كرونيك:💔 ما_ذنبي💔

01

الحلقة1:
وصلت احلام حدا فيلا كبيرة و في يدها بيبي وصلت لقات عمي حمد جيناني شفها تشوكا قالها :أحلام بنتي وليتي؟
احلام : أااه وليت معليش تحلي لباب
عمي حمد: سمحني يا بنتي يخي تعرفي جدك و باباك انا نروح نقلهم ونرجعلك
بعد شوي قدام باب جا جدها و باباها و 3 خوتها و ولد عمها.
خوها جيتي ياكلبة جيتي اطلقوني عليها ليوم موتها .
جدها كان راجل كبير بكل يدرولو الف حساب قالو : أسكت و انتي كي رحتي زوجتي بدرقا علينا و بلاشورنا و من ولد شكون ولد عدونا كي طيشك رجعتي .
باباها : أدي لي جبتها معاك و ارجعي وين جيتي .
أحلام: حرام عليكم طيشو لحمك برا و أنا و بنتي وين نروحو تهدر و تبكي ياك زوجت في لحلال
خوها : قلنالك قودي .
احلام دورت على ورها وجات رايحت جدها : أحبسي وين تروحي واش حبين يقولو علينا بنت رحماني(راهي نقمة من راسي ولاكان كاين فامي هك اي مجرد صدفة) تخرج لشارع يكلونا و حنا دخلين على إنتخاب .
جبدها من يدها و رماها في بيت خردة فجنان(كانت بيت قديمة و صغيرة فيها طاقة صغيرة و تولات هذا مكان)
قالها: من ليوم من هنا متخرجيش . حمد مكالا ترمهالها من تحت الباب دكور.
بعد مرور 5 سنوات
ريم: ماما هزيني نطل من طاقة؟
احلام:درك نهزك شافت مع بنتها غاضتها قطعت قلبها من يوم جات وهي محبوسة مشافة ملعبت تحرمت من كلش حراااام عليك يا فارس حراام شوف وش درت فيا و في بنتك حتى مكلا رانا 5 سنين وحنا نكلوا في فضلة تاع رحماني قطع افكارها صوت باب دورت لقات جدها و باباها و لد عمها
جدها: شوفي هذي اول مرة نشوفوك من بعد 5سنين شوفي جبتلك عرض و انتي خمي باه متقوليش عائلة رحماني ميرحموش اولا عرض يا تخرجي و تعيشي حياتك طبيعية بشرط تزوجي ولد عمك و هذي شاف مع بنتها و قالها وهذي ترجع منين جات .
احلام: لا لا حرام عليك. منقولة.