رواية ( اعداء بالدم ) كاملة جزئين مدمجين

#الحلقة_ال77_وال78 #حرب_داخلية

#اعداء_بالدم الجزء الثاني
#الحلقة_ال45_وال46
#حرب_داخلية

اصعب انواع الحروب هيا الحروب الداخليه  اللي بتكون مع الناس  اللي منك اهلك و الاصعب برده تكون حرب مع نفسك حرب مع شخصك انتا و دي اصعب بكتير و العواقب  بتاعتها  مش حميده

بدايه الفصل

بعد اسبوع بليل  باسل في اوضه فندق و متوتر جدا و معاه جمال المحمدي و اصحابه

جمال :  باسل

 باسل  : ايوه

جمال : هسألك ل اخر مره انتا هنا علشان عايز  ولا علشان ده الطبيعي

 باسل  : ( رد بتوتر ) علشان عايز

جمال : ( حط ايده على كتفه ) يبقي استحمل نتيجه اختيارك

 باسل  : بس كده لا ازاي يعني

جمال : هيا كده  لازم  تدفع

 باسل  : اشطا ادفع بس تمن حاجه اخدتها مش كده ، ازاي يعني عايزني ادفع فاتوره البوفيه فيه جمبري و البوفيه اساسا لحوم ازاي

موظف : يا فندم دي مقبلات

 باسل  : مقبلات ازاي بقولك بوفيه لحوم في مقبلات جمبري و بعدين مين قال البوفيه يكون فيه خمور عشرين قزازه شانبين ليه

موظف : اخو حضرتك يوسف بيه طلب البوفيه يكون فيه خمور

 باسل  : طيب انزل ارفع الخمور من على البوفيه فاهم

موظف : تمام يا مستر باسل

طلع الموظف و  باسل  ولع سيجاره و قعد شويه بعد كده خد حلاوه نعناع و طلع من الاوضه و هو متوتر جدا راح اوضه تانيه خبط

إيهاب : ايه يا عريس جاهز تستلم عروستك

 باسل : ياريت يا عمو ذوق معايا اليوم ابوس ايدك انا متوتر جدا

دخل إيهاب الاوضه و جاب فريده و هيا لابسه فستان ابيض جميل  عليها و مخليها فريده مش مجرد اسم بس مسك ايدها و باسها

 باسل  : بحبك

فريده : ( وشها احمر من الكسوف )

 باسل  : يلا

اخد ايدها في ايده و نزل تحت القاعه وسط تسقيف من الكل و قعد في الكوشه و الناس بتبارك ليه قعده

حديث جانبي

قاعده جيهان الصمدي و ليليان

ليليان : هاتي قمر يا طنط اشيلها شويه

جيهان : تشيلي ايه انتي ابعدي ايدك دي حبيبه تيته تقعد مع تيته بس

ليليان : يا طنط طول الاسبوع مش عارفه اشيلها

جيهان : لا تشيليها ليه انتي ها ، و بعدين نظفي ايدك ممكن يكون  عليها جراثيم  ولا حاجه امشي اوعي ايدك يلا