كرونيك:💔 ما_ذنبي💔

لحلقة 29 الأخيرة

لحلقة 29 الأخيرة
فارس: ذنبك حبيتك و عشقتك و كل يوم نشوفك نشوف وجه سيف كي كان يحكي عليك و يقولي نعمة صديقة حتى حبيتك ذنبك محمتيش سيف من يدين ختك ذنبك أنك من عايلة رحماني ذنبك انك ضعيفة محفضتيش على حبك ذنبك انك تزوجتي و أنا نعشقك منين نشوف ريم عندي نتفكر بلي راكي في حضن راجل وحد اخر نهبل.عرفتي ذنبك .
ريم شافت فيهم و ضحكة من قلبها و قتلهم : هههه كون نموت درك نموت هانية والله فارس و أحلام في زوج في نفس وقت بعيد شر .
ريم ودعت عايلة عماد كامل و دورت لجدها و قاتلو ؛ ههه سمحني كي كنت نقولك شايب نار و مام انتي جدتي سمحيني .طارق عمرك مقستني و لا قستك مي سمحني عمي جلال رغم كلش درتو فيا راك مسامح و نتمنى تسمحني عمي ناصر والله نحبك انت و طاطا سامية نحبكم اتفكروني بلخير عمتي هند حتى انتي نحبك بلاك كون مكش انتي اني ميتة . طاطا أمينة دزولي غلبتك معايا رشا و سارة و إسلام اكم خاوتي دورت لغادة و عنقتها و قتلها انتي صحبة تاع صح ربي يجمعنا في جنة خالتي نورة خيرك ماننساهش و نشهد حدا ربي بيه عماد حبيبي و روحي نحبك ربي يلقينا في جنة عماد يبكي بصوت و يقلها اني نحبك والله نحبك قربت لفرح و قتلها اتفكري بلي ماماك تحبك ديما و اني عند ربي نشوف فيك متعذبيش باباك دكور و بستها و عنقتها هي و عماد ولات تبكي راح نتوحشكم ( نتوما تاني تبكيو ولا راني نبكي وحدي )
جات وقت لعملية دخل فارس و إسلام و عماد هما لراح يدرلها عملية و معهم اكبر طبة في جزائر بعد 4 سوايع خرج عماااد يبكي و يقول أدعولها ربي يخليهالي نجحت عملية الحمد لله (هههه كنت راح نقول أدعولها برحمة خفت تدعيو عليا )
فرحوا كامل خرجت ريم بصحة جديدة و قلب جديد و صفحة جديدة
ريم طاطا أمينة وين بابا ؟ امينة هههه روحي شوفيه او في صالون راحت ريم لقات فرح فوق
ضهروا و هوا يحبوا فأرض و يقلها باااااع باااع و هي تقولو جدوا قتلك دير كي بقرة مش كي كبش وشبيك
فارس : إإه يا فارس في أخر عمرك وليت بقرة نشاء الله تحبس هنا برك هههه مي مش خسارة في بنت غالية و حفيذة غالية
نهاية
نتمنى تكون إعجبتكم و خدتوا عبرة منها بلي ليزوج ولا يدير حاجة بلا شور والديه يسلك و طلاق ديمة يروحوا ضحيتوا لولاد ملا خيرو حبقلبكم بعقلكم مش بقلبكم هه نكول ربي على كل و حدة قرات و هربت خليلي رايك حسي شوي بتعبي ياكشرودة ناس راقدة وانا اني نكتب و الأمانة كاين أحدات إقتبستها من رواية بلغة خرا منسرقوش تعب ناس مي بدلت و زدت حوايج بزاف و جبتهالكم تحياتي