كرونيك:💔 ما_ذنبي💔

10

لحلقة10:
جدتها كانت مرا كبيرة مي جايحة ههه عرفتوا جور هدوك لعجايز ليدروا مكياج و شعر قصير ... جدتها : ياربي راح نموت كيفاش كل صباح نشوف وجه بنت أحلام ياربي معنديش كلمة مسموعة في دار هدي كون طيشوها في دار الايتام ولا عند مها
جدها : خلاص يا حليمة خلاص تبقى طفلة من دمنا
ريم: مكش برك انتي يا عجوزة نار لمكش حبا تشوفني حتى انا كي نتفكر بلي راح نصبح على خلقتك نفشل حشى خلقة ربي كشما بقالك مكياج شيب و لعيب
كنينها و حفادها تبسموا حكمين ضحكة بسيف مام جدهم
جدها خبا ضحكتوا : ريييييييييييم
ريم: واش أشيب مدعي علاه تندب عليا
راح يجري وراها هربتلوا تجري لبيتها خاطر مدولها بيت عمتها هند.
كنتها ام إسلام : اه ربي يعنا على ما بلنا حملنا أحلام حتى نحملوا بنتها.
بنتها: شفتها ا ماما كيفاش مدايرة قصيرة و تحرقت من شمس هههههه
جدها : فيها ملامح بزاف من ولدي سيف ربي يرحمو
جدتها بدمعة في خدها: ملقيت لمن تشبه سيف لبنت شيطانة
سامية (مرت ناصر هههه غير اشفاو على اسمي): علاه أحلام جامي قاستكم حتى هيا مظلومة مكملتش هدرتها قطعتها جدتهم: ساااااامية خليك بعيدة متدخليش انا اي واحد يقرب لحنان مذنب سوا ريم ولا أحلام.
سامية بصوت دليل: ربي يهديكم ناصر هيا نروحوا استنا نطلع نبوس ريم ونجي
ام إسلام: هههه ديما تلعبها ناس ملاح .
بنات جلال و نبات فارس قعدين يمنشروا في ريم و يضحكوا عليها.
ريم تفوقت في دراسة كانت في لولة طلعوها لثالتة طول مي وحد معلبلوا بعد مرور سنتين
ريم: واش الشايب سفا؟
جدها: شيب يعمر راسك يخي قتلك احشمي
جدتها : ومنين تعرق هذي لحشمة؟
ناضة ريم باستها من خدها و قتلها مكرة فيك يا جايحة و هربة تجري جدتها هبلة ولات تسب فيها و جدها ميت بضحك هبط طارق يضحك و قال : ههه والله هذي لتجيب أجلك سمعوا لبكا تاع ريم