ...توجهت لغرفة النوم مثل المجنونة تبحث هنا وهنا !
لكن ما في اثر للجوال ..وقفت برعب لما حست بحركة جراح بالغرفة !
تحركت بهدوء حتى تطلع من الغرفة ..وقفها وهو يمسكها من يدها بجمود: اعطيني الجوال خلينا نخلص من هالسالفة
ابعدت يده عنها بقوة وتحركت بدون اي كلمة!
قفلت الباب وهي تحس بمصيبة حلت على راسها وين الجوال!
المشكلة ما عليه قفل ....اكيد الي سرقه هو الي نزل المقاطع !
رددت بداخلها «يا رب»
يا فضيحتها اذا نشر صورها !
لازم تتحرك لكن كيف!
المشكلة انها واقعة بين ناس ما عندهم تفاهم لو يعرفون انه انسرق الا يحرموا عليها تحمل جوال !
اليوم اكتشفت انه جراح مثلهم عصبي !-
كيف تحل المشكلة ؟!
لحظة رح تدخل حساباتها عن طريق اللاب وتحذفها وبعدها تفكر بطريقة الي تسترد فيها جوالها ....
فتحت الباب لازم تتصرف ...بلعت ريقها وهي تشوف جراح بوجهها ...ناظرته للحظات وبعدها صدت عنه ..سرعان ما التفتت عليه برعب لما نطق: اعطيني جوالك
حاولت تحافظ على ملامحها وتكون هادية ما رح تخلي أحد يعرف انه الجوال ضاع منها : خلاص انا احذفهم الحين
قاطعها بحزم : الحين قدامي
سكت لما رن جواله ...رد بهدوء: هلا....وش صاير ....طيب الحين جاي!
قفل الجوال وناظرها بتحذير : انا طالع الحين تحذفيهم ما هو ناقصني وجع رأس ...ولما ارجع لي كلام معك !
تركها وغادر بهدوء ...تنفست براحة لما طلع ...توجهت بسرعة فتحت اللاب وبحركات سريعة حذفت المقاطع ...غيرت باعدادات حسابها ..وبعدها قفلته نهائيا !،
مضطرة تعمل كذا ....لزوم تعرف مين اخذه!!
معقول وسيم؟!
بس وسيم ما تظن انه ينشر مقطع وجه أمه فيه ظاهر !
بس ليه صور وسيم منشورة ؟!
وقفت وهي تفكر بذي المصيبة كيف تتخلص منها ..تذكرت الواتس تخاف ينشر السارق عليه صورها ....حضنت رأسها بيدينها من هالمصيبة الي حلت عليها !
**
**
**
**
فياض بغضب: قلت لك خلاااص
الجازي بقهر،: ما يحق لك تمنعني من ابنتي، وما اسكت لك على اسلوبك وتعاملك كذا معها
ام فياض واقفه بينهم بضياع : حسبي الله عليها من بنت خربت الدنيا !
الجازي ناظرتها بقهر:وليه تتحسبي عليها ترى حذفتهم وخلصنا
فياض والشرار يطلع من عيونه بداخله قهر من تصرفات رونق: ما شفتيها كيف تتحداني وتقول ما رح تحذف شيء..اوقح منها ما شافت عيني!
قاطعته الجازي بغضب: خلاص كافي ...اترك هالبنت بحالها !
بغيت تخرب بيتها بكلامك
فياض : ما عادت تفرق لانه خلاص طق قلبي من هالبنت !
الجازي ناظرته بقهر ...وبعدها غادرت المكان لأنها ما تضمن نفسها تشتبك مع فياض وعمتها!
ام فياض مطت شفتها: يا هذه البنت ما دخلت قلبي من اول ما شفتها ....انت كيف طاوعك قلبك ودبست جراح صاحب القلب الطيب فيها !
فياض بغموض: ندمان على هذا التصرف وبأسرع وقت رح اصلح هالغلطة !
ام فياض عقدت حواجبها : كيف؟
ترى ام راكان تقول انها حامل
عفس ملامحه باستنكار: حامل؟!
ام فياض باستفسار: وابنتها رح تبقى هنا
فياض بحزم : قدر عندي وما رح تطلع من هنا ..انا اتفقت مع نايف انها تعيش عندي ،
ترى هالبنت ضحية حرام تعيش عند رونق لأنها رح ينولد بداخلها عقد نفسية ما لها علاج !
من البداية قلت للجازي يراجعون بها عند دكتور نفسي لأنها مريضة وكل يوم تزيد حالتها سوء !
لكنها تكابر خلينا نشوف اخر هذه المكابرة !
**
**
****
***
جراح مستند على الجدار بضيق وهو يناظر جدته الغاضبة: مستحيل اقبل بهذا الشيء!
هذه البنت عندها حس إجرامي كبير وش يضمن لي ماتذبحني! ابدا ما رح اقبل !
راكان بإقناع : يا جدتي ترى جراح معها ..وليه تذبحك ؟!
ام ناصر برفض قاطع: قلت لا يعني لا ...انزل انت ومريم عندي وخلي جراح يسكن فوق!
زياد بسخرية:تبغين الحرب العالمية الثالثة تقوم !
جراح يناظرهم كيف رافضين وجود رونق معهم ...ما يشوفها بهذا السوء الي يتكلموا عليه ..بالعكس إنسانه تدخل القلب من اول ما تشوفها..معقول حبه لها معمي على عيونه !
