كرونيك:💔 ما_ذنبي💔

09

الحلقة9:
عاشت ريم احلى ايام حياتها عند عمها ناصر خاطر مرتوا كانت عاقلة و تحبها و ولادو كانوا يحبوها ريم تبدلة مولاتش طفلة متوحشة حتى جا لعيد و سامية كانت بكرش عرضهم جدهم كامل لعايلة يروحوا لمدينة العاب راحوا كامل غير سامية و ناصر في حديقة فليل كل واحد لاتي بولدوا غير ريم واحد مقربلها سمعت ولد عمها إسلام يقول لولاد عمومو : ههه إمجاني جدي يزوجكم بهذي هههه و لولاد يضحكوا عليها و يتمسخروا بيها باقية فوق كرسي وتشوف فيهم كيفاش فرحنين معا ولادهم شافة فارس كيفاه فرحان و مغفرلهاش في لعيد جاتها بكية تبقى طفلة صغيرة حتى لقات عمتها هند جاتها و بستها و تشوكات كي عرفت بلي ريم و ريم حكتلها واش صرا فيها راحت تعيط وتقولهم حرام عليكم اي دمكم و لحمكم و فارس شاف كيفاه لولاد كانوا يدرنجيو فيها زعف و راح يتقابض مع جلال اب إسلام ويلوم في ناصر لهذاك وين وصل . ناصر زعف و قالو : من قبيل و انت تعيط ماحشمت ماقدرت روح لبيك على بنت غير اديها .
فارس: بنتي بنتي ... كرهتوني اني نتبري منها قدام ربي و قدمكم
بكل سكتوا و تشكاو و كانت صدمة ريم لكبيرة ريم: وشنوا هذا بابا ؟ يخي بابا مسافر؟ ولات تبكي وتقلهم وانا مصبرا روحي و نقول غدوة يرجع بابا ونحكيلوا واش درتوا فيا و يرجعني لماما و تبكي تبكي تشهق . فارس يشوف فيها تصدم كي عرف بلي كانت حطتوا بلي مش باباها .
جدها : جيبولها قشها من ليوم تعيش عندها
جدتها: محال بنت احلام تعيش معانا محااال
راح عمها طارق وجاب حويجها من عند عمها ناصر و سامية تبكي خاطر والفت بريم و تحول في رجلها باه يخليها و ناصر قطعت قلبوا من فات و قال ميخليهاش عندوا محال يدور في كلاموا.
دخلت ريم لدار جدها كان قصر جامي شافت كيفوا كان عيش معاه جلال و مرتوا و ولادوا و عمها طارق.