كرونيك:💔 ما_ذنبي💔

07

الحلقة7:
زيدني مصروفي ميكفنيش .
فارس: اطلبي عينية نمدهملك هههه شاف في ريم لسكت كي عادت و قلها : وانتي تاني نزيدك مصروف؟
ريم هزت روحا و جات خارجة و قاتلو : صواردك صدقهم كشما يغفرلك ربي .
فارس حس بطعنة في قلبوا (صح صغيرة بصح تعجبكم واحد ميقدر عليها خليولي رايكم في ريم فكومنتار صح لسانها طويل ههه).
قال ل أمينة : قداش قاعد تمدلها؟
أمينة: منمدش يخي قتلي اجبدي روحك في بالي انت تمدلها؟
فارس: وكفاش راهي توكل هذي شهور ؟(مدرسة بدوام كلي لزم تسلك حق لفطور و لغدة) ياخوفي تكون تسرق سع والله نقطعلها يدها.
ولمعلبلوش بيه بلي ريم تبقى بشر و جوع حتى تروح وساعات تمدلها غادة معاها مي كبرياءها ميخلهاش تقبل مكلة من عندها ديمة.
في قسم سيرين تبكي و تقول : معلمتي والله ريم لسرقتي صواردي .
معلمة : ريم جيبي محفاضتك و ارواحي
ريم: اي تكذب سيرين يا تقولي صح يا أكي تعرفني؟
معلمة': ريييييم قتلك ارواحي حلت محفاضتها لقات صوارد عندها طلعتها طول لمديرة.
كان في سبيطار مع باباه و خوه ناصر ( فارس عندوا 4 خاوة ناصر و جلال و طارق سيف و هند طفلة وحيدة عايشة في خارج)
فارس: الو وشنواااا اني جاي سلام . لكلبة هذي حالفة تكرهلي معيشتي
باباه: واش كاين
فارس: معرف واش من مصيبة دارت اني رايح لمدرسة
في بيرو تاع المديرة دخل فارس و باباه و ناصر مديرة شفتهم خافة خاطر من اكبر العايلات راحت جابت ريم و حكتلهم كيفاش سرقة صوارد
ريم: هاااااي انتي لمديرة صدقتي لكلبة هذيك موتها على يدي مش ريم لتسرق دكور نموت شر و منديش دورو خطيني فاهمة و حقيقة تبان و ترديلي حقي قدام مدرسة كامل (ريم كانت تهدر بثقة ريح ميهزهاش تخلي اي واحد يصدقها) و دورت و قتلهم اسناوني درك نولي
فارس : دور لمديرة و قالها علبلك واش راكي تهدري و كون تضهوا تبلاو عليها