تنهد وتكلم بهدوء : مشكورة يا جدتي على الطردة ..ازعجتك
قاطعته وهي تشوف الزعل بملامحه : خلاص تعال
راكان بسرعة استغل الفرصة وهو يشوف جراح ناوي يطلع وما يبغى يسكن هنا: جراح يلا نمشي خلينا نبدأ من الحين بنقل الأغراض قبل زواج زياد تكون مستقر هنا!
قبل مايعترض تكلم راكان : انت ما تبغى تصلح الوضع بينك وبين امي ؟!
ناظره بضيق:ايه بس
قاطعه وهو يسحبه للخارج : لزوم تتنازل عن كرامتك مقابل رضا امك !
الحين ترجع للشقة تجهز الاغراض وانا بعد ساعة اكون عندك نساعدك!
هز راسه على مضض ...وتوجه راجع للشقة !
**
**
**
**
جالسة على الكنبة بالصالة وحاضنة راسها بيدينها وهي تفكر بالمصيبة الي حلت على راسها ...هذا سبب تساهلها المفروض وضعت رمز حماية للجوال على الاقل تحمي محتويات الجهاز ..المشكلة ما هي قادرة تتذكر اخر موقف كان معها الجوال !
اخخخخ من ذاكرتها المعطوبة !
دخل بهدوء وناظرها وهي متكورة على نفسها ....رق قلبه لها ...مهما عملت لها مكان بقلبه ....معقول عيون الغزال تحمل كل هالإجرام ....هز راسه بالنفي مسستحيل ....اقترب لما رفعت راسها وناظرته بذبول بدون ما تنطق بحرف واحد !
سأل باستفسار: ليه جوالك مقفل ؟!
رفعت حاجب وهي تردد مقفل ؟!
راودها امل انه وقع منها وللحين ما احد لقاه بما إنه مقفل !
استغرب سكوتها وسرحانها: رونق انا اسألك
ردت تحاول تغطي على سالفة الجوال: ليه اتصلت؟!
تكلم بهدوء : تعالي نجهز الاغراض اليوم رح ننتقل لبيت جدتي
فتحت عيونها باستنكار: الحين
ناظرها وهو رافع حاجب: ايه الحين
قاطعته : بس انت قلت نهاية الأسبوع
رد بهدوء: اليوم او نهاية الأسبوع ما تفرق !
تكلمت بهدوء ظاهري وداخلها رح تنفجر : طيب بالأول ابغى اروح لبيت فياض ابغى قدر خلاص كافي جلستها هناك !
جلس بعد ما زفر بطول صبر : بس انت عندك دوام وانا دوام وين تبقى لما ترجع من المدرسة؟!
تبغى لقمة تأكلها رح تكوني طول الوقت قلقانه عليها!
وبعدين لا تنسين قدر متعلقة بديما وخالد لدرجة ما هي معقولة وانت شفتي كيف عملت لما قلت لها إنك
قاطعته وهي عارفة كلامه مضبوط قدر مبسوطة عند الجازي كثير وكأنها ابنتها لكن مقهورة من فياض وتصرفاته وما تبغى قدر تعيش معه : بس
قاطعها بهدوء : بالعطلة تنام عندنا وايام الدوام رح تكون عند امك اتركينا من هذه السالفة !
خلينا بسالفة انتقالنا
قاطعته وهي عارفه وش رح يقول ...نطقت بمرارة: أنا ما اغلط على احد وما اتدخل بأحد ..لكن بنفس الوقت الي يغلط علي ويهيني ما رح اسكت له ...ولا تقول
قاطعها بنرفزة من كلامها:: ما احد رح يقولك شيء بس انتي خلي كلامك دافئ!
لا تخربين مخططاتي بتسرعك انا ابغى ابني بيتنا ويكون عندنا أطفال ونعيش بسعادة وبنفس الوقت امي تكون راضية عني!
لا تصعبين علي الطريق يا رونق
قاطعته وهي تناظره بخيبة،: اي اسرة وانت ما تثق فيني
رد بتبرير: انا اثق فيك ...بس انا بشر وانتم كلامكم كان فيه نغزات ...بس فياض لما طلعنا خبرني إنه يقصد فعايلك بأهلك وتكلم كذا يضغط عليك وتحذفين المقاطع
انت ليه كذا عنيدة ؟
ومن الاصل ليه تنزلينهم ؟!
انت
قاطعته بقهر : خلاص ترى قلبي طق منكم...وما يهمني كلام فياض وما انتظر منه يبرر موقفه قدامك حتى حضرتك تصدقني ...
قاطعها انتقاد: وانت ليه تكلميني كذا ؟
يعني فوق غلطك وتراددين!
خلاص انا مليت من تصرفاتك وعنادك !
حست كلامه كسر اشياء بداخلها ...نطقت بخذلان :صحيح مليت !
حركت شفتها تتكلم ..سرعان ما تنهدت بضيق تحس ما في كلام يصف هالموقف....وبهدوء وملامح الضيق ما قدرت تخفيها : تقدر تأخذ اغراضك وتنتقل لبيت اهلك ...انا رح اروح لبيت جدي وليد
قاطعها وبدا يتنرفز : رونق ترى واصله هنا!
اخزي الشيطان وتحركي معي
حركت رأسها برفض: ما رح اطلع معك دامك
قاطعها وهو يتكلم بحده: انا رح اجهز الامور والله ما يحصل طيب إن ما
عفست ملامحها بسخرية : ترى
قاطعها بغضب وعصبية اول مرة تشوفها: رونق لا تختبرين صبري تحركي ترى واصلة هنا!
تحركت لا شعوريا ما هو خوف منه لكن عصبيته تلقائيا اجبرتها تتحرك!!!